完整藏文原文 · 德格版页 当前仅加载第 86 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྡོ་རྗེ་ཀུན་ཏུ་འབར་རབ་ཏུ་འབར་བ་འདིས་དེའི་སྟོབས་གཞོམ་པར་བགྱིའོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་འདི་ནི་མི་མཐུན་པར་འཛིན་པའི་སེམས་ཀྱིས་མ་འོངས་ཀྱིས་དེས་
D493.086.0142a01.01ན་ཁྱོད་དེ་ལྟར་མ་བྱེད་ཅིག །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ཕྱིའི་ཚུལ་གྱི་ལྷ་མོ་དེ་ཉིད་ཀྱི་སྐུ་ལ་བཅུག་སྟེ་བཞུགས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ལྷགས་ཏེ། ལན་གསུམ་དུ་བསྐོར་བ་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D493.086.0142a02.01བཅོམ་ལྡན་འདས་དཀྱིལ་འཁོར་ཆེན་པོ་འདིར་གཞུག་ཏུ་གསོལ། གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཉིད་བསྒྲུབ་པར་བགྱིའོ། །དེ་ནས་བཅོམ་ལྡན་འདས་ཀྱིས་ལྷ་རྣམས་ཀྱི་དབང་པོ་བརྒྱ་བྱིན་དཀྱིལ་འཁོར་དུ་བཅུག་སྟེ། བཅུག་ནས་འཁོར་དང་བཅས་པ་དེ་ལ་རྡོ་རྗེའི་ཆུས་
D493.086.0142a03.01དབང་བསྐུར་ཏེ། དེ་ནས་བྱུང་ནས་ལྷ་རྣམས་ཀྱི་དབང་པོ་བརྒྱ་བྱིན་ཐེག་པ་ཆེན་པོར་སེམས་བསྐྱེད་དུ་བཅུག་གོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འཁོར་དང་བཅས་པ་དཀྱིལ་འཁོར་ཆེན་པོར་ཞུགས་ཏེ། སྐྱབས་གསུམ་བཟུང་ནས་བཅོམ་ལྡན་འདས་ལ་བླ་མའི་ཡོན་དབུལ་བའི་སེམས་
D493.086.0142a04.01ནས་བཅོམ་ལྡན་འདས་ཅི་ཞིག་དབུལ་བར་བགྱི། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་བཅོམ་ལྡན་འདས་རྣམ་པར་སྣང་མཛད་ཀྱི་ཞབས་གཉིས་ལ་གཏུགས་ཏེ་རང་གི་མཛེས་མ་བླངས་ནས་ཕུལ་ལོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་བརྒྱ་བྱིན་ལ་འདི་སྐད་ཅེས་བཀའ་སྩལ་
D493.086.0142a05.01ཏོ། །བུད་མེད་འདི་ཁྱོད་ཉིད་ལ་ཞོག་ཤིག །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་དགའ་བའི་སླད་དུ་ཅི་ནས་ཀྱང་འདི་བཞེས་སུ་གསོལ། གཞན་དུ་ན་བདག་ཇི་ལྟར་སློབ་མར་མཆི། དེ་ནས་བཅོམ་ལྡན་
D493.086.0142a06.01འདས་ཀྱིས་དེ་ལྟར་མཛད་དེ་བླངས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ཚིམ་ཞིང་རབ་ཏུ་དགའ་བས་བཅོམ་ལྡན་འདས་རྣམ་པར་སྣང་མཛད་དང་། ཕྱག་ན་རྡོ་རྗེའི་དཀྱིལ་འཁོར་ཆེན་པོ་ལ་ལན་བརྒྱ་སྟོང་ཕྲག་དུ་མར་བསྐོར་བ་བྱས་ཏེ་འཁོར་དང་བཅས་པ་སོང་ངོ་། །དེ་ནས་བཅོམ་ལྡན་
D493.086.0142a07.01