完整藏文原文 · 德格版页 当前仅加载第 88 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་གི་བར་དུ་བཟླས་ཏེ། དེ་ནས་ཟླ་བ་ཉ་བ་ལ་སྣ་མའི་མེ་ཏོག་གིས་མཆོད་པ་ཆེན་པོ་བྱས་ལ། མར་གྱི་མར་མེ་དང་ལྷ་བཤོས་ཀྱང་ཕུལ་ནས་ཀུ་ཤའི་ཁྲེས་ལ་ཉེ་བར་འདུག་ནས། ཇི་སྲིད་དུ་རྣམ་ཐོས་སྲས་ཀྱི་བུ་མོ་རང་གི་གཟུགས་ཉིད་ཀྱིས་གཞོན་ནུ་མ་ལྔ་བརྒྱས་
D543.088.0302b01.01ཡོངས་སུ་བསྐོར་བ་འོང་ཞིང་ཕྱོགས་དེ་ཐམས་ཅད་སྣང་བར་བྱས་ནས། རང་གི་གཟུགས་ཀྱི་ནམ་མཁའ་ལ་འདུག་པར་འགྱུར་ཞིང་། དེ་ཡང་འདི་སྐད་དུ་བདག་གིས་ཅི་ཞིག་བྱ་ཞེས་སྨྲས་པ་དང་། དེ་ནས་སྒྲུབ་པ་པོས་སྨྲ་བར་བྱ་བ་ནི། མཆོག་གསུམ་ལས་གང་
D543.088.0302b02.01ཡང་རུང་བ་གཅིག་དོན་དུ་གཉེར་བར་བྱ་བ་ནི། མ་ཉིད་དང་སྲིང་མོ་ཉིད་དང་ཆུང་མ་ཉིད་དོ། །གལ་ཏེ་མར་གྱུར་ན་ནི་སེམས་ལ་འགྱོད་པར་མི་བྱ་སྟེ། འགྱོད་ན་ནི་རྣམ་པར་འཇིག་པ་འབྱུང་བར་འགྱུར་བས་མ་བཞིན་དུ་བསྒྲུབ་པར་བྱའོ། །མ་དེས་ཀྱང་བསམས་པ་
D543.088.0302b03.01ཙམ་གྱིས་འཁོར་ལྔ་བརྒྱ་དང་བཅས་པའི་ཟས་དང་། གོས་དང་རྒྱན་གྱི་ཁྱད་པར་ཐམས་ཅད་ཀྱང་ཡང་དག་པར་སྒྲུབ་པར་བྱེད་དོ། །ཉིན་རེ་ཞིང་ཡང་ཏི་ན་ར་སྟོང་སྟེར་བར་འགྱུར་ཞིང་གལ་ཏེ་འཛམ་བུའི་གླིང་ཐམས་ཅད་དུ་རྣམ་པར་རྒྱུ་ན་ཡང་ཐམས་ཅད་ཡང་དག་པར་སྒྲུབ་
D543.088.0302b04.01པར་བྱེད་དོ། །གང་གི་ཚེ་སྲིང་མོར་གྱུར་ན་ཡང་དེའི་ཚེ་དཔག་ཚད་བརྒྱ་ལས་ཀྱང་བུད་མེད་འགུགས་པར་བྱེད་ཅིང་དེ་ཉིད་དུ་ཡང་ཁྱེར་བར་བྱེད་དེ། སྲིང་མོའི་ལས་ཐམས་ཅད་ཀྱང་ཡང་དག་པར་སྒྲུབ་པར་བྱེད་དོ། །ཅི་སྟེ་ཆུང་མར་གྱུར་ན་ནི་རང་གི་ཁྱིམ་དུ་ཁྱེར་ཞིང་ལོ་
D543.088.0302b05.01སྟོང་དུ་འཚོ་བར་ཡང་བྱེད་དོ། །གང་གི་ཚེ་འཆི་བར་གྱུར་པ་དེའི་ཚེ་ཡང་རིགས་བཟང་པོར་སྐྱེ་བར་འགྱུར་ཏེ། ངག་ཐམས་ཅད་ཀྱང་ཆུང་མ་བཞིན་དུ་ཡང་དག་པར་སྒྲུབ་པར་བྱེད་དོ། །ཆུང་མ་གནོད་སྦྱིན་མའི་སྔགས་ནི། །ཨོྃ་ནིཿ། ཆུང་མ་གནོད་སྦྱིན་མོ་འདིའི་ཆོ་ག་ནི་
D543.088.0302b06.01ཙནྡན་དཀར་པོའི་ལྡེ་གུས་ལག་པ་གཡས་པ་དང་གཡོན་པ་གུར་གུམ་གྱི་ལྡེ་གུས་ཉེ་བར་བྱུགས་ལ། ལན་སྟོང་དུ་མངོན་པར་བསྔགས་པ་བྱས་ནས། མཚན་མོ་གཅིག་པུ་མི་སྨྲ་བའི་དཀའ་ཐུབ་དང་དབེན་པའི་ས་ཕྱོགས་སུ་སྒོ་བཅད་ལ། བ་རུ་རའི་འབྲས་བུ་ལྔའམ་
D543.088.0302b07.01