完整藏文原文 · 德格版页 当前仅加载第 88 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་ཆེན་པོ་རྒྱས་པ་གྲུབ་པ་དང་། དུས་དང་། ཡུལ་དང་། ངེས་པར་སྡོམ་པ་དང་། སྔགས་དང་། སྤྱོད་པ་དང་། །སྦྱིན་སྲེག་དང་། བཟླས་པ་ངེས་པར་སྡོམ་པ་དང་། ཆོ་ག་རབ་འབྱམ་དག་ལ་མ་དད་པར་འགྱུར། ཡིད་ལ་མི་བྱེད་
D543.088.0350a01.01པར་འགྱུར་ཏེ། སངས་རྒྱས་ཀྱི་བཀའ་མ་ཡིན་ནོ། །ཞེས་བྱས་ནས་སྤོང་བར་འགྱུར་ཏེ། དེ་དག་ཉོན་མོངས་པའི་སེམས་སུ་གྱུར་ནས་དུས་བྱེད་པར་འགྱུར་ཞིང་། སྡུག་བསྔལ་དྲག་ཅིང་ཚ་བའི་ཚོར་བ་མྱོང་ཞིང་དེ་དག་དམྱལ་བ་ཆེན་པོར་སྐྱེ་བར་འགྱུར་རོ། །
D543.088.0350a02.01བཅོམ་ལྡན་འདས་སྡུག་བསྔལ་བའི་སེམས་ཅན་དེ་དག་ལ་ཇི་ལྟར་བསྒྲུབ་པར་བྱ། སངས་རྒྱས་བཅོམ་ལྡན་འདས་ནི་ཐུགས་རྗེ་ཆེན་པོ་དང་ལྡན་པ་ལགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་སྤྱི་བོར་བྱུགས་ནས་བཀའ་སྩལ་པ། །
D543.088.0350a03.01འཇམ་དཔལ་ཁྱོད་སེམས་ཅན་ཐམས་ཅད་ཀྱི་དོན་གྱི་ཕྱིར་རབ་ཏུ་ཞུགས་པ་ཁྱོད་ཡང་ལེགས་སོ་ལེགས་སོ། །འཇམ་དཔལ་གཞོན་ནུར་གྱུར་པ་ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་ཞུ་བར་སེམས་པ་དེ་ཁྱོད་ཡང་ལེགས་སོ། །འཇམ་དཔལ་གཞོན་
D543.088.0350a04.01ནུར་གྱུར་པ་དེའི་ཕྱིར་ལེགས་པར་ཤིན་ཏུ་རབ་ཏུ་ཉོན་ལ་ཡིད་ལ་ཟུང་ཤིག་དང་། སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བའི་ཕྱིར་ཞུགས་པ་དང་། ལྷ་དང་། མི་རྣམས་དང་། འཇིག་རྟེན་ལ་རབ་ཏུ་བརྩེ་བའི་ཕྱིར་ངས་ཁྱོད་ལ་
D543.088.0350a05.01བཤད་དོ། །སྤྱོད་པ་ཐམས་ཅད་ལ་ཞུགས་པ་དང་། བྱང་ཆུབ་ཀྱི་ལམ་དང་། ཐམས་ཅད་ཤེས་པ་དང་། ཆོས་ཀྱི་དབྱིངས་ལ་འཇུག་པ་དང་། འཕགས་པ་འཇམ་དཔལ་གྱི་སྐུ་ལ་གནས་པར་འདོད་པ་རྣམས་ཀྱིས་རིག་པའི་རྒྱལ་པོ་མཆོག་ཏུ་གསང་
D543.088.0350a06.01བ། གཞོན་ནུ་ཁྱོད་ཀྱི་རྩ་བའི་ཆོ་གའི་ལེའུ་རབ་འབྱམ་འཆི་བའི་དུས་ཀྱི་ཚེ་ཡང་འདི་དྲན་པར་བྱའོ། །དེ་གང་ཞེ་ན། ན་མ་སྟྲཻ་ཡ་དྷྭ་ཏ་ཐཱ་ག་ཏེ་བྷྱཿ། ཨར་ཧད་བྷྱཿ། སམྱཀྶཾ་བུདྡྷེ་བྷྱཿ། ཨོྃ་ཀུ་མཱ་ར་རཱུ་པི་ཎེ། བི་ཤྭ་སཾ་བྷ་བ། ཨཱ་གཙྪ། ཨཱ་གཙྪ། ལ་ཧུ་ལ་ཧུ།
D543.088.0350a07.01