完整藏文原文 · 德格版页 当前仅加载第 86 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེ་ལ་ངས་ཀྱང་དེ་ལ་ཕྱག་འཚལ་ལོ། །དེས་ན་ལག་ན་རྡོ་རྗེ་འདི་ནི་ཆོས་སྨྲ་བ་ཡིན་གྱི། གཞན་ནི་ཆོས་སྨྲ་བ་མ་ཡིན་ནོ། །ལག་ན་རྡོ་རྗེ་དེའི་ཕྱིར་ཐེག་པ་ཆེན་པོའི་སློབ་དཔོན་བཤད་པའི་ཚུལ་ཁྱད་པར་དུ་འཕགས་པའམ། བརྗོད་པ་ཙམ་ཁྱད་པར་དུ་འཕགས་པ་དང་མི་
D493.086.0133a01.01ལྡན་ཡང་གང་ལ་ལར་འགའ་ཞིག་གིས་འགལ་བར་ཡིད་ཀྱིས་སེམས་ན་ཡང་དེ་རབ་ཏུ་མྱོས་པར་འགྱུར་རོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་རྡོ་རྗེ་ཀུན་ནས་འབར་ཞིང་མེ་ལྕེ་གཅིག་ཏུ་འགྱུར་
D493.086.0133a02.01བ་འདིས་དེའི་རིགས་བརྒྱུད་དང་བཅས་པ་བསྲེག་པར་བགྱི། དངོས་གྲུབ་ཐམས་ཅད་བསྲེག་པར་བགྱིའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་དེས་ལྷ་མོ་སྒྲོལ་མའི་ཕྱག་རྒྱ་བཅིངས་ཏེ།
D493.086.0133a03.01སྤྱན་དྲངས་ལ་མདུན་དུ་གཞག་སྟེ། དེ་ནས་སྔགས་པས་བྷ་གར་ཞུགས་ཏེ་ལུས་དང་རྩ་གཅིག་ཏུ་བྱས་ནས་འོ་མའི་མདོག་ཏུ་བསམས་ཏེ། དེ་ལས་འཇིག་རྟེན་དབང་ཕྱུག་གི་གཟུགས་སུ་བསྐྱེད་དོ། །ཡང་ལྷ་མོ་སྒྲོལ་མ་སྦྱོར་བ་འདིས་འཇིག་རྟེན་དབང་ཕྱུག་གི་ཏིང་ངེ་འཛིན་གྱིས་བསྟེན་པར་བྱའོ། །དེ་ནས་ལྷ་
D493.086.0133a04.01མོ་དགྱེས་ནས་མཆོག་སྩོལ་བར་འགྱུར་རོ། །དེ་ནས་ལྷ་མོ་དེ་རྨི་ལམ་དུ་འོངས་ཏེ་འཁྱུད་ནས་རྒྱན་ཐམས་ཅད་ཀྱིས་བརྒྱན་ཅིང་ཡིད་དུ་འོང་བ་རོལ་ཅིང་དགོད་ལ་རྣམ་པར་ལྟ་བ་མཐོང་སྟེ་དེ་ནས་དེས་སྨྲས་པ། ཁྱོད་ཀྱིས་བདེ་བ་འདི་ཟུང་ལ་དེས་སངས་རྒྱས་ཉིད་དུ་བྱོས་ཤིག །དེ་ནས་ཟླ་བ་དྲུག་ན་འགྲུབ་པར་ཤེས་
D493.086.0133a05.01པར་བྱའོ། །ཡང་ན་བུད་མེད་གཞན་མཐོང་ན་ཡང་ལྷ་མོ་དེ་ཉིད་མཐོང་བ་ཡིན་པར་ཤེས་པར་བྱའོ། །དེ་ལྟ་ན་སྐྱེ་བ་འདིར་འགྲུབ་པར་འགྱུར་རོ། །དེ་ནས་གསང་བ་ཤེས་པར་འདོད་ན་དེས་འཇིག་རྟེན་དབང་ཕྱུག་གི་ཏིང་ངེ་འཛིན་གྱིས་འཇིག་རྟེན་དབང་ཕྱུག་གི་གཟུགས་སུ་བྱས་ཏེ། ལག་པ་གཉིས་བརྐྱང་
D493.086.0133a06.01ལ་ལག་པ་གཡས་པ་ཧའི་ཡི་གེ་ལས་ཟླ་བའི་དཀྱིལ་འཁོར་དུ་བསྒོམ་ཞིང་གཡོན་པ་ཨའི་ཡི་གེ་ལས་ཟླ་བའི་དཀྱིལ་འཁོར་མདུན་དུ་འཕགས་པ་སྤྱན་རས་གཟིགས་དབང་ཕྱུག་གི་སྐུ་བསམས་ལ། དེའི་འོད་ཟེར་གྱིས་སྔགས་པ་བདག་ཉིད་བསམ་པར་བྱའོ། །དེ་ནས་གལ་ཏེ་ལག་པ་གཉིས་སྟེང་དུ་བཀྲོལ་
D493.086.0133a07.01