完整藏文原文 · 德格版页 当前仅加载第 86 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེས་མཚན། །ལས་ཀྱི་རྡོ་རྗེ་ཀུན་འགྲོ་མཛེས། །རྡོ་རྗེ་དོན་ཡོད་ཆེར་ཡངས་པ། །སྣ་ཚོགས་རྡོ་རྗེ་ཁྱོད་ཕྱག་འཚལ། །རྡོ་རྗེ་བསྲུང་བ་བརྟན་པ་ཆེ། །རྡོ་རྗེ་ཆོས་ཏེ་ཆེར་སྲ་བ། །འཐབ་དཀའ་ཤིན་ཏུ་དཔའ་བའི་མཆོག །རྡོ་རྗེ་བརྩོན་འགྲུས་ཁྱོད་ཕྱག་འཚལ། །རྡོ་རྗེ་གནོད་སྦྱིན་
D493.086.0127a01.01ཐབས་ཆེན་པོ། །རྡོ་རྗེ་མཆེ་བ་ཆེར་འཇིགས་པ། །བདུད་རབ་འཇོམས་པའི་རྡོ་རྗེ་གྲག །ཕྱག་འཚལ་རྡོ་རྗེ་གཏུམ་ཁྱོད་ལ། །རྡོ་རྗེ་མཚམས་ཏེ་ལེགས་བསྙེན་པ། །རྡོ་རྗེ་འཆིང་བ་རབ་འགྲོལ་བ། །རྡོ་རྗེ་ཁུ་ཚུར་དམ་ཚིག་མཆོག །རྡོ་རྗེ་ཁུ་ཚུར་ཁྱོད་ཕྱག་འཚལ། །ཁྱོད་ཀྱི་མཚན་བརྒྱ་རྩ་
D493.086.0127a02.01བརྒྱད་པ། །དགེ་བ་འདི་ནི་གང་འཛིན་པ། །རྡོ་རྗེ་མིང་གི་དབང་ལ་སོགས། །ཀུན་གྱི་དམ་པས་དབང་བསྐུར་བའོ། །རྡོ་རྗེ་འཛིན་པ་ཆེན་པོ་ཡི། །མཚན་འདི་རྣམས་ཀྱིས་ཡོན་ཏན་ཚོགས། །རྟག་ཏུ་དབྱངས་ཀྱིས་སྟོད་བྱེད་ན། །དེ་ཡང་རྡོ་རྗེ་འཛིན་པ་མཚུངས། །མཚན་བརྒྱ་རྩ་
D493.086.0127a03.01བརྒྱད་འདི་དག་གིས། །བདག་ཅག་རྣམས་ཀྱིས་མངོན་བསྟོད་པའི། །ཐེག་པ་ཆེན་པོ་མངོན་རྟོགས་པའི། །ཚུལ་ཆེན་པོ་ནི་རྣམ་པར་སྤྲོས། །མགོན་པོ་ཁྱོད་ལ་ཞུ་བ་བགྱིད། །ཆོ་ག་དམ་པ་གསུང་དུ་གསོལ། །སངས་རྒྱས་ཀུན་གྱི་འཁོར་ལོ་ཆེ། །དཀྱིལ་འཁོར་ཆེན་པོ་མཆོག་
D493.086.0127a04.01གི་ནི། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་ཉེ་བར་གསན་ནས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་གནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་དབྱིངས་ཞེས་བྱ་བའི་
D493.086.0127a05.01དཀྱིལ་འཁོར་ཆེན་པོའི་མཆོག་འདི་བཀའ་སྩལ་པ། འདི་དག་ཐམས་ཅད་རྒྱུད་གཞན་ལས་བཤད་པས་ན་འདིར་མདོར་བསྡུས་པའི་ཆོ་ག་རྒྱས་པ་ནི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོ། རྡོ་རྗེ་འཆང་ཆེན་པོ། དེ་བཞིན་གཤེགས་པ་
D493.086.0127a06.01ཐམས་ཅད་ཀྱི་ཡབ། དེ་བཞིན་གཤེགས་པ་ཐམས་ཅད་ཀྱི་ཡུམ་གྱིས་དེ་བཞིན་གཤེགས་པ་དེ་རྣམས་དང་། བྱང་ཆུབ་སེམས་དཔའ་དེ་རྣམས་ཉིད་ཀྱི་ཐུགས་ཀར་བཅུག་ནས་གཅིག་ཏུ་མི་ཕྱེད་པར་གྱུར་ནས་སྤྲོ་བ་དང་བསྡུ་བའི་སྦྱོར་བས་ཕྱག་ན་རྡོ་རྗེའི་མདུན་དུ་གཞག་ནས་དེ་བཞིན་གཤེགས་པ་ཐམས་ཅད་ཀྱི་
D493.086.0127a07.01