完整藏文原文 · 德格版页 当前仅加载第 96 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
པར་དཀྱིལ་འཁོར་བྱས་ནས་མཆོད། །འཇམ་དཔལ་གཞོན་ནུར་གྱུར་པ་དང་། །རྒྱལ་སྲས་མཐུ་ཆེན་ཐོབ་པ་དང་། །ནམ་མཁའི་སྙིང་པོ་དོན་གྲུབ་དང་། །དྲི་མ་མེད་པའི་བློ་གྲོས་དང་། །དེ་ལ་སོགས་པའི་སེམས་དཔའ་ཆེ། །དཀྱིལ་འཁོར་གྱི་ནི་ཕྱི་རོལ་
D806.096.0152a01.01དགོད། །བསྐལ་པ་བཟང་པོའི་གྲོགས་པོ་ནི། །བྱམས་པ་ལ་སོགས་ཐམས་ཅད་དགོད། །རྡོ་རྗེ་སྡེ་དང་ལག་{བཟངས་,བཟང་}དང་། །དེ་བཞིན་བགེགས་ཀྱི་སྡེ་དཔོན་དང་། །དབང་ཕྱུག་ཆེན་པོ་ཆུང་མར་བཅས། །ཚངས་པ་ཆེན་པོ་མེས་པོ་བྲི། །རིག་སྔགས་འཆང་གི་རྒྱལ་པོ་ཡང་། །
D806.096.0152a02.01གླང་པོ་ཆེ་ཞེས་བྱ་བ་དང་། །ཡན་ལག་བཀྲམ་འབྱིན་རྩེ་བྲན་ཅན། །གཡོན་ཕྱོགས་ཅོད་པན་མི་བཟད་དང་། །སྣ་ཚོགས་འོད་དང་ལེགས་པར་འགྲུབ། །རིག་སྔགས་འཆང་བདུན་བདག་པོ་སྟེ། །བདུན་པོ་འདི་དག་རིགས་ཀྱི་གཅོ། །དངོས་གྲུབ་པ་སྟེ་མཐུ་ཅན་རྣམས། །དཀྱིལ་
D806.096.0152a03.01འཁོར་དག་ནི་ཐམས་ཅད་ཀྱི། །ལྷོ་ཡི་ཕྱོགས་སུ་ལེགས་པར་དགོད། །མ་མོ་རྣམས་དང་སྣ་ཡོན་དང་། །དེ་བཞིན་གཟའ་རྣམས་སྣ་ཚོགས་དང་། །སྒྲ་གཅན་སྟོབས་ཅན་རབ་སིམ་དང་། །རྣམ་པར་སྣང་བྱེད་ལ་སོགས་དང་། །ནོར་རྒྱས་ལ་སོགས་ཀླུ་རྣམས་དང་། །དེ་དག་ནུབ་ཀྱི་
D806.096.0152a04.01ཕྱོགས་སུ་དགོད། །ཤར་དུ་རྡོ་རྗེ་ཕྱག་རྒྱ་ནི། །བརྒྱ་བྱིན་ལྷ་དང་བཅས་པ་དང་། །དེ་བཞིན་གནས་གཙང་ལྷ་རྣམས་ཀྱང་། །གུས་པར་ཡང་ནི་མཆོད་པར་བྱ། །ཉི་ཟླ་གཉིས་ཀྱི་དཀྱིལ་འཁོར་ནི། །དཀར་དང་དམར་བའི་བྱེ་བྲག་གིས། །ཤར་དང་ནུབ་ཏུ་བྲིས་ནས་ནི། །དེ་ནས་དེ་གཉིས་
D806.096.0152a05.01མཁས་པས་མཆོད། །མེ་ཡི་ཕྱོགས་སུ་ཞུགས་ཐབ་རྒྱ། །མེ་ལྷ་དྲང་སྲོང་འཁོར་བཅས་བྲི། །ལྷོ་ཕྱོགས་བེ་ཅོན་ཕྱག་རྒྱ་ནི། །གཤིན་རྗེ་{ཡི་དགས་,ཡི་དྭགས་}ལ་སོགས་བཅས། །བདེན་བྲལ་ཕྱོགས་སུ་རལ་གྲིའི་རྒྱ། །བདེན་བྲལ་བ་ནི་སྲིན་པོར་བཅས། །ཆུ་ལྷའི་ཕྱོགས་སུ་ཞགས་པའི་རྒྱ། །
D806.096.0152a06.01ཆུ་ལྷ་ཀླུ་དང་ལྷན་ཅིག་ཏུ། །རླུང་གི་ཕྱོགས་སུ་རྒྱལ་མཚན་རྒྱ། །རླུང་གི་ལྷ་ནི་རླུང་དང་བཅས། །བྱང་དུ་དབྱུག་ཏོའི་ཕྱག་རྒྱ་ཡང་། །ཀུ་བེ་ར་ཡང་གནོད་སྦྱིན་བཅས། །དབང་ལྡན་ཕྱོགས་སུ་རྩེ་གསུམ་རྒྱ། །དབང་ལྡན་ཚོགས་དང་ལྷན་ཅིག་ཏུ། །འོག་ཏུ་བུམ་པའི་ཕྱག་རྒྱ་ནི། །
D806.096.0152a07.01