完整藏文原文 · 德格版页 当前仅加载第 88 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག་ཅུ་སྦྱིན་སྲེག་བྱའོ། །སྦྱིན་སྲེག་བྱེད་པ་ན་ཡང་ལང་ཀའི་གྲོང་ཁྱེར་ན་གནས་པའི་སྲིན་པོ་གཟུགས་དང་ཆ་བྱད་མང་པོ་འཛིན་པ་ཧ་ཧ་ཞེས་བྱ་བའི་སྒྲ་སྒྲོགས་པ་དང་། ཀླུའི་གྲོང་ཁྱེར་གདེངས་ཀ་དང་ལྡན་པ་ན་གནས་པའི་རྒྱལ་པོ་རྣམས་ལངས་པར་འགྱུར་ཏེ། ཆ་བྱད་རྣམ་པ་སྣ་
D543.088.0165b01.01ཚོགས་འཛིན་པ་རབ་ཏུ་དྲག་པ་དང་། རབ་ཏུ་ཞི་བའི་ཀླུ་དེ་རྣམས་དང་། སྲིན་པོ་དེ་རྣམས་འདི་སྐད་དུ་ཁྱེད་བཞེངས་ཤིག་བཞེངས་ཤིག །བདག་ཅག་གི་བདག་པོ་མཛད་དུ་གསོལ་ཞེས་བརྗོད་དོ། །དེ་བཞིན་དུ་ལྷ་མ་ཡིན་དང་གནོད་སྦྱིན་དང་། ལྷ་དང་ལྟོ་འཕྱེ་ཆེན་པོ་དང་གྲུབ་པ་དང་མི་མ་ཡིན་
D543.088.0165b02.01པ་ཐམས་ཅད་ཀྱང་རབ་ཏུ་ཆགས་པར་བྱེད་ན་ལྡང་བར་མི་བྱ། འཇིགས་པར་མི་བྱའོ། །དེ་ནས་རིག་པ་འཛིན་པས་སྔགས་ཟློ་ཞིང་། ལག་པ་གཡོན་པའི་མཛུབ་མོས་སྡིགས་མཛུབ་བྱས་ན། དེ་ནས་ཕན་ཚུན་དུ་འགྲོ་བ་དང་འབྱོར་བ་དང་འབྲོས་པར་བྱེད་དོ། །དེ་ནས་སྦྱིན་སྲེག་
D543.088.0165b03.01ཟིན་པ་ན་གྲུ་དེ་སྒྲུབ་པ་པོ་དེས་བླངས་ན་སྐད་ཅིག་གིས་འོག་མིན་དུ་འགྲོ་བར་འགྱུར་རོ། །འཇིག་རྟེན་གྱི་ཁམས་གཞན་དུ་ཡང་འགྲོ་བ་དང་འོང་བར་འགྱུར་རོ། །བྱང་ཆུབ་སེམས་དཔའི་སེམས་དང་མཐུ་མཉམ་པར་འགྱུར། མངོན་པར་ཤེས་པ་ལྔ་དང་རྫུ་འཕྲུལ་ཆེན་པོ་དང་མཐུ་
D543.088.0165b04.01ཆེན་པོ་དང་ལྡན་པར་འགྱུར་རོ། །འདིས་འཕགས་པ་འཇམ་དཔལ་ཡང་རྟག་ཏུ་མཐོང་བར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་དང་། རང་སངས་རྒྱས་དང་འཕགས་པ་ཉན་ཐོས་མ་གཏོགས་པ། ཀླུའི་རྒྱལ་པོ་ཐམས་ཅད་དང་སྲིན་པོ་ཐམས་ཅད་
D543.088.0165b05.01དང་གནོད་སྦྱིན་ཐམས་ཅད་དང་། ལྷ་ཐམས་ཅད་དང་ལྷ་མ་ཡིན་ཐམས་ཅད་དང་། སེམས་ཅན་ཐམས་ཅད་ཀྱང་འདིའི་བཀའ་བཞིན་བྱེད་ཅིང་དབང་དུ་འགྱུར་རོ། །འདིའི་སྔགས་གྲུབ་པ་དེ་དག་ལ་ཡང་བྱམས་པའི་བདག་ཉིད་དུ་འགྱུར་ཞིང་རྗེས་སུ་དགའ་བར་འགྱུར་རོ། །
D543.088.0165b06.01སེམས་ཅན་ཐམས་ཅད་ཀྱིས་ཀྱང་མི་ཐུབ་པའི་བར་དུ་འགྱུར་རོ། །གཞན་ཡང་ལས་སྒྲུབ་པའི་ཐབས་དམ་པ་ཡོད་དེ། ཤིང་བིལ་བ་ཆེན་པོ་ལས་གྲུའི་བཞོན་པ་བྱས་ལ་ཡང་ཤིང་གཅིག་གི་ཤིང་གི་ཚོགས་ལས་གནས་ཆེན་པོ་བྱས་ཏེ། གང་གཱའི་དབུས་ཀྱི་གླིང་
D543.088.0165b07.01