完整藏文原文 · 德格版页 当前仅加载第 88 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་པར་འགྱུར་རོ། །འཇིག་རྟེན་གྱི་ཁམས་གཞན་དག་གི་འཁོར་ལོས་སྒྱུར་བ་སྟོང་གི་གཡོག་འཁོར་དང་ལྡན་པར་འགྱུར་རོ། །དེ་ནས་གཙུག་ཏོར་འཁོར་ལོས་སྒྱུར་བ་བསྒྲུབ་པར་འདོད་ན། གསེར་དང་། དངུལ་དང་། ཟངས་མ་དང་། ནོར་བུའི་
D543.088.0224a01.01རང་བཞིན་གྱི་དབྱུག་པ་ཁྲུ་གང་ཙམ་བྱས་ལ་ཇི་སྲིད་རབ་ཏུ་འབར་བའི་བར་དུ་བཟླས་པ་བྱས་ནས་དེ་བླང་ན་ནམ་མཁའ་ལ་འགྲོ་སྟེ། ཐམས་ཅད་ལ་ཆོས་སྟོན་པར་འགྱུར་རོ། །བསྐལ་པ་ཆེན་པོར་འཚོ་བར་འགྱུར་རོ། །ཅི་སྟེ་བུམ་པ་བཟང་པོ་བསྒྲུབ་པར་འདོད་ན། གསེར་གྱི་བུམ་
D543.088.0224a02.01པ་བཟང་པོ་བྱས་ལ་འབྲུ་ཐམས་ཅད་དང་རིན་པོ་ཆེ་དང་སྨན་གྱིས་ཡོངས་སུ་བཀང་ལ། རས་དཀར་པོས་བཅིངས་ཏེ་དེ་ལ་སྔགས་འདིས་བསྒྲུབ་པར་བྱ་སྟེ། ཆོ་འཕྲུལ་གྱི་ཟླ་ཕྱེད་གཅིག་ལ་བརྩམས་ན་གཉིས་པ་ལ་འགྲུབ་པར་འགྱུར་རོ། །དེ་ལ་ལག་པ་རབ་ཏུ་བཅུག་ན་ཅི་འདོད་
D543.088.0224a03.01པ་དེ་ཐོབ་ཅིང་མི་ཟད་པར་ཡང་འགྱུར་རོ། །ཇི་སྟེ་ནོར་བུ་རིན་པོ་ཆེ་བསྒྲུབ་པར་འདོད་ན་གསེར་གྱི་དབྱུག་པའམ། ནོར་བུ་བཟང་པོ་དང་ཤེལ་གྱི་ནོར་བུ་བྱས་ཏེ། གོས་འཕྱང་བར་བྱས་ལ་ཆོ་ག་འདི་ཉིད་ཀྱིས་བསྒྲུབས་ན་གང་བསམས་པ་དེ་ཐམས་ཅད་འགྲུབ་པར་འགྱུར་ཏེ། ལྷ་དང་མིའི་
D543.088.0224a04.01ནང་དུ་ཐོགས་པ་མེད་ཅིང་སྟོབས་དང་ཕ་རོལ་གནོན་པར་འགྱུར་རོ། །ཅི་སྟེ་བཅོམ་ལྡན་འདས་ལ་བཟླས་པ་བྱེ་བ་བྱས་ན་རང་གི་ལུས་ཀྱིས་ནམ་མཁའ་ལ་འགྲོ་བར་འགྱུར་རོ། །ལྷའི་ལུས་ཐོབ་ཅིང་བསྐལ་པ་ཆེན་པོར་འཚོ་བར་འགྱུར་རོ། །གཞན་གང་ཡང་གཙུག་ཏོར་གྱི་
D543.088.0224a05.01རྒྱལ་པོ་གདུགས་དཀར་པོ་ལ་སོགས་པ་དེ་ཡང་འདིས་བཅོམ་ལྡན་འདས་ལ་འབུམ་ཕྲག་བཅུ་བཟླས་པ་བྱས་ན་ལས་རྣམས་བྱེད་པར་འགྱུར་རོ། །དེ་ལྟར་ཐོགས་པ་མེད་པ་དེ་བཞིན་གཤེགས་པའི་གཙུག་ཏོར་གཞན་གྱི་རྟོག་པའི་ཆོ་གས་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་རིང་པོ་མི་
D543.088.0224a06.01ཐོགས་པར་འགྲུབ་པར་འགྱུར་རོ། །བཅོམ་ལྡན་འདས་གཙུག་ཏོར་འཁོར་ལོས་སྒྱུར་བའི་རྒྱལ་པོ་ལ་འབུམ་ཕྲག་བཅུ་བཟླས་ན། ཐམས་ཅད་ལ་འགྲུབ་པར་འགྱུར་བ་རིག་པ་དང་སྔགས་ཐམས་ཅད་ཀྱི་བདག་པོ་འཁོར་ལོས་སྒྱུར་བར་འགྱུར་རོ། །ཇི་སྟེ་རྡོ་རྗེ་བསྒྲུབ་པར་འདོད་ན་ཙནྡན་དམར་
D543.088.0224a07.01