完整藏文原文 · 德格版页 当前仅加载第 88 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕན་པའི་ཕྱིར་གསུངས་ཤིང་དུས་ཀྱི་མཐའ་འཇིགས་པ་ཆེན་པོའི་དུས་ལ་བབ་པ་ན། དཀོན་མཆོག་གསུམ་ལ་གནོད་པ་བྱེད་པའི་སེམས་ཅན་རྣམས་ཀྱང་བཟློག་པའི་དོན་དང་གདུལ་བའི་དོན་གྱི་ཕྱིར་ཆོ་གའི་རྒྱལ་པོ་འདི་ངས་གསུངས་ལ་རྒྱ་ཆེར་རྣམ་པར་དབྱེ་བ་བྱས་ན་སེམས་ཅན་ཐམས་ཅད་
D543.088.0287a01.01ཀྱི་དོན་གྱི་ཕྱིར་ཡིན་ནོ། །འཕགས་པ་འཇམ་དཔལ་གྱི་རྩ་བའི་ཆོ་ག་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། སྔགས་དང་ཕྱག་རྒྱ་དང་ངེས་པར་སྡོམ་པ་དང་ལས་དང་ཆོ་གའི་ལེའུ་རབ་འབྱམ་ལས། སུམ་ཅུ་རྩ་གཅིག་པ་རྫོགས་སོ།། །།དེ་ནས་
D543.088.0287a02.01བཅོམ་ལྡན་འདས་ཤཱཀྱ་ཐུབ་པས་གཞན་ཡང་ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ལ་གཟིགས་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་མདོར་ན་ཉོན་ཅིག་ཕྱག་རྒྱའི་མཚན་ཉིད་དང་སྔགས་རྣམས་ཀྱི་རྒྱ་ཆེ་བ་དང་དཀྱིལ་འཁོར་གྱི་ཆོ་གའི་མདོར་བསྡུས་པ་
D543.088.0287a03.01དང་དམ་ཚིག་ལ་རྗེས་སུ་འཇུག་ཅིང་ཕྱག་རྒྱའི་གནས་དང་སྔགས་ཐམས་ཅད་དང་རྒྱུད་དེ་དག་ཐམས་ཅད་ལ་གསང་བ་དང་བཅས་པའི་དཀྱིལ་འཁོར་ནི། རྫུ་འཕྲུལ་ཆེ་ཀུན་སངས་རྒྱས་ཀྱིས། །འདི་ཀུན་སྔར་ནི་གསུངས་པ་ཡིན། །སྔགས་ཤེས་བདག་ཉིད་ཆེན་པོ་དང་། །ཡོན་ཏན་ཀུན་ཀྱང་བསྟན་པ་
D543.088.0287a04.01ཡིན། །དང་པོའི་སངས་རྒྱས་དག་གིས་སྔར། །སེམས་ཅན་རྣམས་ལ་ཕན་པའི་ཕྱིར། །སྔགས་ཀྱི་འཁོར་ལོ་དག་དང་ནི། །ཆོས་ཀྱི་འཁོར་ལོ་བླ་མེད་བསྐོར། །ཡང་དག་མཐའ་ལ་བརྟེན་ནས་ནི། །ཞི་བའི་འཁོར་ལོའི་རྗེས་སུ་སོང་། །འཇིག་རྟེན་སངས་རྒྱས་རྫུ་འཕྲུལ་ཆེ། །སངས་རྒྱས་དེ་ཀུན་ཞི་བར་
D543.088.0287a05.01གཤེགས། །དང་པོའི་དེ་བཞིན་གཤེགས་རྣམས་ཀྱིས། །འདི་ཀུན་སྔོན་ནི་བསྟན་པ་ཡིན། །ངས་ཀྱང་ཕྱི་མའི་དུས་དག་ཏུ། །འཇམ་པའི་བློ་ལྡན་ཁྱོད་ལ་བསྟན། །སངས་རྒྱས་འོད་ཅན་དེ་ཡི་བཀའ། །དེ་ཚེ་འདི་ནི་ཐོས་ནས་ཀྱང་། །འཇམ་པའི་དབྱངས་ནི་གཞོན་ནུ་ཡང་། །ཐལ་མོ་སྦྱར་བྱས་སྤྱན་སྔར་
D543.088.0287a06.01འདུག །རྐང་གཉིས་རྫོགས་སངས་རྒྱས་པ་ལ། །སྨྲ་བའི་མཆོག་གིས་ཡོངས་སུ་ཞུས། །འཇིག་རྟེན་རྣམས་ལ་ཕན་པའི་ཕྱིར། །ཤེས་རབ་ཆེན་པོ་ཆོས་གསུངས་ཤིག །མདོར་བསྡུས་རྒྱ་ནི་མི་ཆེ་བར། །ཡོན་ཏན་བདག་ཉིད་ཆེ་འབྲས་འབྱུང་། །འཇམ་དཔལ་གྱིས་ནི་དེ་སྐད་གསོལ། །དེ་ནས་ཅང་
D543.088.0287a07.01