完整藏文原文 · 德格版页 当前仅加载第 88 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཏུ་ཆགས་དང་བྲལ་བ་དག །སྙིང་རྗེའི་དམ་ཚིག་དག་གིས་ནི། །མི་ཡི་འཇིག་རྟེན་དག་འཇུག་པ། །དགེ་བའི་མི་ལ་འཛིན་པར་བྱེད། །རབ་བསྔགས་དགེ་དང་གཡོ་བ་མེད། །མི་རྣམས་ཀྱི་ནི་མདོག་ཀྱང་སྒྲུབ། །ཉི་མ་དག་ནི་འཆར་བ་ལ། །དེ་དག་འཇུག་པར་བརྗོད་པ་
D543.088.0250b01.01ཡིན། །མི་རྣམས་ཉི་མ་ནུབ་པ་ཡི། །དེ་ཡི་དུས་སུ་འཇུག་པར་འགྱུར། །མཚན་མོའི་ཐུན་གྱི་དང་པོ་ལ། །ཡར་ངོ་ལ་ནི་སྣང་བར་འགྱུར། །རབ་བསྔགས་དགེ་བའི་ལས་དག་དང་། །རྟག་ཏུ་གང་ཞིག་ཆོས་ལྡན་མི། །གང་ཞིག་ཤེས་ཉེན་ལྡན་པ་ནི། །དེ་དག་ལ་
D543.088.0250b02.01ནི་འཇུག་པར་སྣང་། །འདོད་ཆགས་བྲལ་བ་རྫུ་འཕྲུལ་ཆེ། །དེས་ན་མི་ལ་འཇུག་པ་ཡིན། །ཕྱོགས་གཙང་སྐྱེ་བོ་གཙང་བ་དང་། །རྒྱུ་སྐར་སྐར་མ་བཟང་བ་དང་། །ཉིན་ཞག་སྔགས་དང་ཟླ་རེས་བཟང་། །ཡར་ངོ་དགེ་བའི་ཉིན་ཞག་དང་། །གཟའ་བཟང་ཡང་དག་ལྡན་པ་དང་། །
D543.088.0250b03.01ཚེས་གྲངས་རྫོགས་དང་ཡང་དག་ལྡན། །དེ་བཞིན་ཟླ་བ་ཉ་བ་ལ། །དེ་དག་ལ་ནི་འཇུག་པར་སྣང་། །ཆགས་བྲལ་རྫུ་འཕྲུལ་ཆེན་པོ་ནི། །འཇུག་པར་འགྱུར་བའི་མཚན་མ་ཡང་། །ནམ་མཁའ་ལ་ནི་ཏ་ལ་ཙམ། །ས་ལས་འཕགས་ཏེ་འདུག་པ་ཡིན། །དེ་ནི་སྐྱིལ་ཀྲུང་འདུག་
D543.088.0250b04.01ནས་ཀྱང་། །ནམ་མཁའ་ལ་ནི་གནས་པར་སྣང་། །ཚིག་ཀྱང་བཟང་པོ་མཚུངས་མེད་དང་། །ཚངས་དབྱངས་དེ་བཞིན་རྣར་སྙན་དང་། །གང་དུ་འདོད་ཆགས་བྲལ་དེ་གནས། །སེམས་དཔའ་ཆེན་པོ་དེ་དག་སྨྲ། །གཙུག་ཏོར་ཕྱག་རྒྱས་དྲངས་པ་ཡི། །ས་ཡི་སྟེང་དུ་འདུག་པར་
D543.088.0250b05.01གྱུར། །ས་སྟེང་དེ་ལ་འདུག་པ་ན། །དེ་ཡི་མོད་ལ་མཆོད་ཡོན་སྦྱིན། །སྣ་མའི་མེ་ཏོག་དག་ལ་ནི། །ཙནྡན་བཟང་པོ་གུར་གུམ་བསྲེས། །བསྲེས་པའི་ཆུ་དང་ཆུ་གཙང་ནི། །དེ་ཡི་མོད་ལ་དབུལ་བར་བྱ། །སྔགས་པས་ས་ལ་རབ་བཏུད་ནས། །ཕན་པའི་བློ་ཡིས་གསོལ་བ་གདབ། །
D543.088.0250b06.01དཔའ་བའི་རང་བཞིན་སེམས་ཀྱིས་ནི། །སེམས་ཅན་དེས་ནི་གསོལ་བ་གདབ། །ཚིག་ནི་བཟང་པོ་འདོན་བྱེད་ཅིང་། །རྣར་སྙན་དེ་བཞིན་རྨོངས་པ་མེད། །སྔགས་ཤེས་ཆོ་ག་འཇིགས་མེད་པས། །དེ་ནས་ཇི་ལྟར་འདོད་པ་འདྲི། །འཇམ་དབྱངས་ཡང་དག་དྲན་ནས་ནི། །དེ་ཡི་དུས་སུ་
D543.088.0250b07.01