完整藏文原文 · 德格版页 当前仅加载第 88 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཁར་བཅུག་ན་ཁྲོས་པ་ཡང་ཚིག་གིས་དགའ་བར་འགྱུར་རོ། །གཙུག་པུད་ལ་འདི་ཉིད་ཀྱི་སྔགས་ཀྱིས་བཅིངས་ན་མི་སྣང་བར་འགྱུར་རོ། །ཡིད་ལ་རྗེས་སུ་དྲན་ན་དགྲས་མཐོང་ན་ཡང་ཁྲོ་བ་མེད་པར་འགྱུར་རོ། །རྟག་ཏུ་བཟླས་པ་བྱས་ན་སྐྱེ་བོ་ཐམས་
D543.088.0241a01.01ཅད་དགའ་བར་འགྱུར་རོ། །ཐོ་རངས་ཆེན་པོ་ནས་ལངས་ནས་གཙང་བའི་ཕྱོགས་སུ་སྣ་མའི་མེ་ཏོག་དང་ལྡན་པར་ཆུ་ལ་སྦྱིན་པ་བྱས་ན་ཚིག་བཙུན་པར་འགྱུར་བའི་བློན་པོར་འགྱུར་རོ། །འཇིགས་པ་ཡང་དག་པར་བྱུང་བར་གྱུར་ན་ཡིད་ལ་བྱས་པས་འཇིགས་པ་མེད་པར་འགྱུར་
D543.088.0241a02.01རོ། །ཕ་རོལ་ཁྲོས་པར་གྱུར་པ་ལ་ཡང་བྱམས་པ་བསྒོམས་ནས་རྗེས་སུ་དྲན་ཞིང་གདོང་ལ་རྣམ་པར་བལྟས་ན་ཁྲོ་བ་མེད་པར་འགྱུར་རོ། །དྲི་ཞིམ་པོའི་མེ་ཏོག་གིས་སྦྱིན་སྲེག་བྱས་ན་གང་གི་ཆེད་དུ་བྱས་པ་དེ་དབང་དུ་འགྱུར་རོ། །ཐོ་རངས་ལན་བདུན་ཆུ་ལ་བསྔགས་ཏེ་
D543.088.0241a03.01འཐུངས་ན་ངེས་པར་མྱོང་བར་འགྱུར་བའི་ལས་ཀྱང་ཟད་པར་འགྱུར་རོ། །ལན་བདུན་བསྔགས་པའི་ཆུས་གདོང་རབ་ཏུ་བཀྲུས་ན་སྐྱེ་བོ་ཐམས་ཅད་དགའ་བར་འགྱུར་རོ། །མེ་ཏོག་ལ་ལན་བདུན་བསྔགས་པས་གཞན་ལ་བྱིན་ན་དེ་དབང་དུ་འགྱུར་རོ། །འབྲས་ཐུག་པོ་ཆེས་
D543.088.0241a04.01སྦྱིན་སྲེག་འབུམ་ཕྲག་གཅིག་བྱས་ན་སློབ་དཔོན་ཉིད་དུ་འགྱུར་རོ། །ཏིལ་གྱི་སྦྱིན་སྲེག་གིས་ནི་ཡུལ་གྱི་བདག་པོར་འགྱུར་རོ། །པདྨའི་སྦྱིན་སྲེག་སྟོང་བྱས་ན་ཏི་ན་ར་སྟོང་ཐོབ་པར་འགྱུར་རོ། །གུ་གུལ་དང་སྲ་རྩི་པོག་དང་གན་ད་ར་ས་དང་ག་པུར་རྣམས་དཔའ་བོའི་ཉོ་ཚོང་གིས་
D543.088.0241a05.01ཉོས་ནས་གཅིག་ཏུ་བྱས་ལ། སྦྱིན་སྲེག་བྱས་ཏེ་ཚེས་ལྔ་ལྔ་ཞིང་ཟླ་བ་དྲུག་ཡོངས་སུ་ཚང་བར་བྱས་ན་སྟོང་འགྱུར་ཐོབ་པར་འགྱུར་རོ། །དྲི་ཐམས་ཅད་པའི་གཟུགས་བརྙན་བྱས་ཏེ་མཚོན་རྣོན་པོ་སོ་གཅིག་པས་སྐྱེས་པ་ཡི་ནི་རྐང་པ་གཡས་པ་བུད་མེད་ཀྱི་ནི་རྐང་པ་གཡོན་པ་བཅད་
D543.088.0241a06.01ཅིང་སྦྱིན་སྲེག་བྱས་ན་གང་འདོད་པ་དེ་དབང་དུ་འགྱུར་རོ། །ཞག་བདུན་ལ་དུས་གསུམ་དུ་དར་དུ་ར་ཀའི་མེ་ཏོག་གིས་སྦྱིན་སྲེག་བྱས་ན་བ་རྣམས་ཐོབ་པར་འགྱུར་རོ། །ཨརྐའི་མེ་ཏོག་གིས་བྱས་ན་འབྲུ་རྣམས་ཐོབ་པར་འགྱུར་རོ། །ཤྲི་ཤའི་མེ་ཏོག་གིས་བྱས་ན་རྟ་རྣམས་ཐོབ་པར་འགྱུར་རོ། །
D543.088.0241a07.01