完整藏文原文 · 德格版页 当前仅加载第 88 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་གཙང་སྦྲ་ཡང་། །ཐུབ་པས་སྔར་ནི་བསྟན་པ་ཡིན། །སྔགས་ཟློས་པ་ཡི་གཙང་སྦྲ་ནི། །འདིར་ནི་མདོར་བསྡུས་བསྟན་པ་ཡིན། །དྲི་མ་བྲལ་བའི་གཙང་སྦྲ་ཡི། །གཙང་སྦྲ་ཉིད་ནི་རྟག་ཏུ་བྱ། །རྒྱུད་རྣམས་ཀུན་ལ་སྣང་བ་ཞེས། །ཐུབ་པའི་དབང་
D543.088.0182a01.01པོས་གསུངས་པ་ཡིན། །དེ་ནས་ཟློས་པས་ཉེ་རེག་བྱ། །སྡོམ་ཅན་གྱིས་གྲུབ་ལས་ཀྱང་བྱ། །སྔར་བསྟན་པ་ཡི་ཆོ་ག་ཡིས། །ཡིད་ནི་ནང་གི་དག་པ་ཡིན། །རྒྱུད་རྣམས་ཀུན་ལ་བསྔགས་པ་ཡི། །གཙང་སྦྲ་ལྔ་ཡི་ཆོ་ག་གསུངས། །ལུས་ཀྱི་དག་དང་ངག་དག་དང་། །
D543.088.0182a02.01ཡིད་ཀྱི་དག་པ་ཡིན་པར་བསྟན། །བཞི་པ་བདེན་པའི་དག་པ་སྟེ། །ཆུ་ཡི་དག་པ་ལྔ་པར་བཤད། །བདེན་པའི་ཆོས་ཅན་ཁྲོ་བ་ཐུལ། །དེ་ཉིད་ཤེས་ཤིང་བསྟན་བཅོས་མཐོང་། །ཕྲ་བའི་དེ་ཉིད་དོན་ལ་མཁས། །སྔགས་ཤེས་ལས་ལ་གྲགས་པ་དང་། །ཕྱི་དང་ནང་ལ་
D543.088.0182a03.01མཁས་པ་དག །དེ་ལ་དངོས་གྲུབ་རྙེད་མི་དཀའ། །བདེན་པའི་ཆོས་ནི་རྣམ་སྤངས་པའི། །རྫུན་གྱི་ཚིག་ནི་སྨྲ་མི་བྱ། །དེ་ཉིད་ཐམས་ཅད་རྣམ་སྤངས་པའི། །མ་རུངས་རབ་ཏུ་མ་རུངས་དང་། །རྣམ་པར་སྡང་དང་འཁྲུག་བཅས་དང་། །རྩུབ་དང་གནད་རྣམས་སྨྲ་བ་
D543.088.0182a04.01དང་། །བདེན་པའི་ཆོས་ནི་རྣམ་ཉམས་པ། །སེམས་ཅན་གཞན་ལ་གནོད་བྱེད་པ། །ཕྲ་མ་ཉོན་མོངས་ཅན་སེམས་དང་། །ཆོས་ཀུན་རྣམ་པར་སྤངས་པ་དང་། །རྟག་ཏུ་འཚེ་བའི་བདག་ཉིད་དང་། །ཁྲིམས་འཆལ་ཆོས་མིན་སྤྱོད་པ་དང་། །ཟློས་པའི་སྔགས་པས་རྟག་
D543.088.0182a05.01ཏུ་སྤང་། །གྲོང་གི་ཆོས་ཀྱང་དེ་བཞིན་ནོ། །ཁྲོ་བ་ལོག་པར་འབྱུང་བ་ཡི། །འཇིག་རྟེན་ཕ་རོལ་འཇིགས་རྣམས་ལ། །སངས་རྒྱས་བྱང་ཆུབ་སེམས་དཔའ་དང་། །བློ་ལྡན་རྣམས་ཀྱིས་ཡོངས་སུ་སྨད། །རྟག་ཏུ་རང་རྒྱལ་བསེ་རུ་དང་། །ཉན་ཐོས་ཀྱིས་ཀྱང་རྟག་ཏུ་སྨད། །
D543.088.0182a06.01{བརྫུན་,རྫུན་}པ་དེ་བཞིན་འཇིག་རྟེན་ན། །ས་སྟེང་གྲུབ་པ་འདོད་རྣམས་ལའོ། །{བརྫུན་,རྫུན་}པ་ཉེ་བར་སྨྲ་བ་དག །ཤིན་ཏུ་མི་བཟད་དམྱལ་བར་འགྲོ། །དེ་བཞིན་དུད་འགྲོ་{ཡི་དགས་,ཡི་དྭགས་}དང་། །གཤིན་རྗེའི་འཇིག་རྟེན་རྟག་ཏུ་འགྲོ། །{བརྫུན་,རྫུན་}ནི་ཉེ་བར་སྨྲ་བ་ཡིས། །དེར་ནི་རྟག་ཏུ་གནས་པ་ཡིན། །
D543.088.0182a07.01