完整藏文原文 · 德格版页 当前仅加载第 88 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས། །ཟུང་བཞི་དག་ཏུ་གྱུར་པ་ནི། །རྫོགས་སངས་རྐང་གཉིས་དམ་པ་ཡིས། །དེ་ཉིད་དགེ་འདུན་ཞེས་ཀྱང་གསུངས། །དེ་ཉིད་འཕགས་པའི་དགེ་འདུན་རྒྱར། །སྲིད་པའི་གནས་འདིར་གསུངས་པ་ཡིན། །ཕྱག་རྒྱ་འདི་ནི་རབ་མཆོག་སྟེ། །ཕྱག་རྒྱ་མ་ལུས་
D543.088.0274a01.01རབ་ཏུ་སྒྲུབ། །ལག་གཉིས་དེ་བཞིན་ཁ་སྦྱར་ཏེ། །ཐལ་མོ་སྦྱར་བའི་རྣམ་པར་གནས། །མཛུབ་མོ་གཅིག་ནི་རབ་བརྐྱང་བ། །ལག་པ་གཡས་པ་ཡང་དག་བརྐྱང་། །དེ་འདི་འབྱུང་པོ་ཞི་བྱེད་པར། །དེ་ཉིད་གཟིགས་པ་རྣམས་ཀྱིས་བསྟན། །ཕྱག་རྒྱ་འདི་ནི་མཆོག་ཅེས་བྱ། །
D543.088.0274a02.01ལས་རྣམས་ཀུན་གྱི་དོན་སྒྲུབ་བྱེད། །ལག་གཉིས་དེ་བཞིན་སྦྱར་ནས་ནི། །སོར་རྩེ་རིམ་བཞིན་མཚན་པ་ཡི། །བསྡུས་ནས་ཁ་སྦྱར་དག་ཏུ་བྱ། །མཐེ་བོ་གཉིས་ནི་བསྒྲེང་ནས་བསྐུམ། །དེ་འདི་པདྨའི་ཕྲེང་བ་ཞེས། །དང་པོའི་སངས་རྒྱས་དག་གིས་གསུངས། །ལག་པ་དག་ནི་
D543.088.0274a03.01དེ་གཉིས་ཀྱིས། །སོར་མོ་ཀུན་ནས་བཀན་ལ་བརྐྱང་། །སོར་མོ་གསུམ་གཉིས་བསྒྲེང་ནས་ནི། །མེ་ཏོག་ཁ་བྱེའི་རྣམ་པར་བྱ། །གཉིས་པའི་ཚིགས་ལ་བཞག་པ་ནི། །མཐེ་བོ་དང་ནི་མཛུབ་མོ་གཉིས། །དེ་འདིར་སྲིད་པ་གསུམ་གནས་ཀྱི། །ཕྱག་རྒྱར་རྫོགས་སངས་རྒྱས་ཀྱིས་
D543.088.0274a04.01གསུངས། །ཕྱག་རྒྱ་འདི་ནི་ཕྱག་རྒྱ་ཆེ། །ལས་ཀུན་བྱེད་ཀྱི་ཕྱག་རྒྱ་བརྒྱད། །མཐུ་མཉམ་བརྩོན་འགྲུས་ཆེན་པོར་ནི། །རྫོགས་སངས་རྒྱས་ཀྱིས་ཡང་དག་གསུངས། །མུཥྚི་གཏམས་ཕྲག་བྱེ་བ་ནི། །སྟོང་ཕྲག་བརྒྱད་ཅུ་ཡང་དག་འབྱུང་། །ཐུབ་མཆོག་གྲངས་མེད་འདས་པ་
D543.088.0274a05.01ཡིས། །ཕྱག་རྒྱ་འདི་དག་རབ་ཏུ་གསུངས། །ཕྱག་རྒྱ་ཆོ་ག་ཡང་དག་འབྱུང་། །རྩ་བརྒྱད་བརྒྱ་ནི་རབ་ཏུ་གསུངས། །འདི་དག་ཀུན་གྱི་སྔགས་ཀུན་དང་། །ལས་རྣམས་དག་ཀྱང་གྲུབ་པ་ཡིན། །སངས་རྒྱས་རྫུ་འཕྲུལ་ཆེ་ཀུན་གྱི། །ཕྱག་རྒྱ་འདི་ནི་བཞེད་ཅིང་གསུངས། །
D543.088.0274a06.01ཆོ་ག་འདི་དག་སྦྱར་བ་ཡིས། །དོན་རྣམས་མྱུར་དུ་སྒྲུབ་པར་བྱེད། །ཤཱཀྱ་སེང་གེ་མི་ཡི་མཆོག །ཐུབ་པ་མཆོག་གིས་དེ་གསུངས་ནས། །བྱང་ཆུབ་སེམས་དཔའ་རྫུ་འཕྲུལ་ཆེ། །འཇམ་པའི་དབྱངས་ལ་དེ་བཞིན་གསུངས། །འཇམ་དཔལ་གྱི་ནི་ཆོ་ག་འདི། །ཕྱག་རྒྱ་དག་ནི་ཡང་
D543.088.0274a07.01