完整藏文原文 · 德格版页 当前仅加载第 88 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
རེ་ཞིག་དཀྱིལ་འཁོར་གྱི་ཕྱི་རོལ་ཧ་ཅང་ཡང་མི་ཉེ་ཧ་ཅང་ཡང་མི་རིང་བར་བྱང་ཤར་གྱི་ཕྱོགས་སུ་རྩ་བའི་སྔགས་ཀྱིས་དག་པར་བྱས་པས་བྱིན་གྱིས་བརླབ་པར་བྱའོ། །རྒྱལ་པོ་དབང་བསྐུར་བ་བཞིན་དུ་བདག་ཉིད་སེམས་པ་དང་གཅིག་ཏུ་སངས་རྒྱས་དང་ཆོས་དང་དགེ་འདུན་
D543.088.0143a01.01ལ་དད་ཅིང་དད་པ་དང་། སྤྲོ་བ་ཆེན་པོ་དང་ལྡན་པ་དང་། བྱང་ཆུབ་ཀྱི་སེམས་དང་མ་བྲལ་བ་དང་། ཐེག་པ་ཆེན་པོ་ལ་ཞུགས་པ་དང་། དཀོན་མཆོག་གསུམ་ལ་ཕན་པར་བྱེད་པ་དང་། དབང་པོ་མ་ཚང་བ་མེད་པ་དང་མ་སྨད་པ་དང་། ཚེ་འདི་ཉིད་ལ་སྔགས་གྲུབ་པར་འདོད་པ་
D543.088.0143a02.01དང་། བསམ་པ་བཟང་པོ་དང་སྔགས་ཀྱི་སྤྱོད་པ་ལ་སྤྲོ་བ་དང་། བལྟ་བར་འདོད་པའི་རང་བཞིན་ཅན་དང་སད་པར་འདོད་པའི་ཕྱིར་ཡང་སྔགས་ཀྱི་དོན་ལ་རྣམ་པར་རྟོག་པ་མེད་པ་དང་། དེར་གཏད་པའི་ཡིད་དང་གཅིག་ལ་སོགས་པ་ནས་ལྔའི་བར་དུ་དབང་བསྐུར་བར་བྱའོ། །ལྷག་
D543.088.0143a03.01མ་ནི་སྤང་བར་བྱའོ། །ཤེས་རབ་ཅན་དང་སྤྱོད་པ་ལ་རྨོངས་པ་མེད་པའི་ཁྱད་པར་དང་ལྡན་པ་ལ་དབང་བསྐུར་བར་བྱའི། གཞན་དག་ནི་མ་ཡིན་ནོ། །དེ་ནས་རྒྱལ་པོ་ཐམས་ཅད་དབང་བསྐུར་བ་བཞིན་དུ་ཡོ་བྱད་ཐམས་ཅད་བསོགས་ཏེ། སློབ་དཔོན་མཁན་པོ་མཉེས་ན། དེ་ནས་
D543.088.0143a04.01བླ་རེ་ཆེན་པོ་བྲེས་ཏེ། རྒྱལ་མཚན་དང་བ་དན་མཐོན་པོ་བསྒྲེང་ཞིང་གདུགས་དཀར་པོ་དབུ་ལ་འཛིན་པ་དང་། རྔ་ཡབ་དཀར་པོས་གཡོབ་པ་དང་། བཀུར་སྟི་ཆེན་པོས་དུང་དང་། རྔ་བོ་ཆེའི་དགའ་བའི་སྒྲ་སྒྲོགས་ཤིང་རྒྱལ་བའི་སྒྲ་དང་། བཀྲ་ཤིས་ཀྱི་ཚིགས་སུ་བཅད་པ་
D543.088.0143a05.01དང་བདེ་ལེགས་དང་རབ་ཏུ་བསྔགས་པའི་ཚིགས་སུ་བཅད་པ། རྒྱལ་བས་གསུངས་པས་མངོན་པར་བསྟོད་པ་དང་། དཀྱིལ་འཁོར་དེ་ལ་བསྐོར་བ་བྱས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས། འདི་སྐད་དུ་སློབ་དཔོན་བདག་ནི་སངས་རྒྱས་
D543.088.0143a06.01དང་བྱང་ཆུབ་སེམས་དཔའི་སྔགས་ཀྱི་སྤྱོད་པ་སྒྲུབ་པ་ལ་ཡང་དག་པར་འཇུག་པ་དང་། འཇིག་རྟེན་པ་ཐམས་ཅད་ལས་ཡང་དག་པར་འདས་པའི་གསང་བའི་རྣམ་པར་ཐར་པའི་དཀྱིལ་འཁོར་ལ་ཡང་དག་པར་འཇུག་པ་དང་། ཆོས་ཀྱི་རྒྱལ་སྲིད་ཐམས་ཅད་ཀྱི་སངས་རྒྱས་
D543.088.0143a07.01