完整藏文原文 · 德格版页 当前仅加载第 86 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་སྤྱད་པའི་གསང་བའི་ཚུལ་གྱིས་སངས་རྒྱས་ཉིད་བསྒྲུབ་པར་བྱའོ། །དེ་ནས་གཞོན་ནུ་མ་བཟང་མོ་ཞེས་བྱ་བའི་རྣལ་འབྱོར་མའི་དབང་ཕྱུག་གིས་ཐོག་མ་དང་ཐ་མ་མེད་པའི་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སེམས་ཅན་དེ་དག་གིས་བྷ་ག་བསྟེན་པ་ཙམ་གྱིས་སངས་རྒྱས་
D493.086.0149b01.01ཉིད་བགྱིད་དམ། ཡང་ན་དེའི་གསང་བ་བསྒོམས་པས་ལགས། དེ་ནས་རྒྱལ་པོ་ཆེན་པོ་ཕྱག་ན་རྡོ་རྗེས་དེ་དག་ལ་འདི་སྐད་ཅེས་བཀའ་སྩལ་ཏོ། །བསྒོམ་པའི་རིམ་པས་བསྒྲུབས་ཏེ་ཕྱི་ནས་རྣམ་པར་རྟོག་པ་མེད་པའི་སེམས་ཀྱིས་བསྟན་ནས་བདག་ཉིད་ཕྱག་ན་རྡོ་རྗེའི་སྐུའམ། རྣམ་པར་
D493.086.0149b02.01སྣང་མཛད་ཀྱི་སྐུའམ། འཇིག་རྟེན་དབང་ཕྱུག་གི་སྐུའམ། རྡོ་རྗེ་ཧཱུྃ་མཛད་ཀྱི་སྐུའམ། འདོད་པའི་ལྷའི་སྐུ་བསྒྲུབ་པར་བྱའོ། །རྩ་དེའི་འོ་མ་ལས་ཟླ་བའི་དཀྱིལ་འཁོར་གྱི་རྣམ་པ་བསྒོམས་ལ། ཟླ་བའི་དཀྱིལ་འཁོར་དེ་ལས་བདག་ཉིད་རྡོ་རྗེ་སེམས་དཔའི་སྐུའམ། རང་གི་ལྷའི་སྐུར་
D493.086.0149b03.01བསྒོམ་པར་བྱའོ། །རྩ་དེ་ཉིད་ཁ་དོག་ནག་པོར་བསམས་ནས་དེ་ལས་བདག་ཉིད་རྡོ་རྗེ་ཧཱུྃ་མཛད་ཀྱི་སྐུར་བསྒོམ་པར་བྱའོ། །རྩ་དེ་ཉིད་དམར་སྐྱའི་རྣམ་པའི་རིམ་པ་དེ་ཉིད་ཀྱིས་བསྒོམས་ནས་བདག་ཉིད་འཇིག་རྟེན་དབང་ཕྱུག་གི་སྐུར་ལས་ཀྱི་དབྱེ་བས་བསྒོམ་པར་བྱའོ། །རྩ་དེ་ཉིད་ཁ་དོག་སྔོ་
D493.086.0149b04.01བསངས་ནམ་མཁའ་ལྟ་བུར་བསྒོམས་ནས་རྡོ་རྗེ་རྣོན་པོའི་སྐུར་བསྒོམས་ན་དེ་ནས་ལས་ཀྱི་དབྱེ་བས་རྩ་དེ་དག་གི་སྦྱོར་བས་བདག་ཉིད་བསྒོམས་ན་དེ་ནས་གདོན་མི་ཟ་བར་འགྲུབ་པར་འགྱུར་རོ། །དེ་ནས་སྔགས་པ་དེས་ཐུན་མཚམས་བཞིར་སེམས་གཞན་དུ་མ་ཡེངས་པར་བསྒོམས་པ་ཉིད་
D493.086.0149b05.01ཀྱིས་ཟླ་བ་དྲུག་ཉིད་ན་འགྲུབ་པར་འགྱུར་རོ། །དེ་ནས་གཞོན་ནུ་མ་བཟང་མོ་ཞེས་བྱ་བའི་རྣལ་འབྱོར་མའི་དབང་ཕྱུག་དེས་རྒྱལ་པོ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་སེམས་ཅན་དེ་རྣམས་ཀྱིས་དགུག་པ་ལ་སོགས་པའི་ལས་བགྱིད་པ་ལགས། དེ་ནས་
D493.086.0149b06.01བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་ལ་འདི་སྐད་ཅེས་བཀའ་སྩལ་ཏོ། །གལ་ཏེ་སྔགས་པས་སྐྱེས་བུ་དགུག་པར་འདོད་ན་དེ་ནས་དེའི་བྷ་གའི་དབུས་སུ་བདག་ཉིད་ཅུང་ཟད་དཀར་བའི་རྣམ་པ་ཁྲོ་བ་དང་བཅས་པའི་བཞིན་ཅན་ཕྱག་དྲུག་པ་སྦྱོར་བ་དེ་ཉིད་ཀྱི་ཕྲ་མོའི་སྒྲས་བསྒོམས་ན་རྡོ་རྗེ་དེས་
D493.086.0149b07.01