完整藏文原文 · 德格版页 当前仅加载第 86 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དང་། སྒོ་སྐྱོང་བ་དང་། ལྷ་མོ་རྣམས་དང་། ཕྱིའི་དཀྱིལ་འཁོར་གྱི་ནང་ན་རྣམ་པར་གནས་པ་རྣམས་ཉིད་ཀྱི་ཐུགས་ཀར་བཅུག་སྟེ། བཅུག་ནས་ཀྱང་གཅིག་ཏུ་མཛད་ནས་ཟླ་བའི་དཀྱིལ་འཁོར་གྱི་སྟེང་དུ་བཞུགས་ཏེ། སངས་རྒྱས་ལྔའི་ཅོད་པན་གྱི་རྣམ་པ་དང་། རྒྱན་ཐམས་
D493.086.0135a01.01ཅད་ཀྱིས་བརྒྱན་པ། བདེ་བ་དང་། ཡིད་བདེ་བ་ཐམས་ཅད་རྗེས་སུ་མྱོང་བའི་དོན་དང་། ཉོན་མོངས་པ་ཐམས་ཅད་སྦྱང་བའི་དོན་དུ་ཟླ་བའི་དཀྱིལ་འཁོར་གྱི་སྟེང་དུ་གནས་པའི་ཟླ་བའི་དཀྱིལ་འཁོར་ཡོངས་སུ་དྲི་མ་མེད་ཅིང་སའི་ཕྱོགས་མཐའ་དག་ཁྱབ་པར་བརྗོད་དོ། །དེ་ནས་ཡང་བྱང་ཆུབ་
D493.086.0135a02.01སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཟླ་བའི་དཀྱིལ་འཁོར་འདི་སུས་སྤྲུལ་པའང་བགྱིས་པ་ལགས། དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཉོན་ཅིག །སུས་ཀྱང་མ་བྱས་ཤིང་སུས་
D493.086.0135a03.01ཀྱང་མ་སྤྲུལ་པའོ། །ལག་ན་རྡོ་རྗེ་དང་པོ་རེ་ཞིག་སེམས་སོ་སོར་རྟོགས་པར་བྱ་སྟེ། སྟོང་པ་ཉིད་ཀྱི་ཚུལ་དུ་བསྒོམ་པའི་དོན་ཏོ། །དེ་ནས་ཨའི་ཡི་གེ་ལས་ནམ་མཁའ་དང་མཚུངས་པའི་ཟླ་བའི་དཀྱིལ་འཁོར་བསམ་པར་བྱ་སྟེ། ཇི་ལྟར་ནམ་མཁའ་རྟག་པའི་ཚུལ་དུ་གནས་པ་དེ་བཞིན་དུ་ཟླ་
D493.086.0135a04.01བའི་དཀྱིལ་འཁོར་འདིའང་ཡིན་ནོ། །དེ་ལ་ཨ་ལ་སོགས་པའི་དབྱངས་ཀྱི་ཡི་གེ་མེད་པའི་ཚུལ་དུ་རྣམ་པར་གཞག་གོ། །ཡང་ཀ་ལ་སོགས་པའི་ཡི་གེ་བདུད་རྩིའི་ཚུལ་དུ་རྣམ་པར་གཞག་གོ། །དེ་དག་ཐམས་ཅད་ཡོངས་སུ་གྱུར་པ་ལས་ནམ་མཁའི་ཚུལ་དུ་བལྟ་བར་བྱའོ། །དེ་ནས་སེམས་
D493.086.0135a05.01སོ་སོར་རྟོགས་པར་འགྱུར་རོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་ཟླ་བ་གཉིས་པ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་བྱང་ཆུབ་ཟླ་བ་གཉིས་པ་ཤིན་ཏུ་དྲི་མ་མེད་ཅིང་རྣམ་པར་རྟོག་པ་ཐམས་ཅད་འཕྲོག་པ་སྟེ། རྣམ་པར་རྟོག་པ་མ་ལུས་པ་འཕྲོག་པར་བྱེད་པས་ན་རྣམ་པར་རྟོག་
D493.086.0135a06.01པ་ཐམས་ཅད་འཕྲོག་པ་སྟེ། ཕུལ་དུ་བྱུང་ཞིང་བླ་ན་མེད་པའི་དོན་ཏོ། །ལག་ན་རྡོ་རྗེ་དེའི་ཕྱིར་བྱང་ཆུབ་ཟླ་བ་ཞེས་བཀའ་སྩལ་ཏོ། །གང་ཞིག་ཐོབ་པས་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་སངས་རྒྱས་སུ་གྱུར་པའོ། །ཟླ་བ་དེ་ཀ་ལ་སོགས་པའི་ཡི་གེ་སངས་རྒྱས་ཀྱི་
D493.086.0135a07.01