完整藏文原文 · 德格版页 当前仅加载第 86 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་སྐུར་བསྒོམ་པར་བྱའོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྩ་དེའི་གཟུགས་དང་རང་བཞིན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་རྩ་དེ་རྣམས་ཀྱི་ནང་ནས་གཅིག་ནི་
D493.086.0146a01.01རྩ་ཆེན་པོ་གཙོ་བོར་གྱུར་པ་སྟེ། རྩ་གཞན་ཐམས་ཅད་ནི་དེ་ལ་རྣམ་པར་གནས་པའོ། །དེའི་རང་བཞིན་ནི་བསིལ་བའི་རང་བཞིན་ཏེ། དེ་རྙེད་ནས་རྡོ་རྗེ་འཛིན་པ་ཉིད་དམ་རྣམ་པར་སྣང་མཛད་ཉིད་ཐོབ་པར་འགྱུར་རོ། །གང་ཡང་ཅུང་ཟད་དྲོ་བ་ན་དེ་ནས་འཇིག་རྟེན་དབང་ཕྱུག་གི་སྐུ་ཐོབ་
D493.086.0146a02.01པར་འགྱུར་རོ། །གང་ཡང་ཤིན་ཏུ་དྲོ་བ་དང་ལྡན་ན་དེ་བསྒོམས་ན་རྡོ་རྗེ་ཧཱུྃ་མཛད་ཀྱི་སྐུར་འགྱུར་རོ། །དེ་ནས་ཁྲོ་བོའི་གཟུགས་སུ་གྱུར་ནས་ཇི་སྲིད་ཁྲོ་བོའི་གཟུགས་སུ་གྱུར་པ་དེ་སྲིད་བསྒོམ་པར་བྱ་སྟེ། ཞི་བའི་སྐུ་དང་ལྷན་ཅིག་ཏུ་བྱས་ནས་དེ་ནས་ཉི་མའི་དཀྱིལ་འཁོར་རོ། །དེ་ནས་ཕྱག་ན་
D493.086.0146a03.01རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་ལགས། བུད་མེད་བསྟེན་པ་ཙམ་གྱིས་སངས་རྒྱས་ཉིད་ཐོབ་པ་ལགས་སམ། འོན་ཏེ་གཞན་པས་ཀྱང་ལགས། བཅོམ་ལྡན་འདས་ཀྱིས་བཀའ་སྩལ་པ། སྦྱོར་བ་དང་ལྡན་པའི་བུད་མེད་བསྟེན་པ་དེ་མ་གཏོགས་
D493.086.0146a04.01པ་གཞན་གྱིས་སངས་རྒྱས་ཉིད་ཐོབ་པར་མི་འགྱུར་ཏེ། གཞན་ཐམས་ཅད་ནི་རྣམ་པར་གཡེང་བ་ཡིན་ནོ། །ལག་ན་རྡོ་རྗེ་དེའི་ཕྱིར་སྔགས་པས་ལྷ་མོ་གང་རྙེད་པ་དེ་བརླ་ཟུང་གི་སྟེང་དུ་བཞག་ལ་ཙུམྦ་དང་། ཨཱ་ལིང་ག་ལ་སོགས་པ་བྱས་ཏེ་ཡོངས་སུ་བསྟེན་པ་དེ་ནས་འཐུངས་ཏེ་དེ་ཡང་སོ་སོར་
D493.086.0146a05.01འཇིབ་ཏུ་གཞུག་གོ། །དེ་ནས་བྷ་གའི་དབུས་སུ་རྩ་དེའི་འོ་མ་བདག་ཉིད་དང་གཅིག་ཏུ་བྱས་ལ། རང་གི་སྔགས་ཀྱི་རྒྱལ་པོས་བདག་ཉིད་འདོད་པ་ཡིན་ནོ་ཞེས་བསྒོམས་ཏེ། རྡོ་རྗེ་སེམས་དཔའི་སྐུ་དཀར་པོའི་རྣམ་པ་དང་བར་བསྒོམ་པར་བྱའོ། །ལག་ན་རྡོ་རྗེ་དེའི་ཕྱིར་རྩ་གཅིག་པོ་དེ་ནི་སངས་
D493.086.0146a06.01རྒྱས་ཐམས་ཅད་ཀྱི་ཡུམ་སྟེ། ཕྱི་རོལ་གྱི་ཚུལ་ཅན་ལ་དེ་ཉིད་ཤེས་རབ་ཀྱི་ཕ་རོལ་ཏུ་ཕྱིན་མ་ཞེས་བཤད་དོ། །དེ་ལས་ངེས་པར་བྱུང་བ་ནི་སངས་རྒྱས་ཐམས་ཅད་དོ། །དེའི་ཕྱིར་ལག་ན་རྡོ་རྗེ་ཞུ་བའི་རྒྱུན་འཐུངས་པ་ཙམ་གྱིས་རྡོ་རྗེ་སེམས་དཔའི་སྐུ་ཡོངས་སུ་ཐོབ་པར་འགྱུར་རོ། །ལག་ན་རྡོ་རྗེ་
D493.086.0146a07.01