完整藏文原文 · 德格版页 当前仅加载第 88 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་དུ་སྤྲོས་པ་ན། འོད་ཟེར་སྟོང་བྱུང་བ་དེའི་བར་དུ་བཟླས་པ་བྱས་ན་སྐབས་འདིར་དབང་ཕྱུག་ཆེན་པོ་ལ་སོགས་པ་ལྷ་རྣམས་འབྱུང་བར་འགྱུར་རོ། །རིག་པ་འཛིན་པ་ཐམས་ཅད་མེ་ཏོག་གི་ཆར་འབེབས་པ་དང་ལྷ་ཐམས་ཅད་ཀྱང་མེ་ཏོག་གི་ཆར་རབ་ཏུ་འབེབས་པར་འགྱུར་
D543.088.0225b01.01རོ། །དེ་ནས་དེ་ཐམས་ཅད་ཀྱིས་ཡོངས་སུ་བསྐོར་ནས། གང་དག་གིས་མཐོང་བ་དང་གང་མཐོང་བ་དེ་དང་ལྷན་ཅིག་ཏུ་ནམ་མཁའ་ལ་འགྲོ་བར་འགྱུར། རིག་པ་འཛིན་པའི་རྒྱལ་པོ་མིག་གསུམ་པར་འགྱུར་ཏེ། དབང་ཕྱུག་ཆེན་པོ་གཉིས་པ་དང་འདྲ་བའོ། །རིག་
D543.088.0225b02.01པ་འཛིན་པ་ཐམས་ཅད་ཀྱིས་ཕྱག་བྱས་ཤིང་། བསྐལ་པ་ཆེན་པོར་གནས་པར་འགྱུར་ལ། བལྟས་པ་ཙམ་གྱིས་གདུག་པའི་སེམས་དང་ལྡན་པ་རྣམས་ལྟུང་བར་འགྱུར་རོ། །ལྷ་དང་བཅས་པའི་འཇིག་རྟེན་གང་གིས་ཀྱང་མི་ཚུགས་པར་འགྱུར་ན། རིག་པ་འཛིན་པ་
D543.088.0225b03.01རྣམས་ཀྱིས་ལྟ་སྨོས་ཀྱང་ཅི་དགོས། ཤི་འཕོས་ནས་བདེ་བ་ཅན་དུ་སྐྱེ་བར་འགྱུར་རོ། །ཇི་སྟེ་རོ་ལངས་བསྒྲུབ་པར་འདོད་ན། ཡན་ལག་རྨ་མེད་པའི་སྐྱེས་བུའི་རོ་བླངས་ཏེ། སེང་ལྡེང་གི་ཕུར་བུ་བཞེས་བཏབ་ལ་བྲང་གི་སྟེང་དུ་རིན་པོ་ཆེའི་ཕྱེ་མས་གཏོར་ཅིང་མཆོད་ན། དེའི་
D543.088.0225b04.01ལྕེའི་རྩེ་མོ་ལ་ནོར་བུ་རིན་པོ་ཆེ་སྣང་བར་འགྱུར་ཏེ། དེ་བླངས་ན་རིག་པ་འཛིན་པའི་འཁོར་ལོས་སྒྱུར་བར་འགྱུར་རོ། །མཚོན་གང་དག་ཡིད་ལ་བསམས་པ་ཙམ་གྱིས་དེ་དག་འབྱུང་བར་འགྱུར་རོ། །འོད་དཔག་ཚད་བརྒྱ་ཙམ་དུ་སྣང་བར་འགྱུར་རོ། །འདོད་ན་དུས་བྱེད་པར་
D543.088.0225b05.01ཡང་འགྱུར་རོ། །གང་དུ་འདོད་པ་དེར་འགྲོ་བར་འགྱུར་རོ། །འཇིག་རྟེན་གྱི་ཁམས་གཞན་དག་ཏུ་ཡང་རིག་པ་འཛིན་པའི་འཁོར་ལོས་སྒྱུར་བར་ཡང་འགྱུར་རོ། །ཤི་འཕོས་ནས་ཀྱང་དྲི་མ་མེད་པའི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །རོ་ལངས་གཉིས་པ་
D543.088.0225b06.01སྒྲུབ་པ་ནི་རྨ་མེད་པའི་ལུས་ཀྱི་རོ་བླངས་ལ། རྒྱ་ཤུག་གི་ཤིང་གི་ཕུར་བུས་བཏབ་ལ་དེའི་ཁར་ལྕགས་ཀྱི་ཕྱེ་མས་གཏོར་ཞིང་བྱིན་ན། དེའི་ལྕེ་འབྱིན་པར་འགྱུར་ཏེ། དེ་བཅད་ན་གཡོག་འཁོར་བརྒྱ་དང་བཅས་ཏེ་ནམ་མཁའ་ལ་འགྲོ་བར་འགྱུར། བར་གྱི་བསྐལ་པར་གནས་པར་
D543.088.0225b07.01