完整藏文原文 · 德格版页 当前仅加载第 86 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀར་བཅུག་ཅིང་བཅུག་ནས་གཅིག་ཏུ་གྱུར་ཏེ། འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བའི་དཀྱིལ་འཁོར་བཀའ་སྩལ་པ། དེའི་དཀྱིལ་འཁོར་གྲུ་བཞི་པ། སྒོ་བཞི་པ། ཀ་བ་བརྒྱད་ཀྱིས་ཉེ་བར་སྤྲས་པ། དྲ་བ་དང་དྲ་བ་ཕྱེད་པས་
D493.086.0134b01.01མཛེས་པ། ཟླ་བ་དང་ཟླ་བ་ཕྱེད་པས་བརྒྱན་པ། དར་གྱི་བ་དན་དང་མེ་ཏོག་གི་ཆུན་པོས་ཉེ་བར་སྤུད་པ། སྒོ་བཞིར་དཀྱིལ་འཁོར་བཞི་དང་ལྡན་པ། གསེར་ལ་སོགས་པའི་ཕྱེ་མའི་རྡུལ་ཚོན་གྱིས་མཛེས་པ། ཕྱི་རོལ་གྱི་ཆ་སྒོ་བཞི་པ་ལ་དེ་ཉིད་ཀྱི་རྣམ་པས་བརྒྱན་པའི་དཀྱིལ་འཁོར་བྲི་བར་བྱའོ། །
D493.086.0134b02.01དེའི་དབུས་སུ་མི་བསྐྱོད་པ་ལ་སོགས་པ་རྣམ་པར་གཞག་པར་བྱའོ། །དཀྱིལ་འཁོར་བཞི་པོ་རྣམས་སུ་དེ་བཞིན་གཤེགས་པ་རྣམས་དང་། སྒོ་བཞིར་སྒོ་སྐྱོང་བ་རྣམས་ལེགས་པར་གཞག་པར་བྱའོ། །རིག་པའི་ལྷ་མོ་དེ་དག་དཀྱིལ་འཁོར་གྱི་གྲྭར་ཡོངས་སུ་གཞག་པར་བྱའོ། །ཕྱི་རོལ་གྱི་
D493.086.0134b03.01དཀྱིལ་འཁོར་དུ་བྱང་ཆུབ་སེམས་དཔའ་བཅུ་དྲུག་དང་། ཕྱིའི་དཀྱིལ་འཁོར་གྱི་མཚམས་སུ་རྡོ་རྗེ་མེ་ཏོག་མ་ལ་སོགས་པ་གཞག་པར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ཀྱི་སྤྱན་སྔར་ཟླ་བའི་དཀྱིལ་འཁོར་ལ་བརྟེན་པར་གྱུར་པས་བཅོམ་ལྡན་འདས་ལ་
D493.086.0134b04.01གསོལ་བ་བཏབ་པ། བཅོམ་ལྡན་འདས་འཇིག་རྟེན་གསུམ་ལས་རྣམ་པར་རྒྱལ་བ་ཞེས་གྲགས་ལགས་ན། ཅིའི་ཕྱིར་འཇིག་རྟེན་གསུམ་ཞེས་བགྱི། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་
D493.086.0134b05.01འཇིག་རྟེན་གསུམ་ཞེས་བྱ་བ་ནི་མཐོ་རིས་དང་། མི་ཡུལ་དང་། རྐང་འོག་ན་གནས་པ་རྣམས་སུ་བརྗོད་དོ། །འདི་རྣམས་ཀྱི་ནང་ན་གདུག་པ་ཅན་གྱི་སེམས་ཅན་གང་ལ་ལ་དག་སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་མི་འགྲོ་བ་དེ་རྣམས་འདུལ་ཞིང་རྣམ་པར་རྒྱལ་བས་དེའི་དོན་
D493.086.0134b06.01དུ་དཀྱིལ་འཁོར་དེ་ཡང་མིང་ཙམ་ཁོ་ན་མ་ཡིན་ནོ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པ་ཇི་ལྟ་བུས་དེ་རྣམས་རྣམ་པར་དུལ་བར་འགྱུར། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་དེ་བཞིན་གཤེགས་པ་དེ་རྣམས་ཐམས་
D493.086.0134b07.01