完整藏文原文 · 德格版页 当前仅加载第 88 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོའི་ཁྱད་པར་ཅན། །མཆོག་དང་རབ་མཆོག་དྲག་པོ་དང་། །གང་ཡང་དེ་བཞིན་རྒྱལ་བས་གསུངས། །དེ་བཞིན་པདྨ་འཛིན་སྔགས་དང་། །བདག་ཉིད་ཀྱིས་ཀྱང་རབ་བཤད་དང་། །གང་ཡང་གཞན་གྱི་སྔགས་མཆོག་ནི། །རིགས་ལྔ་དག་གིས་
D543.088.0307a01.01གསུངས་པ་དང་། །རྫུ་འཕྲུལ་ཆེན་པོ་འཇིག་རྟེན་པའི། །རྒྱལ་བའི་སྲས་ཀྱིས་གསུངས་པ་དག །ཁྲོ་བོའི་རྒྱལ་པོ་རྫུ་འཕྲུལ་ཆེས། །ཐམས་ཅད་དེ་དག་ཡང་དག་འགུགས། །སྔགས་དང་རྒྱུད་ནི་ཐམས་ཅད་ཀུན། །བསྟན་པ་འདི་ལ་ངེས་པར་འབྲེལ། །གང་
D543.088.0307a02.01ཞིག་གང་དག་ཆོ་གར་བསྟན། །དེ་ཉིད་འདིར་ནི་ངེས་པར་སྦྱར། །གཤིན་རྗེ་གཤེད་ནི་ཁྲོ་རྒྱལ་གྱི། །ལས་ཀུན་བྱེད་པའི་མཆོག་ཡིན་ནོ། །སྒྲོལ་མ་ཁྲོ་གཉེར་ཅན་ཉིད་དང་། །དེ་བཞིན་གོས་དཀར་མོ་དང་ནི། །དེ་བཞིན་དཀར་ཆེན་རིགས་མ་དང་། །རྡོ་རྗེའི་རིགས་
D543.088.0307a03.01འབྱུང་མཱ་མ་ཀཱི། གཙུག་ཏོར་འབྱུང་བ་ཐམས་ཅད་དང་། །ལྷ་མོ་སྤྱན་ནི་ཉིད་དག་དང་། །དེ་བཞིན་གཤེགས་ཀུན་རིག་པ་དང་། །མཐུ་ཆེན་ཐོབ་དང་ཀུན་བཟང་དང་། །པདྨ་འཛིན་པའི་མངའ་བདག་དང་། །བདག་ཀྱང་འཇིག་རྟེན་གནོད་སྦྱིན་བདག །བྱང་ཆུབ་སེམས་དཔའ་རྫུ་
D543.088.0307a04.01འཕྲུལ་ཆེ། །རྒྱལ་སྲས་རྨད་དུ་བྱུང་བ་དང་། །དཔུང་བཟང་འཇིག་རྟེན་རྣམ་པར་གྲགས། །རྡོ་རྗེའི་སྡེ་དང་སྡེ་བཟང་དང་། །བློ་ལྡན་ཆོས་ཀྱིས་འཕགས་པ་དང་། །བདག་གིས་ཀྱང་ནི་བཤད་པའི་སྔགས། །ཟློས་པས་བརྙས་པར་མི་བྱའོ། །སྔོན་དུ་རྟག་ཏུ་མཆོད་
D543.088.0307a05.01བྱ་ཞིང་། །ལེགས་གསུངས་དེ་དག་བགོམ་མི་བྱ། །ཁྲོ་བོའི་རྒྱལ་པོ་ལེགས་མཆོད་ཅིང་། །དེར་ནི་ཟློས་པས་སྦྱར་མི་བྱ། །དུས་རྣམས་ཀུན་ཏུ་སྔགས་དག་ལ། །དེ་དག་རིག་པ་བཅད་མི་བྱ། །ཇི་བཞིན་ལས་ནི་ཀུན་ལ་ཡང་། །འཇིག་རྟེན་སྔགས་ཀྱི་ལྷ་དག་ནི། །
D543.088.0307a06.01དཀའ་ཟློག་བདེ་བྱེད་ཚངས་སོགས་དང་། །ལྷ་ཆེན་ལ་ཡང་ལེགས་པར་མཆོད། །ཇི་ལྟར་རྒྱུད་ལ་སྔགས་རྣམས་ནི། །དེ་བཞིན་ཉིད་དུའང་ཀུན་ལ་བྱ། །ཐམས་ཅད་སྔགས་ནི་ཀུན་ལ་ཡང་། །ཐམས་ཅད་ཉིད་དུའང་ཡང་དག་བསྟན། །སྔགས་ཀུན་རབ་ཏུ་འཇུག་པ་
D543.088.0307a07.01