完整藏文原文 · 德格版页 当前仅加载第 88 函德格 324a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་། །ཁྲོ་བོ་ཧ་ལ་ཧ་ལ་བསྒྲུབས། །རྒྱལ་པོ་དེ་ལས་གཞན་པ་ཡང་། །ཟླ་བ་སྦས་ཞེས་བྱ་བ་འབྱུང་། །གནོད་སྦྱིན་ཆུ་དབང་གྲུབ་པ་སྟེ། །རྒྱལ་སྲིད་གནོད་པ་མེད་པར་བྱེད། །ལོངས་སྤྱོད་ཆེ་ཞིང་བདེན་པར་སྨྲ། །ཆོས་ཀྱི་བདག་ཉིད་ས་ཡི་བདག །མི་དགེའི་
D543.088.0324a01.01བཤེས་གཉེན་རབ་བརྟེན་ནས། །སྲོག་ཆགས་མང་པོ་གསོད་པར་བྱེད། །ལས་ཀྱི་རྣམ་སྨིན་དེ་ཡིས་ནི། །འབྲུམ་བུའི་ནད་འབྱུང་རབ་ཏུ་བརྒྱལ། །དེ་ནི་མཚན་ཕྱེད་སད་ནས་ནི། །རྒྱལ་སྲིད་ལ་ནི་བུ་བཞག་པ། །སྙིང་པོ་ཐིག་ལེ་ཞེས་བྱ་བ། །བློན་པོ་ལ་སྡང་བྱིས་པ་དེ། །དེ་ནས་
D543.088.0324a02.01ཟླ་བ་སྦས་པ་དེ། །ཤི་འཕོས་ས་སྟེང་དུས་ལས་འདས། །མི་ཡི་འགྲོ་བ་སྤངས་པ་ཡི། །དེ་ཚེ་{ཡི་དགས་,ཡི་དྭགས་}འཇིག་རྟེན་སོང་། །འགྲོ་བ་ལས་གྲོལ་སྔགས་གོམས་པས། །དེ་ནས་ལྷ་ཡི་གནས་སུ་སོང་། །དགེ་བའི་སེམས་ཀྱིས་དམིགས་ནས་ནི། །སྔགས་ཀྱི་རྒྱུས་ནི་ཡང་དག་བསྐྱེད། །
D543.088.0324a03.01རྒྱལ་པོ་དེས་ནི་མཐར་གྱིས་ཀྱང་། །ཉན་ཐོས་ཀྱི་ནི་བྱང་ཆུབ་འགྲོ། །སྙིང་པོ་ཐིག་ལེ་རྒྱལ་པོ་ཡིས། །བྱིས་པ་མི་གསལ་བློ་ཡིས་ནི། །བྱེ་མ་ལས་བྱས་སྲིད་གཞན་དུ། །སྔོན་ནི་མཆོད་རྟེན་དག་ཀྱང་བྱས། །དེ་ཡི་རྣམ་སྨིན་མཐུ་ཡིས་ནི། །མ་སྨད་ལྷ་ཡི་གནས་སུ་སོང་། །
D543.088.0324a04.01སྐྱེ་བ་སྟོང་ཕྲག་ལྔ་བརྒྱར་ནི། །ལྷ་ཡི་ནང་དུ་བདེ་བ་མྱོང་། །མཐོ་རིས་འཇིག་རྟེན་ཤི་འཕོས་ནས། །མི་ཡི་ནང་དུ་རབ་སྐྱེས་པ། །བློ་ལྡན་ཟླ་བ་སྦས་པ་ཡི། །རྒྱལ་པོ་དགའ་བའི་རིགས་སུ་སྐྱེས། །བྱིས་པ་ཉིད་ནས་རྒྱལ་པོར་འགྱུར། །ཡུན་མི་ཐུང་བར་བདེ་བ་མྱོང་། འཇིགས་
D543.088.0324a05.01མེད་བསྟན་དང་ཡང་དག་རིག །སྤྱི་བརྩན་པ་དང་སྙན་པར་སྨྲ། །དེ་ཉིད་རང་དབང་རྒྱལ་སྲིད་ནི། །ལོ་ནི་བདུན་ཅུར་ཡོངས་སུ་བྱས། །སྐྲ་ཅན་ཞེས་བྱའི་སྔགས་དག་ཀྱང་། །རྒྱལ་པོ་དེ་ལ་རབ་ཏུ་གྲུབ། །ཁྱོད་ཉིད་ཀྱི་ནི་སྔགས་ཉིད་ཀྱང་། །དེ་ཚེ་གྲུབ་པར་བྱེད་པར་འགྱུར། །
D543.088.0324a06.01ཁྱོད་ཉིད་ཀྱིས་བཤད་སྔགས་དག་ཀྱང་། །དེ་ཡི་ཚེ་ན་གྲུབ་པར་འགྱུར། །བྱིས་པའི་ཚུལ་ཅན་སྣ་ཚོགས་གཟུགས། །བྱིས་པ་རྣམས་ལ་མཐུ་དང་ལྡན། །སྔགས་ཀྱི་གཟུགས་ཀྱིས་ལུས་ཅན་ལ། །ཐེ་ཚོམ་མེད་པར་འབྱུང་བར་འགྱུར། །སེམས་ཅན་རྣམས་ལ་ཕན་འདོད་
D543.088.0324a07.01