完整藏文原文 · 德格版页 当前仅加载第 86 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་རྒྱལ་བའི་བདག་གི་བདག་པོ་ཡང་ཞབས་གཡོན་པས་ཀུན་ནས་མནན་ནས་འདིའི་བྲན་མོ་ཉིད་མཆོག་སྟེ་ང་ཡང་འདིའི་ཆུང་མ་བྱ་སྙམ་ཞེས་སྨྲའོ། །བདག་གང་གི་ཕྱིར་འདི་ལྟ་བུའི་སྡུག་བསྔལ་མྱོང་བ་བཟོད་པ་བས་དེ་ནས་ཡང་དེས་རྗེས་སུ་བསམས་པ། བདག་གི་བདག་པོ་འཇིག་རྟེན་གསུམ་
D493.086.0139b01.01གྱི་དབང་ཕྱུག་འདི་གཟུགས་བཟང་ཡང་སྟོབས་དང་ལྡན་པ་མ་ཡིན་ནོ་སྙམ་མོ། །དེ་ནས་རྡོ་རྗེ་ཧཱུྃ་མཛད་ཀྱིས་དེའི་སེམས་མཁྱེན་ཏེ། སླར་ཡང་ཁྲོ་བ་དང་བཅས་པའི་ལྟ་སྟངས་ཀྱིས་གཟིགས་ཏེ། ཨེ་མའོ་བུད་མེད་འདི་ནི་ཤིན་ཏུ་གཟུགས་དང་ལྡན་ལ་ཡིད་དུ་འོང་བའོ་ཞེས་གསུངས་སོ། །དེ་ནས་ལྷ་
D493.086.0139b02.01ཆེན་པོ་དེས་སླར་ཡང་ཡན་ལག་དང་ཉིང་ལག་བསྐྱོད་ཅིང་སོས་མཆུ་ཟ་བར་བྱེད་དོ། །དེ་ནས་བཅོམ་ལྡན་འདས་རྡོ་རྗེ་ཧཱུྃ་མཛད་ཀྱིས་དེ་ལ་གཟིགས་ཏེ། ཁྲོ་བ་དང་བཅས་པས་རྡོ་རྗེའི་མཚོན་ཆ་དེས་ཀུན་ནས་བསྣུན་ཏེ་བསད་པར་གྱུར་ཏོ། །དེ་ནས་ལྷ་མོ་དེ་འདི་སྐད་ཅེས་སྨྲ་ཞིང་ངུ་བར་བྱེད་དོ། །ཇི་ལྟར་
D493.086.0139b03.01བདག་གི་བདག་པོ་འཇིག་རྟེན་གསུམ་གྱི་མངའ་བདག་དེ་འདིས་བསད་ན་ད་བདག་གིས་ཇི་ལྟར་བྱ་ཞེས་སྨྲའོ། །དེ་ནས་རྡོ་རྗེ་ཧཱུྃ་མཛད་ཀྱིས་ཡང་ལྷ་མོ་དེ་ཞབས་གཡོན་པས་ཤིན་ཏུ་བརྫིས་ཏེ་བསད་པར་བརྩམས་སོ། །དེ་ནས་ལྷ་མོ་དེ་འདར་བའི་ཡིད་ཀྱིས་འདི་སྐད་སྨྲས་སོ། །བཅོམ་ལྡན་འདས་ཅི་
D493.086.0139b04.01བདག་འགུམས་པར་མཛད་དམ། བདག་ཁྱོད་ཀྱི་བྲན་མོར་མཆིའོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཧཱུྃ་མཛད་སླར་ཡང་ཡ་མཚན་དང་བཅས་པའི་ལྟ་སྟངས་ཀྱིས་དེ་ལ་གཟིགས་ཏེ། བུད་མེད་མཛེས་མ་འདི་བཅོམ་ལྡན་འདས་ལ་བླ་མའི་ཡོན་དུ་དབུལ་བར་བྱའོ་སྙམ་དུ་དགོངས་སོ། །
D493.086.0139b05.01དེ་ནས་ལྷ་མོ་དེས་ཕྱག་ན་རྡོ་རྗེ་ལ་གསོལ་པ། བྱང་ཆུབ་སེམས་དཔའ་ཐུགས་རྗེ་ཆེན་པོ་འདིའི་སྲོག་ཡོངས་སུ་བསྐྱབ་ཏུ་གསོལ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ལྷ་མོ་དེའི་ཚིག་གསན་ནས་ཐུགས་རྗེ་དང་ལྡན་པའི་ཐུགས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་
D493.086.0139b06.01སེམས་དཔའ་ཆེན་པོ་འདི་ཐོང་ཤིག །སྐལ་བ་དང་ལྡན་པ་འདི་སངས་རྒྱས་ཉིད་དུ་འགྱུར་རོ། །དེ་ནས་བྱང་ཆུབ་སེམས་དཔའ་ཆེན་པོ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གདུག་པ་ཅན་གྱི་སེམས་ཅན་འདི་ཇི་ལྟར་སྐལ་བ་དང་ལྡན་པ་ལགས། དེ་ནས་བཅོམ་
D493.086.0139b07.01