完整藏文原文 · 德格版页 当前仅加载第 96 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
ཉི་མ་ཙེར་ཙེས་ནུབ་ནས་བརྩམ། །ཉི་མ་ཤར་བར་མ་གྱུར་པར། །མཆོད་ནས་གཤེགས་སུ་གསོལ་བར་ཤིས། །ཁྱད་པར་ཅན་གྱི་ཆོ་ག་ནི། །ལྷ་དུས་བྱ་བ་དུས་བཞིན་བཤད། །གཞན་དུ་ཆོ་ག་ཉམས་པའི་ཕྱིར། །དངོས་གྲུབ་འབྱུང་བར་མི་འགྱུར་རོ། །སྤྱི་ཡི་དཀྱིལ་འཁོར་བློ་
D806.096.0143b01.01ལྡན་པས། །ནམ་ཡང་ཉིན་པར་མི་བྲིའོ། །ཉིན་པར་བྲིས་ན་དེ་དག་ཏུ། །སྡུག་བསྔལ་ཉམས་སུ་མྱོང་བར་འགྱུར། །དགོངས་མགོ་བཙུགས་ནས་ནམ་ཕྱེད་ན། །དྲག་ཤུལ་སྤྱོད་པར་གྱུར་པ་ཡིན། །མཚན་མོ་དུས་ལས་འདས་པས་ན། །ཉེས་པ་མང་པོ་འབྱུང་བར་འགྱུར། །
D806.096.0143b02.01མཚན་མོ་རབ་ཏུ་ཞི་བའི་ཕྱིར། །སྤྱིར་ན་འདོད་པར་བྱ་བ་ཡིན། །དམ་ཚིག་དག་ལ་སོགས་པའི་ལས། །དེ་ལྟ་བས་ན་མཚན་མོ་བརྩམ། །ཉི་མ་ནུབ་ན་ལྷ་རྣམས་ནི། །ངེས་པར་བྱིན་གྱི་རླབས་ཀྱིས་འདུ། །གཞན་དག་ཀྱང་ནི་ཁྱད་པར་དུ། །བྱིན་གྱིས་རློབ་པར་བྱེད་པར་འགྱུར། །ཆོ་
D806.096.0143b03.01གས་སྤྱན་དྲངས་གསང་སྔགས་དང་། །ལྷ་ཡང་ཉི་མ་ནུབ་པ་ན། ཕན་པར་བཞེད་པས་དཀྱིལ་འཁོར་དུ། །ངེས་པར་བྱིན་གྱིས་རློབ་པར་མཛད། །ཡང་དག་ཞི་བའི་སེམས་ཀྱིས་ནི། །དུས་དང་ཆེས་གྲངས་ཞི་བ་ལ། །སྔགས་ཀྱིས་སྤྱན་འདྲེན་བྱེད་པ་ནི། །བསམས་པའི་
D806.096.0143b04.01དངོས་གྲུབ་ཐོབ་པར་འགྱུར། །ཕུར་བུ་དང་ནི་ཟླ་བ་དང་། །པ་བ་སངས་དང་ཉི་མ་བཟང་། །གཞན་ལ་རབ་ཏུ་དྲག་པོ་ཡི། །ལས་ནི་ཀུན་དུ་བརྩམ་པར་བྱ། །རྒྱལ་དང་སྐག་དང་ས་ག་དང་། །མེ་བཞི་ནག་པ་ཐ་སྐར་དང་། །སྣྲོན་ལ་སོགས་གསུམ་ས་ག་ནི། །དཀྱིལ་འཁོར་
D806.096.0143b05.01དག་ལ་རབ་ཏུ་ཤིས། །དེ་ལ་སོགས་པའི་ཞི་བ་དང་། །རྒྱུ་སྐར་དག་ནི་བཟང་པོ་ལ། །བློ་དང་ལྡན་པས་དཀྱིལ་འཁོར་བྲི། །དྲག་པོ་ལ་ནི་དྲག་པོ་བྲི། །འབེབས་ལྡན་རྣམ་རྒྱལ་རྒྱལ་བྱེད་དང་། །གསལ་དང་དམར་ལྡན་ནོར་ཅན་དང་། །བཟང་མོ་ཆུ་ལྷ་ཚངས་མ་དང་། །དེས་དང་བཀྲ་
D806.096.0143b06.01ཤིས་ཁྱབ་འཇུག་དང་། །སྐྱེ་དགུའི་བདག་དང་ཐ་སྐར་བྱམས། །ཚིག་བཟང་པ་བ་སངས་པའོ། །ཡུད་ཙམ་རྣམས་ཀྱི་རྒྱུད་ཀུན་གྱི། །བྱ་བའི་ཆོ་ག་རྣམས་ལས་ཤིས། །དེ་དག་ལ་སོགས་བཟང་པོ་དང་། །བྱེད་པ་བཟང་ལ་རྟག་ཏུ་བྲི། །མི་བཟང་བ་ལ་བརྩམས་པའི་
D806.096.0143b07.01