完整藏文原文 · 德格版页 当前仅加载第 88 函德格 318b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས། །བདག་ལ་ཆོས་དོན་བསྟན་པར་རིགས། །དེ་སྐད་སྨྲས་ནས་བདག་ཉིད་ཆེ། །རྒྱལ་བའི་ཉན་ཐོས་མཆོག་གྱུར་པ། །བློ་ལྡན་འོད་སྲུང་ཞེས་བྱ་བས། །འདི་དག་ཚིག་ནི་རབ་ཏུ་སྨྲས། །རྒྱལ་པོ་ཆེན་པོ་མ་འཇིགས་ཤིག །ཁྱོད་ཀྱི་དགེ་བ་མང་དུ་བྱས། །སྐྱེ་བ་བརྒྱ་ཕྲག་དུ་མར་ཡང་། །
D543.088.0318b01.01ཁྱོད་ལ་གོམས་པ་རབ་ཏུ་ཡོད། །སངས་རྒྱས་འབྱུང་བ་མེད་པ་ན། །རང་རྒྱལ་གཅིག་ནི་ཡང་དག་བྱུང་། །གྲོང་ཁྱེར་བཱ་རཱ་ཎ་སཱི་རུ། །དེ་ཚེ་ཚོང་དཔོན་བུ་ཞིག་བྱུང་། །མི་ཤེས་བྱིས་པ་གཡོ་བ་ཡིས། །དེ་ཚེ་ཤིང་རྟ་ཞོན་ནས་བྱུང་། །བཅོམ་ལྡན་དེ་ཉིད་དེ་རུ་ནི། །རང་རྒྱལ་ཡོངས་སུ་བྱུང་བ་
D543.088.0318b02.01ནི། །འཇིག་རྟེན་རྗེས་སུ་གཟུང་འདོད་པས། །དེར་ནི་སློང་མོའི་དོན་དུ་རྒྱུ། །བྱིས་པ་དེས་ནི་དེ་མཐོང་ནས། །སེམས་ནི་ཡང་དག་དང་གྱུར་ནས། །རྐང་གཉིས་ལ་གཏུགས་དྲིས་པ་ནི། །དགེ་སློང་ཁྱོད་ནི་ཅི་ཞིག་བྱེད། །བསེ་རུ་ལྟ་བུར་སྐྱེ་བ་མེད། །བཅོམ་ལྡན་དེ་ནི་མི་སྨྲར་འདུག །
D543.088.0318b03.01དེ་ཚེ་བྱིས་པ་དེ་ཡི་ནི། །གོས་ལ་བཟུང་ནས་ཡང་དག་གནས། །འདེང་ངོ་འདེང་ངོ་ཁྱིམ་བཟང་འདིར། །རྒྱལ་མཚན་གྱིས་ནི་རབ་མཚན་པའོ། །འདི་ནི་བདག་གི་ཁྱིམ་ཡིན་ཏེ། །ཞབས་བཀྲུས་ནས་ནི་བཤོས་གསོལ་ཏེ། །ཇི་ལྟར་དུས་བཞིན་མྱུར་གསོལ་ནས། །ཅི་འདོད་པར་ནི་རྩེ་བར་བགྱིའོ། །
D543.088.0318b04.01དེ་ནས་ཉེས་དང་བྲལ་བ་དེ། །ཉེས་གསུམ་མཐར་བྱེད་འཇོམས་པ་པོ། །གཞན་དག་རྗེས་གཟུང་དེ་དག་གཙོར། །མཐར་གྱིས་ཀྱང་ནི་རབ་འགྲོ་ཞིང་། །སོང་ནས་སྒོ་ཡི་རྩ་བ་ལ། །འོད་ཆེན་དེར་ནི་འདུག་པར་གྱུར། །དེ་ནས་བྱིས་པ་ནང་ཞུགས་ནས། །མ་ལ་ཡང་ནི་འདི་
D543.088.0318b05.01སྐད་སྨྲས། །མ་ནི་བདག་ལ་འབྲས་ཆན་སྩོལ། །བཟའ་བ་རྣམ་མང་དག་ཀྱང་སྩོལ། །ཡུན་རིང་ས་རྡུལ་ལ་རྩེ་བའི། །བདག་གི་གྲོགས་པོ་འདིར་འོངས་གྱུར། །ཡུན་རིང་བདག་ནི་དགར་འགྱུར་བ། །སྒོར་ནི་འོངས་ནས་འདུག་པ་ཡིན། །དེ་ཚེ་དེ་ནི་རབ་རིངས་པར། །དེ་ཡི་མོད་ལ་སྒོར་
D543.088.0318b06.01ཡང་བྱུང་། །རྫུ་འཕྲུལ་ཆེན་པོ་ཞི་བའི་གཟུགས། །བདག་ཉིད་ཆེན་པོ་དེ་ཡང་མཐོང་། །དེ་ཚེ་དེ་ནི་མྱུར་འོངས་ནས། །སྣོད་ནི་བཟང་པོ་བླངས་ནས་ཀྱང་། །ལག་པ་ལེགས་པར་རབ་བཀྲུས་ནས། །མེ་ཏོག་སྤོས་སོགས་སྔོན་འགྲོ་བས། །འབྲས་ཆན་གཙང་མ་བླངས་ནས་ནི། །དུ་མའི་
D543.088.0318b07.01