完整藏文原文 · 德格版页 当前仅加载第 86 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བསྒོམས་པས་བདག་ཉིད་ཟླ་བའི་དཀྱིལ་འཁོར་གྱི་རྣམ་པར་མཐོང་ངོ་། །དེ་ནས་བཅོམ་ལྡན་འདས་ཀྱི་གཡོན་གྱི་ཟླ་བའི་དཀྱིལ་འཁོར་ལ་འཁོད་དེ་དོན་ཡོད་གྲུབ་པའི་གཟུགས་སུ་གནས་སོ། །ཡང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་འཁོད་དེ་ཆེད་དུ་
D493.086.0124a01.01བརྗོད་པ་འདིས་ཆེད་དུ་བརྗོད་པ། ཨེ་མ་སངས་རྒྱས་ཐམས་ཅད་ཀྱི། །ཐོག་མེད་གྲུབ་པའི་དོན་ཡོད་བདག །ཇི་ལྟར་ཟླ་བའི་དཀྱིལ་འཁོར་ཏེ། །བདག་ཉིད་ཟླ་བའི་དཀྱིལ་འཁོར་གནས། །དེ་ནས་ཡང་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ཀྱི་རྒྱབ་ཀྱི་ཟླ་བའི་
D493.086.0124a02.01དཀྱིལ་འཁོར་ལ་འཁོད་དེ། བཅོམ་ལྡན་འདས་རྣམ་པར་སྣང་མཛད་ཆེན་པོ་ལ་གསོལ་བ་བཏབ་པ། ཟླ་བའི་དཀྱིལ་འཁོར་དེ་ཇི་ལྟར་བལྟ་བར་བགྱི། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོའི་ཟླ་
D493.086.0124a03.01བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མ་ལུས་ཤིང་ལུས་པ་མེད་པའི་འཇིག་རྟེན་གྱི་ཁམས་རབ་ཏུ་རྒྱས་པའི་ཚད་ཀྱི་དེ་བཞིན་གཤེགས་པ་ཐམས་ཅད་ཉིད་ཀྱི་ཐུགས་ཀར་ཞུགས་པར་མཛད་དོ། །ཞུགས་ནས་ཀྱང་གཅིག་ཏུ་མི་ཕྱེད་པར་གྱུར་ཏེ། ནམ་མཁའི་ཁམས་ཐམས་ཅད་
D493.086.0124a04.01རབ་ཏུ་རྒྱས་པའི་ཚུལ་དུ་རྣམ་པར་གནས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་བྱང་ཆུབ་ཀྱི་ཟླ་བ་དེ་བཤད་པར་བྱའོ། །ཟླ་བ་དེའི་སྟེང་དུ་བདག་ཉིད་བྱང་ཆུབ་ཀྱི་ཟླ་བའི་ཚུལ་དུ་བསྒོམ་པར་བྱ་སྟེ། ཤིན་ཏུ་དྲི་མ་མེད་པ་ནམ་མཁའ་དང་མཚུངས་པའི་གཟུགས་རྣམ་པར་རྟོག་པ་
D493.086.0124a05.01ཐམས་ཅད་སྤངས་པའི་མཆོག །གནས་ངན་ལེན་ཐམས་ཅད་ལས་རྣམ་པར་གྲོལ་བ། བདེ་བ་དང་ཡིད་བདེ་བ་ཐམས་ཅད་མྱོང་བའི་དོན་དང་། ཇི་སྲིད་ནམ་མཁའ་དང་མཉམ་པའི་དྲི་མ་མེད་པ་སྔོན་མཐོང་བའི་ཟླ་བ་ལྟ་བུ་ཀ་ལ་སོགས་པའི་གཟུགས་ཀྱིས་སངས་རྒྱས་ཀྱི་ཡོན་ཏན་འཇུག་པ་སྟེ།
D493.086.0124a06.01ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཨ་ལྃ་ཀྵཿ། ཀ་ལ་སོགས་པའི་ཡི་གེ་འདི་དག་སྐར་མ་ལ་སོགས་པའི་གཟུགས་སུ་ཞུགས་ཏེ། གཅིག་ཏུ་མི་ཕྱེད་པར་གྱུར་པ་ལས་ཟླ་བའི་དཀྱིལ་འཁོར་ཉིད་དུ་བསམ་པར་བྱའོ། །ཡང་
D493.086.0124a07.01