完整藏文原文 · 德格版页 当前仅加载第 88 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་རྟོགས་པར་འདོད་པ་དང་། མདོར་ན་སངས་རྒྱས་ཉིད་དུ་འགྱུར་བར་བྱ་བའི་ཕྱིར་རོ་ཞེས་བརྗོད་པར་བྱའོ། །དེ་ནས་ཀུ་ཤའི་ཁྲེས་ལ་འདུག་སྟེ། ཤར་གྱི་ཕྱོགས་སུ་ཕྱོགས་ཏེ་དཀྱིལ་འཁོར་ལ་བལྟ་ཞིང་། དང་པོར་རེ་ཞིག་རིག་པའི་དབང་བསྐུར་བ་བྱིན་ཏེ་ཕྱག་རྒྱ་ཆེན་པོ་གཙུག་ཕུད་ལྔ་འཆིང་དུ་
D543.088.0143b01.01གཞུག་པར་བྱའོ། །དེ་ནས་རང་འདོད་པའི་སྔགས་གང་དང་གང་ལ་དགའ་བ་གྲོ་གའི་འདབ་མ་ལ་གི་ཝང་གིས་བྲི་བར་བྱ་སྟེ། བྲིས་ནས་ཀྱང་ཙནྡན་དང་གུར་གུམ་གྱི་ཆུས་ལག་པ་དང་ཁམ་ཕོར་ཁ་སྦྱར་བཀྲུས་ལ། དེ་ནས་གྲོ་གའི་འདབ་མ་དེ་ཁམ་ཕོར་ཁ་སྦྱར་བའི་ནང་དུ་གཞག་པར་བྱས་
D543.088.0143b02.01པ་དཀྱིལ་འཁོར་གྱི་ནང་དུ་བྱང་ཆུབ་སེམས་དཔའ་འཇམ་དཔལ་གྱི་ཞབས་དྲུང་དུ་གཞག་པར་བྱའོ། །དེ་ནས་ཀུ་ཤ་དེ་ལ་གནས་ནས་རིག་པའི་རྩ་བའི་སྔགས་བརྒྱ་རྩ་བརྒྱད་སྔ་མ་ཉིད་དུ་བཟླ་བར་བྱའོ། །དེ་ནས་ཀུ་ཤའི་ཁྲེས་ལ་འདུག་པ་ལ་དབང་བསྐུར་བར་བྱ་སྟེ། ཕྱི་རོལ་གྱི་དཀྱིལ་འཁོར་
D543.088.0143b03.01ལ་གང་སེམས་ཅན་ཐམས་ཅད་དང་ཐུན་མོང་དུ་གྱུར་པའི་བུམ་པ་གང་བ་སྒོ་དང་ཉེ་བར་སྔར་བཞག་པ་བླངས་ཏེ། སློབ་དཔོན་གྱིས་རྩ་བའི་སྔགས་བརྗོད་པས་སྤྱི་བོ་ནས་དབང་བསྐུར་བར་བྱའོ། །གཞན་དག་ལ་ནི་ཅི་ལྟར་འདོད་པའི་ཆུས་སོ། །དེ་ནས་ཁམ་ཕོར་ཁ་སྦྱར་དེ་དེ་ལ་སྦྱིན་པར་བྱ་སྟེ་མར་
D543.088.0143b04.01མེ་ལ་ཀློག་ཏུ་གཞུག་པར་བྱའོ། །གལ་ཏེ་དེ་ཉིད་ཡིན་ན་ནི་རིམ་གྱིས་འབད་པས་འགྲུབ་པར་འགྱུར་རོ། །ཡང་ན་ཅི་སྟེ་གཞན་ན་ནི་སྔགས་བཟླས་པ་ཁོ་ནས་འགྲུབ་པར་འགྱུར་རོ། །ཡང་ན་ཡི་གེའི་ཡན་ལག་ཉམས་པའམ། ལྷག་པ་བྱིན་ནི་དང་པོ་སྒྲུབ་པ་ཁོ་ན་ལ་འགྲུབ་པར་ཐེ་ཚོམ་མེད་
D543.088.0143b05.01དོ། །དེ་ལྟར་སློབ་དཔོན་གྱིས་སྔར་བྲིས་པའི་སྒྲུབ་པ་གསུམ་གྱིས་ངེས་པར་འགྲུབ་པར་ཐེ་ཚོམ་མེད་དོ། །དེ་བཞིན་དུ་དང་པོས་ནི་རིག་པའི་དབང་བསྐུར་བ་སྦྱིན་པར་བྱའོ། །དཀྱིལ་འཁོར་གཉིས་པ་ལ་དབང་བསྐུར་བ་ནི་གཉིས་པའི་དཀྱིལ་འཁོར་དུ་ལྷ་ཐམས་ཅད་ལ་བསྟབས་པའི་སྔར་གྱི་བུམ་པ་
D543.088.0143b06.01དེས་དབང་བསྐུར་བར་བྱའོ། །སྤྱི་བོ་ལ་སྔར་གྱི་ཆོ་ག་ཅི་ལྟ་བ་དེ་ཉིད་ཀྱིས་བྱས་ན་སྡིག་པའི་རྙོག་པ་ཐམས་ཅད་ལས་གྲོལ་བར་འགྱུར་ཏེ། སངས་རྒྱས་བཅོམ་ལྡན་འདས་ཐམས་ཅད་ཀྱིས་གནང་ཞིང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་འཇིག་རྟེན་དང་འཇིག་རྟེན་
D543.088.0143b07.01