完整藏文原文 · 德格版页 当前仅加载第 88 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བརྒྱད་བྱས་ན། སྦྱིན་སྲེག་གི་མཐར་འོངས་ནས་ནོར་གང་འདོད་པ་དེ་སྟེར་བར་འགྱུར་ཞིང་མངག་གཞུག་པ་དབང་དུ་བྱེད་པ་བཞིན་དུ་ཉེ་བར་གནས་པར་འགྱུར་རོ། །ཇི་སྟེ་དབང་ཕྱུག་ཆེན་པོ་དབང་དུ་བྱེད་པར་འདོད་ན། དབང་ཕྱུག་ཆེན་པོ་ལ་མཆོད་པ་རྒྱ་ཆེན་པོ་བྱས་ལ། ལྷོ་
D543.088.0226b01.01ཕྱོགས་སུ་ཡུད་ཙམ་གྱིས་ཤིང་ཨརྐའི་མེ་རབ་ཏུ་སྦར་ལ་སྦྱིན་སྲེག་སྟོང་རྩ་བརྒྱད་བྱས་པ་ན། ཧ་ཧ་ཞེས་པའི་སྒྲ་བྱུང་བར་གྱུར་ན་འཇིགས་པར་མི་བྱ། དེ་ནས་དེ་འོང་བར་འགྱུར་ཏེ། བདག་གིས་ཅི་ཞིག་བྱ་ཞེས་སྨྲ་བར་འགྱུར་རོ། །དབང་ཕྱུག་ཆེན་པོའི་རིག་པ་
D543.088.0226b02.01ཐམས་ཅད་བདག་ལ་གྲུབ་པར་གྱུར་ཅིག་ཅེས་སྨྲས་པ་དང་། མཆོག་གང་འདོད་པ་དེ་སྟེར་བར་འགྱུར་ཏེ། དེ་བཞིན་དུ་གྱུར་ཅིག་ཅེས་བྱས་ནས་མི་སྣང་བར་འགྱུར་རོ། །དེ་བཞིན་དུ་ཁྱབ་འཇུག་དང་ཚངས་པ་ལ་སོགས་པ་གང་ཡང་འགུགས་པར་འགྱུར་ཏེ། མཆོག་
D543.088.0226b03.01གང་འདོད་པ་དེའང་འདི་བཞིན་ཏེ། ཆོ་ག་འདི་བཞིན་དུ་བྱས་ལ་ལེགས་པར་བསྲུང་བ་ཡང་བྱའོ། །ཅི་སྟེ་གནོད་སྦྱིན་མོ་དགུག་པར་འདོད་ན། དེའི་མིང་བཟུང་ལ་ཞག་བདུན་དུ་ཤིང་མྱ་ངན་མེད་ཀྱི་མེ་ཏོག་གིས་སྦྱིན་སྲེག་བྱས་ན་འོང་ཞིང་མཆོག་སྟེར་བར་བྱེད་དོ། །ཞག་
D543.088.0226b04.01བདུན་གྱིས་མ་དང་སྲིང་མོ་དང་ཆུང་མ་གང་འདོད་པ་དེའི་ཆ་བྱད་དུ་ངེས་པར་འོང་བར་འགྱུར་རོ། །ཇི་སྟེ་མི་འོང་ན་མགོ་འགས་པར་འགྱུར་རོ། །ཀླུ་མོ་དབང་དུ་བྱེད་པར་འདོད་ན་ཀླུ་ཤིང་གི་མེ་ཏོག་གིས་ཆོ་ག་འདི་བཞིན་དུ་བྱའོ། །སྲིན་མོ་དགུག་པར་འདོད་ན། ཟླ་
D543.088.0226b05.01བ་གསུམ་དུ་ཞོ་དང་འབྲས་ཆན་གྱི་སྦྱིན་སྲེག་བྱའོ། །སྦྱིན་སྲེག་གི་མཐར་ཞག་གཅིག་སྨྱུང་བ་བྱས་ལ། བཅོམ་ལྡན་འདས་ལ་མཆོད་ཅིང་གནོད་སྦྱིན་ལ་གཏོར་མ་ཆན་རྣམས་སྦྱིན་པར་བྱས་ཤིང་གནོད་སྦྱིན་དགུག་པར་བྱའོ་ཞེས་ཡིད་ལ་བྱེད་ཅིང་། །ཨ་མྲའི་ཤིང་གི་ཡམ་
D543.088.0226b06.01ཤིང་ཞོ་དང་སྦྲང་རྩི་དང་མར་གྱིས་བཏགས་པ་སྟོང་རྩ་བརྒྱད་སྦྱིན་སྲེག་བྱས་ན། སྐབས་འདིར་ལུས་ངན་པོ་ལ་སོགས་པའི་གནོད་སྦྱིན་འོང་བར་འགྱུར་ལ། དེ་དག་ལ་ཤིང་ཨརྐའི་མེ་ཏོག་གི་མཆོད་ཡོན་བྱིན་ན་དེ་དག་ཅི་ཞིག་བྱ་ཞེས་སྨྲ་བར་འགྱུར་རོ། །དེས་བརྗོད་པར་བྱ་བ་ནི་
D543.088.0226b07.01