完整藏文原文 · 德格版页 当前仅加载第 88 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་སྒྲུབ་པར་བྱེད་པ། སྐྱོབ་པ་དང་གནས་དང་སྐྱབས་དང་དཔུང་གཉེན་དང་། བདེ་བ་དང་ཤིན་ཏུ་མཐར་ཐུག་པ་དང་ཤིན་ཏུ་ཡོངས་སུ་མཐར་ཕྱིན་པར་བྱེད་པ་སེམས་ཅན་རྣམས་ལ་སྟོན་ཏེ། བཅོམ་ལྡན་འདས་དེ་ཉིད་ཀྱིས་རྗེས་སུ་གནང་ནས། བཅོམ་ལྡན་འདས་ཀྱི་ཞབས་དྲུང་འདིར་མཆིས་སོ། །བཅོམ་
D543.088.0108b01.01ལྡན་འདས་མེ་ཏོག་ཡང་དག་པར་སྐྱེས་པ་རྒྱལ་པོའི་དབང་པོ་དེ་ཡང་། བཅོམ་ལྡན་འདས་ལ་གནོད་པ་ཉུང་ངམ། བསྐྱོད་པ་ཡང་ངམ། བདེ་བ་ལ་རེག་པར་གནས་སམ་ཞེས་འདྲིའོ། །འདི་སྐད་ཀྱང་གསུང་སྟེ། གང་དུ་འདི་ལྟ་བུའི་སྙིགས་མ་ལྔའི་དུས་སུ་སངས་རྒྱས་བཅོམ་ལྡན་འདས་ཤཱཀྱ་ཐུབ་
D543.088.0108b02.01པ་འབྱུང་བ་ནི་ངོ་མཚར་ཏོ་ཞེས་སོ། །དེ་ཡང་ལམ་གསུམ་དང་བྱང་གྲོལ་དང་མིར་སྐྱེ་བ་ཐོབ་པ་ཉིད་ཀྱི་ཆོས་སྟོན་པར་བྱེད་དོ། །གང་དུའང་སེམས་ཅན་གྱི་རིས་སྐལ་བ་མེད་པ་དང་། སྲིད་པ་གསུམ་ཡང་དག་འཇོམས་པར་བྱེད་པའི་ལམ་དང་གཏན་ཏུ་གྲུབ་པ་དང་བདེ་བ་དང་། མཐུན་པའི་མྱ་ངན་
D543.088.0108b03.01ལས་འདས་པ་ལ་སེམས་ཅན་རྣམས་དགོད་པར་བྱེད་པའི་བཅོམ་ལྡན་འདས་ཤཱཀྱ་ཐུབ་པའི་བརྩོན་འགྲུས་ནི་ངོ་མཚར་ཏོ། །བཅོམ་ལྡན་འདས་བསམ་གྱིས་མི་ཁྱབ་བོ། །སངས་རྒྱས་བཅོམ་ལྡན་འདས་ཀྱི་ཐུགས་ནི། སངས་རྒྱས་བཅོམ་ལྡན་འདས་ཀྱིས་མཁྱེན་པར་འགྱུར་གྱི། བདག་གིས་ཅི་
D543.088.0108b04.01ཞིག་འཚལ་བ་རྔོ་ཐོགས། དབང་ཕྱུག་གིས་རྣམ་པར་འཕྲུལ་པ་བསམ་གྱིས་མི་ཁྱབ་པ། རྨད་དུ་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་རྣམ་པར་འཕྲུལ་པ་ཤེས་པར་རམ། འཚལ་བར་རམ། ཐུགས་ཀྱི་སྤྱད་པ་སྤྱོད་པའི་རྗེས་སུ་འཇུག་པའི་སྒྲུབ་པ་དང་།
D543.088.0108b05.01སྤྱོད་པ་འཚལ་བར་རམ་མདོར་ན་བསྐལ་པ་བྱེ་བ་ཁྲི་ཕྲག་བརྒྱ་སྟོང་གི་བར་དུའང་བསྟན་པར་མི་ནུས་སོ། །གང་ཡང་དེ་བཞིན་གཤེགས་པ་རྣམས་ཀྱིས་དེ་བཞིན་གཤེགས་པའི་མཛད་པ་བསྡུས་པའམ། ཐ་དད་མ་ལུས་པའི་ངོ་བོ་འདི་ནི་ཆོས་འདུས་མ་བྱས་སུ་བལྟ་བར་བྱ་སྟེ། མཐོང་བས་
D543.088.0108b06.01སྤང་བར་བྱ་བ་ལ་བརྟེན་པའམ། ཡོན་ཏན་ནི་བཅོམ་ལྡན་འདས་དེ་བཞིན་གཤེགས་པ་ཁོ་ནས་མཁྱེན་པ་ཡིན་གྱི་བདག་གིས་ནི་མ་ལགས་སོ། །དེ་ནས་འཇམ་དཔལ་གཞོན་ནུར་གྱུར་པས་རང་གི་རྫུ་འཕྲུལ་གྱི་རྣམ་པར་འཕྲུལ་པས་རིན་པོ་ཆེའི་པདྨ་སྤྲུལ་པ་ལ་བཅོམ་ལྡན་འདས་ཤཱཀྱ་ཐུབ་པ་
D543.088.0108b07.01