完整藏文原文 · 德格版页 当前仅加载第 86 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
གདམས་པ་དང་། ལེགས་པར་ལྡན་པ་གང་དུ་ཡང་མི་གནས་པར་འགྲོ་བས་ནི་རྣམ་པར་སྣང་མཛད་ཉིད་དམ། རྡོ་རྗེ་འཛིན་པའམ། གཞན་ཉིད་དུ་ཕྱིན་པར་རིག་པར་བྱའོ། །ལག་ན་རྡོ་རྗེ་དེའི་ཕྱིར་ཐེག་པ་ཆེན་པོའི་ཚུལ་ལ་གནས་པ་ལ་ནི་རྣམ་པར་རྟོག་པ་ཅུང་ཟད་དང་མི་ལྡན་པར་
D493.086.0132a01.01འགྱུར་རོ། །དེས་ན་ཆོས་ཐམས་ཅད་རྣམ་པར་མི་རྟོག་པར་ཡོངས་སུ་གཟུང་བར་བྱའོ། །དེའི་ཕྱིར་ལག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་ལྷ་མོ་ཐམས་ཅད་ཀྱི་བདག་པོ་རང་ཡིན་ནོ། །ཞེས་སྒོམ་པས་བསྒོམ་པར་བྱའོ། །ལག་ན་རྡོ་རྗེ་དེ་བཞིན་དུ་ལྷ་མོ་ཐམས་ཅད་ཀྱི་རྡོ་རྗེ་བསྒོམ་
D493.086.0132a02.01པའི་ཁྱད་པར་གང་གིས་ལས་ཐམས་ཅད་བྱས་ཏེ་སངས་རྒྱས་ཉིད་སྒྲུབ་པར་བྱེད་པ་སླར་ཡང་བཤད་པར་བྱའོ། །ལག་ན་རྡོ་རྗེ་ཉོན་ཅིག །ཁྲོ་བ་དང་ལྡན་པའི་སྔགས་པ་ཅུང་ཟད་ཙམ་བྱེད་པ་ན་ཚུལ་འདིས་བཅོམ་ལྡན་འདས་མ་རྡོ་རྗེ་གནྡྷ་རཱིའི་བྷ་གར་ཞུགས་ཏེ། ཕྲ་མོའི་སྦྱོར་བས་རྩ་བརྒྱད་གཅིག་ཏུ་བྱས་ཏེ།
D493.086.0132a03.01རྩ་གཅིག་ལས་འཛག་པ་དང་ལྡན་པར་རྣམ་པར་བསམ་པར་བྱའོ། །སྔགས་པས་གལ་ཏེ་དབང་དུ་བྱ་བར་འདོད་ན་དེས་ཁ་དོག་དམར་པོར་རྣམ་པར་བསམ་མོ། །ཞུ་བ་དམར་པོ་དེ་ལས་བདག་ཉིད་རྡོ་རྗེ་ཧཱུྃ་མཛད་ཀྱི་གཟུགས་སུ་རྣམ་པར་བསམ་པར་བྱའོ། །རྡོ་རྗེ་ཧཱུྃ་མཛད་ཀྱི་གཟུགས་དེས་སེམས་ཅན་
D493.086.0132a04.01ཐམས་ཅད་དབང་དུ་བྱེད་དོ། །ཐོགས་པ་མེད་པར་འགྲོ་བར་འགྱུར་རོ། །གལ་ཏེ་གསོད་པར་འདོད་ན་དེ་ནས་དེའི་རྩ་ཁ་དོག་ནག་པོ་སོལ་བའི་རྣམ་པ་ལྟ་བུར་བསམས་ལ། དེའི་ཞུ་བ་དམར་པོ་ལས་བདག་ཉིད་རྡོ་རྗེ་ཧཱུྃ་མཛད་ཀྱི་གཟུགས་སུ་སྔགས་པས་བསྒོམས་པར་བྱས་ཏེ། རྡོ་རྗེ་ཧཱུྃ་མཛད་ཀྱི་གཟུགས་
D493.086.0132a05.01ཀྱིས་དེ་ལས་རྡོ་རྗེ་དང་། དེ་ལས་རྩེ་གསུམ་དང་། དེ་ལས་རལ་གྲི་དང་། དེ་ལས་ཞགས་པ་དང་། དེ་ལས་ལྕགས་ཀྱུ་དང་། དེ་ལས་མདའ་དང་། དེ་ལས་མདུང་ཐུང་རྣམས་ཀྱིས་གང་གསོད་པར་འདོད་པ་དེ་གསད་པར་བྱའོ། །བསྐྲད་པ་ལ་ཡང་འདི་ཉིད་ཀྱིས་བྱའོ། །གལ་ཏེ་སངས་རྒྱས་ཉིད་
D493.086.0132a06.01སྒྲུབ་པར་འདོད་ན་རྩ་དེ་དག་ཁ་དོག་དཀར་པོར་བསམས་ལ། དེའི་ཞུ་བའོ་མ་དང་མཚུངས་པ་ལས་བདག་ཉིད་རྡོ་རྗེ་ཧཱུྃ་མཛད་ཀྱི་གཟུགས་སུ་བསྒོམས་ཏེ། དེ་ནས་སངས་རྒྱས་ཉིད་དམ། རྣམ་པར་སྣང་མཛད་ཉིད་དམ། རྡོ་རྗེ་འཛིན་པ་ཉིད་བསྒྲུབ་པར་བྱའོ། །ཡང་ན་བཅོམ་ལྡན་འདས་རྣམ་པར་སྣང་
D493.086.0132a07.01