完整藏文原文 · 德格版页 当前仅加载第 86 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པར་བྱའོ། །དེ་ནས་བདག་ཉིད་རྣམ་པར་སྣང་མཛད་དུ་བྱས་ཏེ། སླར་ཡང་བདག་ཉིད་རྡོ་རྗེ་སེམས་དཔའི་གཟུགས་སུ་གཟུགས་བརྙན་གྱི་སྦྱོར་བས་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གང་བ་རྡོ་རྗེའི་ཕྲེང་བས་རྣམ་པར་བརྒྱན་པ་བསྒོམས་ཏེ། དེ་ནས་ཧཱུྃ་གི་ཡི་
D493.086.0125a01.01གེ་དེ་ཉིད་ཀྱིས་རྡོ་རྗེ་སེམས་དཔའི་ལུས་ཀྱི་སྙིང་གར་ཟླ་བའི་དཀྱིལ་འཁོར་བསྒོམས་ལ། དེ་ནས་རྡོ་རྗེ་སེམས་དཔའི་ཡི་གེ་བཀོད་དེ། རྡོ་རྗེ་སེམས་དཔའ་དང་ཡི་གེ་དེ་དག་ཡོངས་སུ་སོན་པ་ལས་རྡོ་རྗེ་རྩེ་མོ་ལྔ་པ་ཞི་ཞིང་དཀར་བ་བསྒོམ་པར་བྱའོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་
D493.086.0125a02.01བཅོམ་ལྡན་འདས་ལ་གསོལ་པ། བཅོམ་ལྡན་འདས་རྡོ་རྗེ་དེ་ཇི་ལྟར་བསྒོམ་པར་བགྱི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་པ། རྡོ་རྗེ་དེ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་བསྒོམ་པར་བྱའོ། །དེ་ནས་བྱང་ཆུབ་སེམས་
D493.086.0125a03.01དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་སྣ་ཚོགས་རྡོ་རྗེ་ཁུམས་ལགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་བསྐྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D493.086.0125a04.01ནས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཉོན་ཅིག །རྡོ་རྗེ་དེ་ཉིད་འོད་ཟེར་དང་བཅས་སྙེམས་པ་དང་བཅས་པའི་རྡོ་རྗེ་སེམས་དཔའི་གཟུགས་ཅུང་ཟད་བཞད་པའི་ཞལ་རས་དང་ཕྱག་གཉིས་རྡོ་རྗེ་གསོར་བར་བྱེད་པ། སངས་རྒྱས་ལྔའི་ཅོད་པན་ཅན། སྟེང་ན་དེ་བཞིན་གཤེགས་པ་ཐམས་ཅད་
D493.086.0125a05.01ཀྱི་བདག་པོ་བཞུགས་པ། དཔྲལ་བ་དང་ཉེ་བར་མི་བསྐྱོད་པ། གཡས་སུ་རིན་ཆེན་འབྱུང་ལྡན། རྒྱབ་ཏུ་འོད་དཔག་ཏུ་མེད་པ། གཡོན་པའི་དྲུང་དུ་དོན་ཡོད་གྲུབ་པ་ཅན། དེ་ལྟ་བུའི་ཡོན་ཏན་གྱི་ཁྱད་པར་དང་ལྡན་པ་རྡོ་རྗེ་སེམས་དཔའི་གཟུགས་སུ་བསྒོམ་པར་བྱའོ། །དེ་ནས་བྱང་ཆུབ་སེམས་
D493.086.0125a06.01དཔའ་ཆེན་པོ་ལག་ན་རྡོ་རྗེས་དེ་ལྟ་བུའི་རྡོ་རྗེ་སེམས་དཔའི་གཟུགས་སུ་བསྐྱེད་ནས་སླར་ཡང་བཅོམ་ལྡན་འདས་ཀྱི་སྤྱན་སྔར་འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཉིད་རྡོ་རྗེ་སེམས་དཔའི་གཟུགས་སུ་མཐོང་ལགས་སོ། །དེ་ནས་བཅོམ་ལྡན་འདས་དེ་
D493.086.0125a07.01