完整藏文原文 · 德格版页 当前仅加载第 88 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་དང་། །མི་ཡི་འཇིག་རྟེན་གཙོ་བོ་དག །དེ་ཚེ་འགུམ་དང་རྣམ་པར་འཇིག །མཚན་མོའི་ཐུན་ནི་དང་པོ་ལ། །གལ་ཏེ་ས་ནི་འགུལ་གྱུར་ན། །སེམས་ཅན་འདྲེས་པ་སྣ་ཚོགས་དང་། །དུད་འགྲོའི་སྐྱེ་གནས་རྣམས་དང་ནི། །མི་ནི་འཇིག་རྟེན་གཙོ་
D543.088.0217a01.01རྣམས་སུ། །ཆར་ཆེན་རབ་ཏུ་འབྱུང་བར་འགྱུར། །ཅུང་ཟད་ཐུན་དེ་བྲི་གྱུར་ལ། །ས་ནི་འགུལ་བར་གྱུར་པ་ཡི། །དེ་ཚེ་རྟགས་དེ་སྣང་གྱུར་ན། །རླུང་དང་ཆར་པའི་འཇིགས་ཆེན་འབྱུང་། །དེ་ནས་ཐུན་དེ་ཟད་པའི་མཐར། །འགུལ་སྣང་ལས་ནི་མི་བཟད་པ། །ནུབ་ཕྱོགས་
D543.088.0217a02.01མི་ཡི་བདག་པོ་ཡི། །ཕ་རོལ་དམག་ཚོགས་འབྱུང་བར་ཤེས། །ཐུན་ནི་གཉིས་པ་དང་པོ་ལ། །གལ་ཏེ་ས་ནི་འགུལ་བ་བྱུང་། །གཞན་གྱི་དམག་ཚོགས་ནད་དང་འཆི། །ཁོང་པའི་ནད་ནི་མི་བཟད་འབྱུང་། །མཁྲིས་པ་བད་ཀན་ལས་གྱུར་ནད། །སྐྱེ་བོ་རྣམས་ལ་འབྱུང་བར་
D543.088.0217a03.01འགྱུར། །འབྱུང་པོ་རྣམས་ནི་སྐྱོ་འགྱུར་ཞིང་། །དེ་ཚེ་ཕྱོགས་དང་ཕྱོགས་སུ་འགྲོ། །དེ་ནས་གཉིས་པའི་ཐུན་དཀྱིལ་དུ། །ས་ནི་རབ་ཏུ་འགུལ་བྱུང་ན། །རླུང་ཆེན་འབྱུང་བར་ཤེས་བྱ་སྟེ། །ཤིང་དང་ལྷ་ཁང་འགྱེལ་བར་འགྱུར། །ཡང་ཐོག་ར་བ་རི་རྣམས་ཀྱི། །རྩེ་མོ་
D543.088.0217a04.01འཇིག་པར་ཐེ་ཚོམ་མེད། །གནས་དང་འདུག་གནས་བཟང་པོ་དང་། །ཁང་པ་དང་ནི་རྟ་བབས་དང་། །དུད་འགྲོ་རྣམས་ཀྱི་འདུག་གནས་ཀྱང་། །ས་ལ་མྱུར་དུ་ལྟུང་བར་འགྱུར། །དེ་ནས་མཚན་ཕྱེད་དུས་དག་ཏུ། །གལ་ཏེ་ས་ནི་འགུལ་བ་བྱུང་། །དེ་ཚེ་ཤར་ཕྱོགས་ཡུལ་
D543.088.0217a05.01གྱི་བདག །མི་མཆོག་གཙོ་བོ་འཆི་བའམ། །དེ་བུ་འཆི་བར་འགྱུར་བའམ། །མུ་གེ་འབྱུང་བར་རབ་ཏུ་སྟོན། །བར་མའི་ཐུན་ནི་བྲི་གྱུར་ནས། །ཐ་མར་ཉེ་ལ་འགུལ་བ་བྱུང་། །ས་རྣམས་དག་ནི་མ་ལུས་ལ། །ཞི་ཞིང་ནད་མེད་ངེས་པར་སྟོན། །དེ་ནས་མཚན་ཕྱེད་མཐར་གྱུར་
D543.088.0217a06.01ལ། །གལ་ཏེ་ས་ནི་འགུལ་བར་སྣང་། །གཤེར་ཆེན་ཡུལ་གྱི་དབུས་དག་ཏུ། །མི་ཡི་བདག་པོ་ནད་ཀྱིས་གནོན། །ཕན་ཚུན་མི་མཐུན་གྱུར་ནས་ནི། །སྡུག་བསྔལ་མི་བཟད་འཆི་བར་འགྱུར། །ཐུན་ནི་གསུམ་པར་ཕྱིན་ནས་འགུལ། །བྱིས་པ་རྣམས་ལ་བདེ་བ་འབྱུང་། །སྦྲང་
D543.088.0217a07.01