完整藏文原文 · 德格版页 当前仅加载第 96 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
གན་ཏི་དཀར་དང་། །དྲི་མི་ཞིམ་པ་གཞན་དག་ཀྱང་། །དྲག་ཤུལ་སྤྱོད་ལ་སྦྱར་བར་བྱ། །གེ་སར་ཀྲ་ནི་ཀ་ར་དང་། །མ་ལ་ཏི་དང་མེ་ཏོག་དཀར། །དྲི་ཞིམ་པ་དག་ཁྱད་པར་དུ། །དེ་བཞིན་གཤེགས་པའི་རིགས་ལ་དབུལ། །པདྨ་ལ་སོགས་ཆུ་སྐྱེས་རྣམས། །
D806.096.0156b01.01མཁས་པས་པདྨའི་རིགས་ལ་དབུལ། །ཨ་ཤོ་ཀུ་ཏི་ཏི་ལ་ཀ། །དེ་བཞིན་ན་པ་མ་ལི་ཀ །པྲི་ཡང་ཀུ་དང་ཏ་པ་ར། །ཀ་ར་བཱི་ར་ཏྲག་ཏྲ་ཀ། །ཨུཏྤལ་སྔོན་པོ་ཉིད་དག་ཀྱང་། །རྡོ་རྗེའི་རིགས་ལ་དབུལ་བར་བྱ། །དེ་བཞིན་གཤེགས་པའི་རིགས་ལ་ཡང་། །ཙནྡན་ཨ་གར་
D806.096.0156b02.01བདུག་སྤོས་དབུལ། །མཁས་པས་ཤི་རི་བི་སྟ་སོགས། །ཐང་ཆུ་པདྨའི་རིགས་ལ་དབུལ། །ཨ་གར་ནག་པོ་གུ་གུལ་གྱི། །བདུག་སྤོས་རྡོ་རྗེའི་རིགས་དགྱེས་སོ། །བདུག་སྤོས་དག་ནི་སྤྱིར་བཤད་ན། །སྲོག་ཆགས་ཡན་ལག་སྤངས་པའི་རྫས། །ཙནྡན་ག་པུར་ཨ་
D806.096.0156b03.01གར་དང་། །ཏུ་རུ་སྐ་དང་པོག་དཀར་དང་། །ཤི་རི་བེ་སྟ་སྲ་རྩི་བོབ། །ར་ས་གུ་གུལ་ཤལ་ལ་ཀི། །ཨུ་ཤི་ར་དང་ལ་བ་ཀ། །སྤང་སྤོས་གླ་སྒང་ག་པུར་དང་། །དེ་བ་ད་རུ་ཐང་ཤིང་དང་། །དེ་ལ་སོགས་པའི་རྫས་རྣམས་ནི། །ཇི་སྙེད་པ་དག་བསྡུ་བྱས་ནས། །བློ་དང་ལྡན་
D806.096.0156b04.01པས་བུ་ར་མ་དང་། །ལྷན་ཅིག་ཏུ་ནི་སྦྱར་བར་བྱ། །དེ་ལྟ་བུ་ཡི་བདུག་སྤོས་ནི། །ལྷ་ལ་{གོ་རིམས་,གོ་རིམ་}བཞིན་དུ་དབུལ། །དེ་དག་གང་ཡང་རུང་བ་དང་། །གཞན་ཡང་དྲི་ཞིམ་བཤད་པ་གང་། །རྫས་མང་དག་དང་སྦྱར་བ་ཡི། །བདུག་སྤོས་དཀྱིལ་འཁོར་དག་ལ་དབུལ། །དཀྱིལ་འཁོར་
D806.096.0156b05.01གྱི་ནི་ཆོ་ག་བཞིན། །ར་བ་དང་སེམས་ཀྱིས་ཅི་འབྱོར་པ། །བདུག་སྤོས་མེ་ཏོག་ལ་སོགས་པ། །བྱ་བ་དག་ནི་ལེགས་པར་བྱ། །མེ་ཏོག་དེ་དག་བརྒྱུད་མཁན་གྱིས། །བརྒྱུས་པ་ཞིག་ན་ངན་པ་ནི། །ཉུང་ཤས་ཡོད་ན་མི་འགལ་ཏེ། །དེ་མང་ན་ནི་རྣམ་པར་སྤངས། །མི་ཤེས་པ་ཡི་
D806.096.0156b06.01བྱུག་སྤོས་དག །མཁས་པས་དཀྱིལ་འཁོར་དབུལ་མི་བྱ། །སྲོག་ཆགས་ཡན་ལག་གིས་གཏུགས་པ། །དེ་ཡིས་གཞན་དག་བདུག་མི་བྱ། །རྒྱ་སྐྱེགས་ལ་སོགས་བདུག་སྤོས་ནི། །དགེ་བའི་ལས་ལ་དབུལ་མི་བྱ། །དེ་འདྲའི་ཆོ་ག་འདི་ཤེས་ནས། །ཆོ་གའི་ལས་ལ་འབད་
D806.096.0156b07.01