完整藏文原文 · 德格版页 当前仅加载第 88 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ནི་འདིར་གསུངས་སོ། །ལས་རྣམས་ཀུན་ལ་ཤིན་ཏུ་ལྷག །འཇིག་རྟེན་ལས་ལས་རབ་ཏུ་འདས། །ཆོས་རྣམས་རྣམ་པ་སྣ་ཚོགས་བྱེད། །འཇིག་རྟེན་ཀུན་གྱིས་རབ་ཏུ་བསྔགས། །སྔགས་རྒྱལ་ལས་ལ་བརྩོན་པར་བྱེད། །དེ་བཞིན་སེམས་ཅན་ཚོགས་ལ་ཕན། །གཞོན་
D543.088.0206b01.01ནུ་འཇམ་པའི་དབྱངས་དེ་ནི། །སངས་རྒྱས་མཛད་པ་བྱེད་པར་འགྱུར། །དེ་དོན་ཡོན་ཏན་ངེས་གྲུབ་དང་། །འཇིག་རྟེན་ཁམས་ཀྱི་དགེ་མི་དགེ། །བག་མེད་མ་བསྐུལ་མ་ཡིན་ཏེ། །བསྐུལ་ནས་ངས་ནི་ཆོས་བཤད་དོ། །སེམས་ཅན་མ་ལུས་ཕན་ཉིད་ཕྱིར། །སངས་རྒྱས་ཀྱིས་
D543.088.0206b02.01ནི་བཤད་པ་ཡིན། །འདས་པའི་སངས་རྒྱས་ཀུན་གྱིས་ཀྱང་། །བཤད་ཅིང་ངས་ཀྱང་བཤད་པ་ཡིན། །སངས་རྒྱས་གདུང་ནི་མི་གཅོད་ཕྱིར། །བདག་གིས་ཀྱང་ནི་བཤད་པ་ཡིན། །སྔགས་པའི་ལས་རྣམས་ཀུན་ལ་ནི། །ཀུན་མཁྱེན་ཡེ་ཤེས་འབྱུང་དོན་དུའོ། །ཀུན་མཁྱེན་ཡེ་
D543.088.0206b03.01ཤེས་རབ་འཇུག་ལ། །ལས་རྣམས་གཅིག་ཏུ་བསྔགས་པ་ཡིན། །འཇིག་རྟེན་སྔོན་ལས་བདག་ཡིན་ཏེ། །དེ་ནི་ད་ལྟར་ཡོངས་སུ་སྤྱོད། །དེ་བས་ལས་རྣམས་རབ་ཏུ་བྱ། །ཚེ་འདིར་དཀའ་བ་ལེགས་སྤྱད་ཅིང་། །ལས་ལྡན་ཚེ་ནི་འདི་ལ་ཡང་། །འབད་པ་མེད་པར་སྔགས་རྣམས་
D543.088.0206b04.01འགྲུབ། །ལས་ནི་འདི་ལའང་སྣང་འགྱུར་ན། །སྐྱེ་བ་འདི་ལ་འགྲུབ་པར་འགྱུར། །དེ་བས་སངས་རྒྱས་ཐམས་ཅད་ཀྱིས། །ལས་ནི་གཅིག་པུ་རབ་ཏུ་བསྔགས། །ལས་དེ་ཆོ་གར་ལྡན་པ་ན། །དེ་ནི་འདི་ལ་མྱུར་དུ་འགྲུབ། །སེམས་ཅན་བྱིས་པ་ཆོ་ག་ཉམས། །རབ་ཏུ་རྨོངས་པ་
D543.088.0206b05.01འཁོར་བར་འགྱུར། །དེ་བས་རྣམ་པ་ཀུན་གྱིས་ནི། །ལས་ནི་གཅིག་པུ་རབ་བསྔགས་ཡིན། །ཆོ་ག་ལས་ནི་ཡང་དག་ལྡན། །སྒྲུབ་པ་པོས་ནི་བསྒྲུབ་པར་བྱ། །དེ་བཞིན་ཆོ་ག་ཉམས་པའི་ལས། །ཤིན་ཏུ་ཡུན་རིང་དག་གིས་འགྲུབ། །བསམ་གཏན་མེད་པར་ཐར་པ་མེད། །ཐར་
D543.088.0206b06.01པ་མེད་པར་བསམ་གཏན་མེད། །དེ་བས་བསམ་གཏན་ཐར་པ་ནི། །ཡང་དག་ལྡན་པ་བྱང་ཆུབ་བརྗོད། །འཕགས་པ་འཇམ་དཔལ་གྱི་རྩ་བའི་ཆོ་ག །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས། ལས་ཐམས་ཅད་ཀྱི་བྱ་བའི་དོན་གྱི་ལེའུ་རབ་འབྱམ་
D543.088.0206b07.01