完整藏文原文 · 德格版页 当前仅加载第 86 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
དཀར་མོ་ལོ་བརྒྱ་ཕྲག་གཉིས་ཀྱི་རྣམ་པའི་གཟུགས་ཅན་རྣལ་འབྱོར་མའི་དབང་ཕྱུག་ཁྲི་ཕྲག་གཅིག་གིས་ཡོངས་སུ་བསྐོར་ནས་ཛ་ལནྡྷ་རའི་ཞིང་ན་རི་བོ་ཞེས་བྱ་བ་ལ་གནས་ནས་ཇི་ལྟར་བཅོམ་ལྡན་འདས་ཕྱག་ན་རྡོ་རྗེ་བཞུགས་པ་དེར་རྟག་ཏུ་འགྲོ་བ་དང་འོང་བར་བྱེད་དོ། །གཞན་ཡང་འདོད་པས་མྱོས་
D493.086.0148b01.01མ་ཞེས་བྱ་བའི་རྣལ་འབྱོར་མའི་དབང་ཕྱུག་ཁ་དོག་སྔོ་བསངས་མིག་རྣམ་པར་རྒྱས་པ་རྣལ་འབྱོར་མའི་དབང་ཕྱུག་ཁྲི་ཕྲག་ཕྱེད་དང་གསུམ་དང་ཐབས་ཅིག་ཏུ་ལྷོ་ཕྱོགས་ཀྱི་རྒྱུད་རི་བོ་ཀི་ཀིནྡྷ་རི་འཇུག་པའི་སྒོར་གནས་ནས་གང་གི་ཚེ་ཕྱག་ན་རྡོ་རྗེ་གསང་བའི་ཆོས་སྟོན་པ་དེའི་ཚེ་རྟག་ཏུ་འགྲོ་བ་དང་འོང་བར་
D493.086.0148b02.01བྱེད་དོ། །གཞན་ཡང་གསེར་གྱི་མིག་ཅན་ཞེས་བྱ་བའི་རྣལ་འབྱོར་མའི་དབང་ཕྱུག་དེ་ཡང་ཁ་དོག་དཀར་བ་ཁྲི་ཕྲག་གསུམ་གྱི་འཁོར་དང་ལྷན་ཅིག་ཀཱ་མ་རུ་པའི་སྒོར་གནས་ནས་དེ་བཞིན་དུ་རྒྱུན་དུ་འགྲོ་བ་དང་འོང་བར་བྱེད་དོ། །གཞན་ཡང་བདེ་བ་ཐམས་ཅད་ལ་དགའ་བ་ཞེས་བྱ་བའི་རྣལ་
D493.086.0148b03.01འབྱོར་མའི་དབང་ཕྱུག་ཐམས་ཅད་དུ་གནས་པ་ཐམས་ཅད་ཀྱི་གཟུགས་ཅན་ཐམས་ཅད་ལ་བྱམས་པའི་ཚུལ་དུ་གནས་པ་ཁྲི་ཕྲག་བརྒྱ་སྟོང་ཕྲག་དུ་མའི་འཁོར་དང་ལྷན་ཅིག་གང་གི་ཚེ་སྔགས་པ་གསང་བ་སྟོན་པ་ན་དེའི་མདུན་དུ་དེ་གནས་སོ། །དེའི་ཕྱིར་བདེ་བ་ཐམས་ཅད་ལ་དགའ་མ་ཞེས་
D493.086.0148b04.01བྱའོ། །དེ་ནས་གཞོན་ནུ་མ་བཟང་པོ་ཞེས་བྱ་བའི་རྣལ་འབྱོར་མའི་དབང་ཕྱུག་དེ་ཕྱག་ན་རྡོ་རྗེའི་ཚུལ་ཇི་སྲིད་མངོན་སུམ་དུ་སངས་རྒྱས་ཉིད་སྟེར་བར་གྱུར་པ་དེ་སྲིད་དུ་དེ་ཡིས་བསྟེན་པར་བྱའོ། །དེ་ནས་གསད་པར་འདོད་ན་ལྷ་མོ་དེ་ཉིད་འབར་བ་དང་ལྡན་པ་མདོག་ནག་མོ་ལག་ན་མཚོན་ཆ་ཐམས་ཅད་
D493.086.0148b05.01འཛིན་པ་བསྒོམས་ན་དཔུང་གི་ཚོགས་ཡན་ལག་བཞི་དང་བཅས་པ་ཡང་གསོད་པར་བྱེད་དོ། །གལ་ཏེ་བསྐྲད་པར་འདོད་ན་དེ་ཉིད་ཅུང་ཟད་དམར་ཞིང་སྔོ་བའི་ཁ་དོག་ཅན་རླུང་དང་ལྷན་ཅིག་མ་སྦྱོར་བ་དེ་ཉིད་ཀྱིས་རླུང་གི་དཀྱིལ་འཁོར་ལ་ཀུན་ཏུ་བསྟེན་པར་གྱུར་པས་སྐད་ཅིག་དེ་ཉིད་ལ་སྐྲོད་པར་བྱེད་
D493.086.0148b06.01དོ། །གལ་ཏེ་དབང་དུ་བྱ་བར་འདོད་ན་དེ་ནས་ཁ་དོག་དམར་པོར་བསམས་ལ་དེས་བཀུག་སྟེ་སྐད་ཅིག་དེ་ལ་རྐང་པའི་དྲུང་དུ་འོང་བར་འགྱུར་རོ། །དེ་ནས་རེངས་པར་བྱ་བར་འདོད་ན་ལྷ་མོ་ཁ་དོག་སེར་མོར་བསམས་ལ་དེ་བསྒྲུབ་བྱ་ལྕགས་ཀྱི་རིས་རྫིས་པར་བསམས་ལ། དཔུང་གི་ཚོགས་ཡན་
D493.086.0148b07.01