完整藏文原文 · 德格版页 当前仅加载第 86 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་བཤད་པར་བྱ་སྟེ། བ་སྤུའི་བུ་གར་གནས་པའི་རྩ་རྣམས་ལས་འཛག་པ་དང་ལྡན་པའི་ཐིགས་པ་གནས་གསུམ་དུ་ཁྱད་པར་དུ་འཕགས་པས་གནས་ཏེ། སྤྱི་བོར་བུམ་པའི་གཟུགས་ལ་བདུད་རྩིའི་ཚུལ་ཅན་བདུད་རྩིའི་རང་བཞིན་བདུད་རྩི་འཛག་པ་བསམ་པར་བྱའོ། །གཞན་ཡང་
D493.086.0146b01.01སྙིང་གའི་གནས་སུ་པདྨའི་རྣམ་པ་ཁ་དོག་དཀར་པོ་མར་སར་དང་མཚུངས་ཤིང་ཡོངས་སུ་གཞོན་པ་ལ་བུམ་པའི་བདུད་རྩི་འཛག་པ་ཙམ་གྱིས་པདྨ་རྟས་པར་བྱེད་པར་བསམ་པར་བྱའོ། །དེ་ནས་གསང་བའི་གནས་སུ་ཡི་གེ་ཨེའི་རྣམ་པ་གྲུ་གསུམ་པ་ཁ་དོག་རྣམ་པ་སྣ་ཚོགས་པས་སྤྲས་པ། ཀ་
D493.086.0146b02.01ལ་སོགས་པའི་ཡི་གེ་ཡོངས་སུ་གྱུར་པ་ལས་རྩ་ལྔའི་སྒོ་ལས་བྱུང་བའི་བདུད་རྩིའི་རྒྱུན་གཅིག་འབབ་པར་བསམས་ཏེ། བདུད་རྩིའི་རྒྱུན་དེ་ལས་བདག་ཉིད་རྡོ་རྗེ་སེམས་དཔའི་སྐུ་བདུད་རྩིའི་ངོ་བོ་མི་ཕྱེད་པར་བསྒོམ་པར་བྱའོ། །ལག་ན་རྡོ་རྗེ་དེའི་ཕྱིར་རྩ་ཐམས་ཅད་ཀྱི་ནང་ནས་གཅིག་པོ་དེ་
D493.086.0146b03.01གཙོ་བོ་ཡིན་ཏེ། དེ་ཉིད་སངས་རྒྱས་ཉིད་སྟེར་བར་བྱེད་པ་ཡིན་ནོ། །དེའི་ཕྱིར་རྣམ་པ་འདི་ལྟར་དུ་བསྒོམས་ན་བདུད་རྩིའི་ངོ་བོ་དང་མི་ཤིགས་པར་འགྱུར་རོ། །ལུས་འདི་ཉིད་ཀྱི་སྐྲ་དཀར་དང་གཉེར་མ་དོར་ནས་བདེ་བར་གཤེགས་པའི་སྐུ་རྣམས་མཐོང་བར་འགྱུར་རོ། །བདག་ཉིད་ཀྱང་གཟུགས་
D493.086.0146b04.01བརྙན་གྱི་ཚུལ་དུ་མཐོང་བར་འགྱུར་རོ། །འདིར་གནས་ནས་ཀྱང་བསྐལ་པའི་ལས་རྣམས་ཀྱང་ཤེས་པར་འགྱུར་རོ། །ལག་ན་རྡོ་རྗེ་དེའི་ཕྱིར་འདི་བསྒོམ་པར་བྱའོ། །ལག་ན་རྡོ་རྗེ་དེས་ན་ཚུལ་འདིས་བུད་མེད་བསྒོམ་པ་ན་གལ་ཏེ་རྨི་ལམ་དུ་རྡོ་རྗེ་སེམས་དཔའ་དབང་བསྐུར་བར་མཛད་ན་དེ་ནས་ཟླ་བ་
D493.086.0146b05.01ཕྱེད་ཚུན་ཆད་དུ་འགྲུབ་པར་ཤེས་པར་བྱའོ། །གལ་ཏེ་ཡང་སློབ་དཔོན་དུ་གྱུར་པས་སྟོན་པར་མཛད་ན་དེ་ནས་ཟླ་བ་དྲུག་ན་འགྲུབ་པར་ཤེས་པར་བྱའོ། །འགའ་ཞིག་ཏུ་ལྷའི་གཞལ་མེད་ཁང་དུ་བཅུག་ནས་དེ་བཞིན་གཤེགས་པའི་གཟུགས་བརྙན་མཐོང་ན་དེ་ནས་ལོ་གཅིག་ན་འགྲུབ་པར་ཤེས་པར་
D493.086.0146b06.01བྱའོ། །དེ་ནས་ལྷའི་གཞལ་མེད་ཁང་དུ་བསྡད་ནས་ཙཱུ་ཥ་ན་ལ་སོགས་པའི་སྦྱོར་བས་བདག་ཉིད་འབར་བ་མཐོང་ན་དེ་ནས་མྱུར་དུ་འགྲུབ་པར་འགྱུར་བར་ཤེས་པར་བྱའོ། །འགའ་ཞིག་ཏུ་སྣང་བ་མཐོང་ན་དེ་ནས་སྐྱེ་བ་འདིར་འགྲུབ་པར་ཤེས་པར་བྱའོ། །ཡང་ན་རྨི་ལམ་དུ་བྷ་གར་ཨཱ་ལིང་ག་དང་
D493.086.0146b07.01