完整藏文原文 · 德格版页 当前仅加载第 88 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བརྗོད་པ་ཡིན། །རྒྱལ་སྒྲ་རྔ་ནི་པ་ཊ་ཧ། །རྔ་བོ་ཆེ་ཡི་སྒྲ་དག་ནི། །བརྩོན་བྱས་གྲུབ་པ་མ་ལུས་འགྱུར། །སྦྱིན་སྲེག་ལས་ལ་ཡང་དག་བསྟེན། །གཞན་ཡང་ལ་ཉེ་བཟང་པོ་དང་། །འདབ་ཆགས་དགེ་བའི་སྒྲ་དག་དང་། །རྣམ་པ་སྣ་ཚོགས་ངེས་པའི་སྒྲ། །རྒྱལ་
D543.088.0189a01.01བ་རྣམས་ཀྱིས་བསྔགས་པ་དང་། །བཀྲ་ཤིས་བཟང་པོ་རབ་བསྔགས་དང་། །རྣམ་པ་སྣ་ཚོགས་ཡིད་འོང་སྒྲ། །གདུགས་དང་རྒྱལ་མཚན་བ་དན་དང་། །བུད་མེད་རྒྱན་གྱིས་བརྒྱན་པ་དང་། །དེ་བཞིན་མཆོད་ཡོན་བུམ་པ་གང་། །མཐོང་ན་འགྲུབ་པའི་རྒྱུ་རྣམས་ཡིན། །རྣམ་པ་དུ་མའི་
D543.088.0189a02.01ཁ་དོག་གམ། །འཇིག་རྟེན་གྱིས་མཆོད་རབ་བསྔགས་པ། །དེ་དག་མཐོང་ན་འགྲུབ་འགྱུར་བ། །སྔགས་རྣམས་དུ་མའི་སྤྱོད་ཡུལ་ཡིན། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། འཕགས་པ་འཇམ་དཔལ་གྱི་རྩ་བའི་ཆོ་ག་བཅུ་
D543.088.0189a03.01གསུམ་པ་སྟེ། སྦྱིན་སྲེག་གི་ཆོ་ག་རབ་འབྱམ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་གཞན་ཡང་གནས་གཙང་མའི་གཞལ་མེད་ཁང་ལ་གཟིགས་ཏེ། འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ཁྱོད་ཀྱི་གསང་བའི་རིག་པ་ཡོད་དེ།
D543.088.0189a04.01སྔགས་ཐམས་ཅད་ཀྱི་སྒྲུབ་པ་པོའི་ཐབས། དེ་བཞིན་གཤེགས་པ་རྣམས་ཀྱིས་ཡང་དག་པར་རྗེས་སུ་གནང་བ། ཆོས་ཀྱི་མཛོད་ལས་བྱུང་བ། ཆོས་ཀྱི་སྤྲིན་གྱི་རྗེས་སུ་ཞུགས་པ། ནམ་མཁའི་ངོ་བོ་ཉིད་འཇིག་རྟེན་དང་འཇིག་རྟེན་ལས་འདས་པའི་སྔགས་ཐམས་ཅད་ཀྱི་མངའ་བདག་ཤིན་
D543.088.0189a05.01ཏུ་གཙོ་བོར་གྱུར་པ། གཞོན་ནུ་ཇི་ལྟར་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་མཆོག་ཏུ་བརྗོད་དེ། ཤིན་ཏུ་གཙོ་བོར་གྱུར་ཅིང་དམ་པ་ཡིན་ལ། ལྷ་དང་མི་རྣམས་ཀྱི་སྐྱེས་བུ་ཁྱུ་མཆོག་སངས་རྒྱས་བཅོམ་ལྡན་འདས་ཡིན་ནོ། །གཞོན་ནུ་དེ་བཞིན་དུ་རིག་པའི་རྒྱལ་
D543.088.0189a06.01པོ་འདི་ནི་སྔགས་ཐམས་ཅད་ཀྱི་མཆོག་ཏུ་བསྟན་ཅིང་ཤིན་ཏུ་གཙོ་བོ་ཡིན་ཏེ། དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་བརྗོད་དུ་མེད་པ་དག་གིས་སྔོན་གསུངས་སོ། །དེ་བཞིན་གཤེགས་པ་རིན་ཆེན་ཏོག་གི་སྙིང་པོ་མཆོག་ཏུ་གསང་
D543.088.0189a07.01