完整藏文原文 · 德格版页 当前仅加载第 88 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ། འཇམ་དཔལ་གཞོན་ནུར་གྱུར་པས་དེ་སྐད་ཅེས་གསོལ་པ་དང་། དེ་ནས་བཅོམ་ལྡན་འདས་ཤཱཀྱ་ཐུབ་པས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་གཞོན་ནུར་གྱུར་པ་ཁྱོད་སྐྱེ་བོ་མང་པོ་ལ་ཕན་པའི་ཕྱིར་ཞུགས་པ་དང་། འཇིག་རྟེན་ལ་སྙིང་
D543.088.0146b01.01བརྩེ་བའི་ཕྱིར་གང་ཁྱོད་དེ་བཞིན་གཤེགས་པ་ལ་དོན་འདི་འདྲི་བར་སེམས་པ་ནི་ལེགས་སོ་ལེགས་སོ། །དེ་ཤིན་དུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་བཤད་པར་བྱའོ། །ཁྱོད་ཀྱི་རས་རིས་ཀྱི་ཆོ་ག་རབ་འབྱམ་སྔགས་ཐམས་ཅད་སྒྲུབ་པར་བྱེད་པ་ལ་རབ་ཏུ་འཇུག་པ་མཐར་གྱིས་ངས་བཤད་
D543.088.0146b02.01པར་བྱའོ། །སྔོན་ཡང་དེ་བཞིན་གཤེགས་པ་ཐམས་ཅད་ཀྱིས་བསྟན་ཏེ་ད་ལྟར་ཡང་ངས་བཤད་པར་བྱའོ། །དང་པོར་རེ་ཞིག་སའི་ཕྱོགས་གཙང་བ་རྡུལ་མེད་པ་ལས་རས་བལ་ཡང་དག་པར་བླངས་ལ། དམ་ཚིག་ལ་ཞུགས་པའི་སེམས་ཅན་རྣམས་ཀྱིས་རས་བལ་དེ་ཡང་དག་པར་བྱས་ཏེ། ཡང་
D543.088.0146b03.01སྔགས་འདིས་དཀྱིལ་འཁོར་གྱིས་བརྒྱ་རྩ་བརྒྱད་ཏུ་བསྔགས་པར་བྱའོ། །ན་མཿས་མནྟ་བུད་དྷཱ་ནཱཾ། བོ་དྷི་ས་ཏྭ་ཨ་པྲ་ཏི་ཧ་ཏ་ག་ཏི་མ་ཏི་པྲ་ཙཱ་རི་ཎཱཾ། ན་མཿསཾ་ཤོདྷ་ན་དུཿཁ་པྲ་ཤ་མ་ནེནྡྲ་རཱ་ཛཱ་ཡ། ཏ་ཐཱ་ག་ཏཱ་ཡ་ཨརྷ་ཏེ་སམྱཀྶཾ་བུད་དྷཱ་ཡ། ཏདྱ་ཐཱ། ཨོཾ་ཤོ་དྷ་ཡ་སཾ་ཤོ་དྷ་ཡ། སརྦ་བིགྷྣཾ་གྷ་ཏ་
D543.088.0146b04.01ཀ་མ་ཧཱ་ཀཱ་རུ་ཎི་ཀ་ཀུ་མཱ་ར་རཱུ་པ་དྷཱ་རི་ཎི། བི་ཀུརྦ་བི་ཀུརྦ། ས་མ་ཡམ་ནུ་སྨ་ར་ཏིཥྛ་ཏིཥྛ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་གྲོང་གི་ཆོས་མི་ཤེས་པའི་གཞོན་ནུ་མ། བྲམ་ཟེའི་རིགས་དང་རྒྱལ་རིགས་སུ་སྐྱེས་པ་དང་། རྗེའུའི་རིགས་སུ་སྐྱེས་པ་དང་རིགས་ངན་པའི་སྐྱེས་གནས་ཡོངས་སུ་སྤངས་
D543.088.0146b05.01པ། །དབང་པོ་མ་ཚང་བ་མེད་པ། ཡན་ལག་ཐམས་ཅད་མཛེས་པ་ཕ་དང་མས་རྗེས་སུ་གནང་བ། གསོ་སྦྱོང་བྱས་པ། བྱང་ཆུབ་ཏུ་སེམས་བསྐྱེད་པ། སྙིང་རྗེ་དང་ལྡན་པ། བཞིན་དཀར་བ། ཁ་དོག་གཞན་རྣམ་པར་སྤངས་པ། མདོར་ན་བུད་མེད་ཀྱི་མཚན་ཉིད་རབ་ཏུ་ཞི་བའི་
D543.088.0146b06.01མཚན་ཉིད་ཀྱིས་མཚན་པ། ཤིན་ཏུ་ཉིན་ཞག་ཤིས་པ་དང་། ཟླ་བ་ཡར་ངོ་དང་གཟའ་བཟང་པོ་བལྟས་ཏེ། དུ་བ་དང་ཁུག་རྣ་མེད་ཅིང་སྤྲིན་དང་བྲལ་བ་རླུང་མེད་ཅིང་གཙང་བའི་ས་ཕྱོགས་སུ་སྔར་བསྟན་པའི་གཞོན་ནུ་མ་ཁྲུས་བྱས་ཤིང་གོས་གཙང་མ་བགོས་ཏེ། གོས་ཀྱིས་ལེགས་པར་
D543.088.0146b07.01