完整藏文原文 · 德格版页 当前仅加载第 86 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གདུག་པ་ཅན་གྱི་སེམས་ཅན་འཇིག་རྟེན་གསུམ་གྱི་བདག་པོར་གནས་པ་འདི་རྡོ་རྗེ་འབར་བ་འདིས་འཁོར་དང་བཅས་པའི་ལུས་ཐམས་ཅད་བསྲེག་པར་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཧཱུྃ་མཛད་ཀྱིས་འཇིག་རྟེན་གསུམ་
D493.086.0138b01.01གྱི་བདག་པོའི་མདུན་དུ་དེ་ལྟ་བུའི་སྐུར་གྱུར་པས་འཁོད་དོ། །དེ་ནས་འཇིག་རྟེན་གསུམ་གྱི་བདག་པོ་བདག་ཉིད་ཀྱི་འཁོར་རྣམས་ཀྱིས་གཡུལ་ཆེན་པོ་འགྱེད་པར་བརྩམས་སོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་འཁོར་དང་བཅས་པ་དེ་རྣམས་ལ་རྡོ་རྗེ་ཀུན་ཏུ་འབར་ཞིང་མེ་ལྕེ་
D493.086.0138b02.01གཅིག་ཏུ་གྱུར་པས་བསྣུན་པར་གྱུར་ཏོ། །དེ་ནས་འཇིག་རྟེན་གསུམ་གྱི་བདག་པོས་དེ་དག་ཐམས་ཅད་གསད་པར་མཐོང་ནས་སྙིང་འདར་ཞིང་ཆུང་མ་དང་བཅས་པ་ལྕགས་གསུམ་གྱི་ར་བས་བསྐོར་ཏེ་གནས་སོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཧཱུྃ་མཛད་ཀྱིས་རྡོ་རྗེ་དེ་དང་མཚོན་ཆ་དེ་དག་
D493.086.0138b03.01ཐམས་ཅད་ཀྱིས་དེའི་ལྕགས་གསུམ་གྱི་ར་བ་ཤིན་ཏུ་བསྲེགས་ཏེ། འཇིག་རྟེན་གསུམ་གྱི་བདག་པོ་ལྷ་ཆེན་པོ་ཆུང་མ་དང་བཅས་པ་དེ་ལ་ལྕགས་ཀྱུ་དེ་དང་རྡོ་རྗེས་བསྣུན་ཅིང་བཀུག་ནས་ཞབས་གཉིས་ཀྱི་དྲུང་དུ་བསྐྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་
D493.086.0138b04.01འདི་སྐད་ཅེས་གསོལ་ཏོ། །གདུག་པ་ཅན་གྱི་སེམས་ཅན་བཀུག་པ་འདི་ལ་ད་བདག་གིས་ཇི་ལྟར་བགྱི། དེ་སྐད་ཅེས་གསོལ་པ་དང་། སྐབས་དེ་ཉིད་དུ་ཆུང་མ་དང་བཅས་ཏེ་ལྷ་ཆེན་པོ་ལངས་ནས་སླར་བྲོས་པར་གྱུར་ཏོ། །སོང་ནས་ཀྱང་དེར་ནམ་མཁའི་ཚད་ཙམ་གྱི་བཤང་བ་དང་། གཅི་བ་ཤིན་ཏུ་
D493.086.0138b05.01མནམ་པའི་དྲི་དུ་མ་དང་ལྡན་པ་མི་གཙང་བའི་ར་བས་བསྐོར་ཏེ་གནས་སོ། །དེ་ནས་རྡོ་རྗེ་ཧཱུྃ་མཛད་ཀྱིས་རྣམ་པར་བལྟས་པ་དང་། གདུག་པ་ཅན་གྱི་སེམས་ཅན་དེ་མ་མཐོང་སྟེ་བར་སྣང་དུ་རྣམ་པར་བལྟས་པས་ཚུལ་དེ་ལྟ་བུ་མི་གཙང་བའི་ར་བས་བསྐོར་ཏེ་གནས་པ་གཟིགས་སོ། །དེ་ནས་ཀུན་ནས་
D493.086.0138b06.01འབར་རབ་ཏུ་འབར་བའི་རྡོ་རྗེ་དེས་ར་བ་དེ་བཤིག་སྟེ་ལྷ་ཆེན་པོ་ཆུང་མ་དང་བཅས་པ་དེ་བཀུག་ནས་བསྒྱེལ་ཏེ་ཞབས་གཡོན་པའི་འོག་ཏུ་དེའི་མགོ་མནན་ནས། གཡས་པས་ལྷ་མོ་ཨུ་མའི་ནུ་མ་རྒྱས་པ་དག་མནན་ཏེ་འདི་སྐད་ཅེས་བཀའ་སྩལ་ཏོ། །ཀྱེ་སེམས་ཅན་གདུག་པ་ཅན་ཁྱོད་ལ་ཇི་ལྟར་བྱ། དེ་
D493.086.0138b07.01