完整藏文原文 · 德格版页 当前仅加载第 88 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ནི་རབ་ཏུ་བརྟགས། །མིག་གི་འབྱེད་འཛུམས་བཅུ་ལ་ནི། །སྐད་ཅིག་ཙམ་དུ་རབ་ཏུ་བརྟགས། །སྐད་ཅིག་བཅུ་ཞེས་བཤད་པ་ནི། །ཡུད་ཙམ་དུ་ནི་ཡོངས་སུ་བརྟགས། །ཡུད་ཙམ་བཞི་ལ་ཐུན་གཅིག་ཅེས། །སྔགས་རིག་པས་ནི་ཡོངས་སུ་བརྟགས། །འདི་ཙམ་དུས་
D543.088.0218b01.01ཀྱི་ཚད་ལ་ནི། །གསུམ་གྱི་གྲངས་སུ་ཡོངས་སུ་བརྟགས། །སྦྱིན་སྲེག་དུས་དང་བཟླས་པ་ཡི། །གྲུབ་པའི་དུས་དང་སྦྱར་བར་བྱ། །ཉལ་བའི་དུས་དང་མི་ཉལ་དང་། །རྟག་ཏུ་ཉིན་ཞག་ཕྲུགས་བཏུངས་ལ། །ཉིན་དང་མཚན་ནི་ཉི་མ་ཞེས། །དེ་ལྟར་མིང་ནི་འཇུག་པ་ཡིན། །
D543.088.0218b02.01ཉི་མ་{བཅྭ་,བཅོ་}ལྔ་ཉིད་ལ་ནི། །ཟླ་བ་ཕྱེད་དུ་རབ་ཏུ་བསྟན། །ཟླ་ཕྱེད་གཉིས་ལ་ཟླ་བ་ཞེས། །རྩིས་ཤེས་འཇིགས་པ་མེད་པས་བསྟན། །དེ་བཞིན་ཟླ་བ་ཟླ་དྲུག་གིས། །སྒྲ་གཅན་གྱིས་ཀྱང་འཛིན་པ་ཡིན། །དེ་ནས་ཟླ་བ་བཅུ་གཉིས་ལ། །ལོ་ཡི་སྒྲར་ནི་རབ་ཏུ་བསྒྲགས། །དེ་ནས་
D543.088.0218b03.01ལོ་ནི་བཅུ་གཉིས་ལ། །ལོ་ཆེན་ཞེས་ནི་དེ་ལ་བྱ། །གཟའ་དང་རྒྱུ་སྐར་ཕྱིན་ཅི་ལོག །ལྷ་མིན་དབང་པོ་ཐམས་ཅད་ཀྱང་། །དེ་ནས་ལོ་ནི་བཅུ་གཉིས་ལ། །འདིར་ནི་དགེ་དང་མི་དགེ་བྱེད། །གང་ཚེ་ཡར་ངོར་ལྷ་མིན་དབང་། །སྒྲ་གཅན་རབ་ཏུ་སྣང་འགྱུར་ཞིང་། །ཟླ་བ་ཉི་མའི་
D543.088.0218b04.01དཀྱིལ་འཁོར་ནི། །མ་ལུས་རབ་ཏུ་ཟིན་གྱུར་ན། །མཚོན་གྱི་ཚོགས་ནི་ཆེན་པོ་ཡང་། །ས་ཡི་སྟེང་དུ་སྣང་བར་འགྱུར། །དེ་ལ་སོགས་པ་ཆེན་པོ་ནི། །དུས་དང་དུས་སུ་རབ་སྦྱོར་འགྱུར། །རྣམ་པ་དུ་མ་མང་པོ་ཡི། །བགེགས་ནི་མི་བཟད་སྣང་བར་འགྱུར། །དུས་ཀྱི་
D543.088.0218b05.01ཐ་མར་ཕྱིན་པ་ན། །འཇིག་རྟེན་སྣོད་ནི་ཆོས་མིན་ལ། །རྒྱུ་སྐར་སྣྲུབས་ལ་གནས་པ་ལ། །ཟླ་བ་མ་ལུས་འཛིན་འགྱུར་ཞིང་། །མཚན་མོ་མ་ལུས་འཛིན་པ་ཉིད། །ཟླ་བ་འཛིན་པ་ནུབ་བཞིན་དང་། །གལ་ཏེ་ཉི་མ་ཉིན་པར་ནི། །ནུབ་བཞིན་དུ་ནི་འཛིན་འགྱུར་དང་། །ཉི་མ་
D543.088.0218b06.01དང་ནི་ཟླ་བ་ཉིད། །མཚན་ཕྱེད་དག་ཏུ་གཟུང་གྱུར་ནས། །ལྷ་མིན་དབང་པོའི་གྲིབ་མ་ཡིས། །གལ་ཏེ་འཇིགས་ཤིང་ནུབ་གྱུར་ན། །ཤར་ཕྱོགས་གནས་པའི་རྒྱལ་པོ་ནི། །སྡང་བས་གསོད་པར་ཐེ་ཚོམ་མེད། །རང་ཉིད་འཆི་བའི་འཇིགས་པས་སམ། །གཞན་གྱིས་དེ་ནི་
D543.088.0218b07.01