完整藏文原文 · 德格版页 当前仅加载第 88 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་རོ། །གོས་ལ་མངོན་པར་བསྔགས་ནས་གོས་བགོས་ན་བསྲུང་བ་ཆེན་པོ་བྱས་པར་འགྱུར་རོ། །གདོན་ཐམས་ཅད་དང་མ་མོ་དང་ཤ་ཟ་དང་ཤ་རློན་ཟ་བ་དང་སྡིག་པ་ཅན་རྣམས་དང་བགེགས་ཐམས་ཅད་ཀྱང་མཐོང་བ་ཙམ་གྱིས་རབ་ཏུ་འབྱེར་རོ། །མཐེ་བོ་གཡས་གཡོན་དང་
D543.088.0283a01.01མཐེའུ་ཆུང་གཉིས་ཕན་ཚུན་སྤྲད་པ་བྱས་ལ་ལག་པའི་ཁ་སྦྱར་ཐུར་དུ་བསྟན་པ་ནི་ལྷུང་བཟེད་ཀྱི་ཕྱག་རྒྱའོ། །འདིར་སྔགས་ནི། ཨོྃ་ལོ་ཀ་བཱ་ལ་ཨ་དྷིཥྛི་ཏཾ་བ་ར་དྷཱ་རཱ་ཡ། མ་ཧཱ་ནུ་བྷ་བ་ནུ་དྷ་བཱ་ཏྲཱ་སྭཱ་ཧཱ། ཕྱག་རྒྱ་འདི་དང་སྔགས་འདི་ཡང་དག་པར་ལྡན་པར་བྱས་ན་ལས་ཐམས་ཅད་བྱེད་དོ། །ཁ་ཟས་ཟ་བའི་དུས་
D543.088.0283a02.01སུ་དྲན་པར་བྱས་ན་སྦྱར་བའི་དུག་ཐམས་ཅད་ནུས་པ་མེད་པར་འགྱུར་རོ། །ལག་པ་གཉིས་ཁུ་ཚུར་བཅང་ལ་མཛུབ་མོ་གཉིས་དང་གུང་མོ་བཀུག་པ་འདི་ནི་ཡིད་བཞིན་གྱི་ནོར་བུའི་ཕྱག་རྒྱའོ། །འདིར་སྔགས་ནི། ཨོྃ་ཏེ་ཛོ་ཛྭཱ་ལ་སརྦ་ཨརྠ་སཱ་དྷ་ཀ་སིད་དྷྱ་ཙིན་ཏཱ་མ་ཎི་རཏྣ་ཧཱུྃ། ནོར་བུ་རིན་པོ་ཆེའི་སྔགས་སོ། །ཕྱག་རྒྱ་
D543.088.0283a03.01འདི་ཉིད་དང་ཡང་དག་པར་ལྡན་ན་ལས་ཐམས་ཅད་བྱེད་ཅིང་དགེ་བ་ཡིན་ནོ། །རྒྱན་གྱི་ཁྱད་པར་ཐམས་ཅད་ལ་འདི་ཉིད་ཀྱིས་མངོན་པར་བསྔགས་ཏེ་རྒྱན་དུ་བྱས་ན་བདག་ཉིད་ལ་བསྲུང་བ་ཆེན་པོ་བྱས་པར་འགྱུར་རོ། །མཆོག་ཏུ་སྐལ་བ་བཟང་པོ་དང་ལྡན་པར་འགྱུར་རོ། །གོ་ཆ་ལ་མངོན་པར་
D543.088.0283a04.01བསྔགས་ཏེ་རང་ཉིད་ཀྱིས་བགོ་བར་བྱས་ནས་གཡུལ་དུ་འཇུག་ན། འདི་ནི་ལུས་ལ་མཚོན་གྱིས་མི་ཕོག་ཅིང་མི་ཚུགས་པར་འགྱུར་རོ། །དགྲ་ཐམས་ཅད་ཀྱི་རང་གི་དཔུང་འབྱེད་པར་བྱེད་ཅིང་ཕ་རོལ་གྱི་སྡེ་ཡང་རབ་ཏུ་གནོན་པར་བྱེད་དེ། དེ་ལ་སོགས་པ་ཚད་མེད་པའི་ལས་མ་གྲུབ་པ་ཉིད་ཀྱང་གྲུབ་
D543.088.0283a05.01པར་བྱེད་དོ། །རིན་པོ་ཆེ་པདྨ་རཱ་ག་དང་མརྒད་ཏ་ལ་སོགས་པ་གང་ཡང་རུང་བའི་རིན་པོ་ཆེའི་ཁྱད་པར་བླངས་ལ། བརྒྱ་རྩ་བརྒྱད་མངོན་པར་བསྔགས་པ་བྱས་ནས་རྒྱལ་མཚན་གྱི་རྩེ་མོའམ་རང་གི་མགོ་བོའམ་གླང་པོ་ཆེའི་མཆོག་མར་བཅིང་བ་བྱས་ནས་གཡུལ་གྱི་ཐོག་མར་ཞུགས་ན་ངེས་པར་ཕ་རོལ་
D543.088.0283a06.01གྱི་དཔུང་དང་འཐབ་པ་མེད་པ་ཁོ་ནར་མཐོང་བས་འཇིགས་པར་འགྱུར་བའམ་རྨུགས་པ་ཆེན་པོ་ཉིད་དུ་འགྱུར་བའམ་བདག་པོ་དཔུང་དང་བཅས་པ་དེ་དག་རབ་ཏུ་འབྱེར་བར་འགྱུར་རོ། །སོར་མོ་རྣམས་ཕན་ཚུན་བསྡུས་ནས་ཁུ་ཚུར་དུ་བྱས་ལ་སོར་མོ་གུང་མོའི་གནས་ཀྱི་གསུམ་པའི་ཚིགས་ཀྱི་ཆ་ལ་མཛུབ་
D543.088.0283a07.01