完整藏文原文 · 德格版页 当前仅加载第 88 函德格 330b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི། །མི་ཡི་རྒྱལ་པོར་ཤེས་པར་བྱ། །{བཅྭ་,བཅོ་}བརྒྱད་ས་ཡི་བདག་པོ་ཞེས། །བར་མའི་ས་ཀུན་བདག་པོ་ཡིན། །མཐའ་ཡས་ཀླུ་ཡི་སྡེ་ལ་སོགས། །དེ་ལས་ཐ་མ་རྣམ་པར་ཞིག །དེ་ནས་ཁྱབ་འཇུག་འཕྲོག་བྱེད་དང་། །མདུང་ཞེས་བྱ་བ་འཕྲོག་བྱེད་གཞན། །དབང་ལྡན་དང་
D543.088.0330b01.01ནི་ཕྲེང་ཀུན་དང་། །བཟའ་དང་བརྟུལ་ཞུགས་བཟང་པོ་གཞན། །དུས་ཀུན་ཆོས་ལུགས་རྣམ་པར་ཉམས། །རྒྱལ་པོ་དེ་དག་དུས་ལས་འདས། །དེས་ནི་བྲམ་ཟེ་རིགས་བྱུང་བ། །དེ་ཚེ་ལོངས་སྤྱོད་ཆེ་ནོར་དང་། །བར་མཐར་ཡི་གེ་དང་པོ་བྷ། །དེ་ཚེ་བློན་པོ་གཉི་ག་གཙོ། །གཉི་ག་
D543.088.0330b02.01ནོར་ལྡན་དཔལ་ལྡན་གྲགས། །བསྟན་པ་ལ་ནི་ཕན་པར་དགའ། །གཞོན་ནུ་ཁྱོད་ཀྱི་སྔགས་རྒྱལ་པོ། །བློན་པོས་དེ་ཚེ་སྔགས་ཀྱང་བཟླས། །དེ་ནས་བཟུང་ནས་ས་ཡི་བདག །གཉི་ག་མི་ཡི་དབང་ཕྱུག་གྱུར། །བདུན་དང་བརྒྱད་དང་དེ་བཞིན་གསུམ། །དེ་ཚེ་དཔལ་མགྲིན་
D543.088.0330b03.01གནས་ན་འདུག །སྟོན་པ་ཉི་མ་ཞེས་བྱ་བའི། །གནས་ན་དབང་ཕྱུག་རབ་ཏུ་གནས། །ཐམས་ཅད་གནས་སུ་ས་ཡི་བདག །འབྱུང་བར་འགྱུར་བར་ཐེ་ཚོམ་མ་མེད། །ཡི་གེ་ཧ་ཞེས་རབ་གསུངས་པ། །ས་རྣམས་ཀུན་ལ་མི་ཡི་བདག །དེ་ཡི་ཡུལ་དུ་སྔགས་འདི་དག །དེ་ཚེ་
D543.088.0330b04.01གྲུབ་པར་འགྲོ་བ་ཡིན། །ཞི་དང་རྒྱས་པའི་རིག་པ་རྣམས། །གང་ཞིག་ཆོས་རྒྱལ་གྱིས་གསུངས་པ། །ལོངས་སྤྱོད་རྣམ་པ་སྣ་ཚོགས་ཚོགས། །དེ་བཞིན་རྣམ་པ་སྣ་ཚོགས་ལྡན། །སྣ་ཚོགས་གཟུགས་ཀྱི་གཟུངས་དང་ནི། །རྫུ་འཕྲུལ་ཆེན་པོ་གནོད་སྦྱིན་མོ། །དེ་ཚེ་དུས་
D543.088.0330b05.01ཀྱི་ཐ་མ་ལ། །དེར་ནི་གྲུབ་པར་འགྱུར་བ་ཡིན། །ལྷོ་ཡི་ཕྱོགས་ལ་ཡང་དག་བསྟན། །རྒྱ་མཚོའི་འགྲམ་གྱི་ས་དག་ལ། །རྒྱལ་པོ་དཀར་དང་ཟླ་མཛེས་དང་། །ས་ལ་ཡི་ནི་བཞོན་པ་དང་། །དབང་ཆེན་དང་ནི་བདེ་བྱེད་དང་། །ས་བདག་དེ་བཞིན་ཡིད་དུ་འོང་། །ལོངས་
D543.088.0330b06.01སྤྱོད་སྐྲ་བཟང་སྐྲ་ཞེས་སུ། །ལྷོ་ཡི་ཕྱོགས་སུ་རྣམ་པར་གྲགས། །བཀྲ་ཤིས་དང་ནི་རྙེད་སླ་དང་། །བ་ལང་རྙེད་དང་ཁྱུ་ཉིད་དང་། །གྲུ་བཟང་དེ་བཞིན་གྲུ་དག་དང་། །དབང་ཆེན་དང་ནི་ཟླ་བ་ཉིད། །བ་ལང་སྲུང་དབང་ཟླ་བའི་སྡེ། །འདོད་ལྷ་དེ་བཞིན་མ་ག་དྷཱ། །གྲོང་
D543.088.0330b07.01