完整藏文原文 · 德格版页 当前仅加载第 88 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཀའ་སྩལ་པ། འཇམ་དཔལ་ཁྱོད་ཀྱི་སྔགས་དང་རྒྱུད་དང་རིག་པའི་རྒྱལ་པོ་དང་འཁོར་ལོས་སྒྱུར་བ་ལ་སོགས་པ་དང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ལ་སོགས་པ་དང་སྔགས་ཐམས་ཅད་ཀྱི་གྲུབ་པའི་གནས་ཡོད་དེ། དེ་ཡང་མདོར་ན་བྱང་ཕྱོགས་
D543.088.0248a01.01སུ་དེ་བཞིན་གཤེགས་པ་ཐམས་ཅད་ཀྱི་རིག་པའི་རྒྱལ་པོ་འགྲུབ་པར་འགྱུར་ཏེ། རྒྱ་དང་རྒྱ་ནི་ཆེ་ཉིད་ལ། །འཇམ་པའི་དབྱངས་ནི་རབ་འགྲུབ་འགྱུར། །གང་ཡང་དེ་ཡི་སྔགས་རྣམས་ནི། །དེར་ནི་རབ་ཏུ་འགྲུབ་པར་འགྱུར། །གཙུག་ཏོར་རྒྱལ་པོ་ཐམས་ཅད་དང་། །དེ་དག་
D543.088.0248a02.01ཏུ་ནི་གྲུབ་པར་སྣང་། །ཀཱ་བི་ཤེ་དང་བག་ཁ་ལ། །ཨོ་ཊི་ཡ་ནི་འཁོར་ཡུག་ཡུལ། །ཁ་ཆེ་དང་ནི་སིན་དྷུའི་ཡུལ། །ཁ་བ་ཅན་གྱི་མཚམས་ཀུན་དང་། །བྱང་ཕྱོགས་སུ་ནི་གནས་བརྟེན་ལ། །དགེ་བའི་སྔགས་ནི་འགྲུབ་པར་འགྱུར། །གང་ཡང་སངས་རྒྱས་སྔོན་གསུངས་
D543.088.0248a03.01དང་། །ད་ལྟར་ཡང་ནི་གསུངས་པ་དང་། །མ་འོངས་སངས་རྒྱས་རྣམས་ཀྱིས་ཀྱང་། །ཞི་བའི་རྒྱུར་ནི་གསུངས་པ་སྟེ། །ཁ་བ་ཅན་རིའི་ནང་བྱུང་བ། །དེར་ནི་ཐམས་ཅད་འགྲུབ་པར་འགྱུར། །སྐྱེ་བོ་སྐལ་ལྡན་བཟང་པོ་ནི། །ཞི་བའི་ལས་ནི་རྩོམ་པར་བྱེད། །དེ་བཞིན་
D543.088.0248a04.01སྔགས་ནི་ཡུལ་དབུས་སུ། །པདྨའི་རིགས་ནི་འགྲུབ་པར་འགྱུར། །མཛོད་དང་ནོར་བུའི་རིགས་དག་ཀྱང་། །དེར་ནི་འགྲུབ་པར་རབ་ཏུ་སྣང་། །གནོད་སྦྱིན་ལྔས་རྩེན་དག་དང་ནི། །འཕྲོག་མ་གནོད་སྦྱིན་སྐྱེ་གནས་དང་། །གང་དག་དྲི་ཟའི་སྔགས་རྣམས་ནི། །དེ་
D543.088.0248a05.01དག་ཏུ་ནི་གྲུབ་པར་གསུངས། །དེ་ནས་རྟག་ཏུ་ཀུ་ཤའི་གྲོང་། །མ་ག་དྷཱ་ནི་ཁོར་ཡུག་དང་། །ངོགས་དགའ་ཆུ་བོ་སྣར་མ་དང་། །བང་གའི་ཡུལ་ནི་ཐམས་ཅད་དུ། །དེ་བཞིན་ནོར་བུའི་རིགས་གསུངས་པའི། །ཛམ་བྷ་ལ་ནི་འགྲུབ་པར་འགྱུར། །རྒྱ་མཚོ་དང་ན་གླིང་
D543.088.0248a06.01ངོགས་དང་། །ཆུ་ཡི་གཟི་ནི་ཐམས་ཅད་དང་། །དགའ་བའི་གྲོང་ཁྱེར་སིང་ཧ་ལར། །སྔགས་ཀྱི་ལྷ་ནི་འགྲུབ་པར་འགྱུར། །སྒྲོལ་མ་ཁྲོ་གཉེར་ཅན་དག་དང་། །དཔལ་ཆེན་མ་དང་གྲགས་ཆེན་མ། །གདུགས་དཀར་རྣམས་ཀྱི་སྔགས་རྣམས་དང་། །ཟླ་བའི་
D543.088.0248a07.01