完整藏文原文 · 德格版页 当前仅加载第 96 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་སྦྱིན་ཤིང་གི་བུད་ཤིང་ནི། །བ་མར་བསྐུས་པས་མེ་སྦར་ཏེ། །དེ་ལ་ཡམ་ཤིང་རློན་བསྲེག་པ། །སྦྱིན་སྲེག་དག་ལ་དེ་ལྟར་བསྲེག །མར་གྱི་སྦྱིན་སྲེག་ཇི་སྙེད་པ། །ཏིལ་གྱི་སྦྱིན་སྲེག་དེ་སྙེད་བྱ། །འབྲས་ཆན་ཅི་དགར་བསྲེགས་ནས་ནི། །ཐ་
D806.096.0162a01.01མར་དགང་བླུགས་དེ་བཞིན་བྱ། །མེ་ནི་འབོད་དང་གཏང་བ་དག །རང་གི་གསང་སྔགས་དག་གིས་བྱ། །དེ་ཡི་བསང་གཏོར་ལས་ཀུན་པའི། །གསང་སྔགས་དག་གིས་བྱ་བ་ཡིན། །དཀྱིལ་འཁོར་དུ་ནི་སྦྱིན་སྲེག་ལ། །གསང་སྔགས་བཤད་པ་གང་ཡིན་པ། །དེ་
D806.096.0162a02.01དག་གིས་ནི་ཆོ་ག་བཞིན། །མཁས་པས་དེར་ནི་སྦྱིན་སྲེག་བྱ། །དེ་ནས་གཞན་ཡང་ཞི་བ་དང་། །རྒྱས་པ་དང་ནི་དེ་བཞིན་དུ། །དྲག་ཤུལ་སྤྱོད་པའི་སྦྱིན་སྲེག་ལས། །ཁྱད་པར་དུ་ནི་བཤད་པར་བྱ། །ལས་དང་ཇི་ལྟར་རྗེས་མཐུན་པར། །དཀྱིལ་འཁོར་ཆོ་ག་
D806.096.0162a03.01བཞིན་བྲིས་ནས། །མཉམ་གཞག་རྫས་ནི་འདི་དག་གིས། །སྦྱིན་སྲེག་ལས་ནི་རབ་ཏུ་དབྱེ། །བྱང་དུ་ཁ་བལྟས་ཞི་བའི་ཕྱིར། །ཤར་དུ་ཁ་བལྟས་རྒྱས་པའི་ཕྱིར། །ལྷོ་ཕྱོགས་ཁ་བལྟས་དྲག་པོ་ཡི། །སྦྱིན་སྲེག་ལས་ནི་བརྩམ་པར་བྱ། །ལས་རྣམས་ཀུན་ལ་ཁ་རན་
D806.096.0162a04.01ནི། །ཟླུམ་པོ་དང་ནི་གྲུ་བཞི་དང་། །གྲུ་གསུམ་ཡིན་ཏེ་དཀར་པོ་དང་། །སེར་པོ་ནག་པོ་གསུམ་དུ་བསྒྲགས། །ཞི་བའི་ལས་ནི་པདྨོའི་སྟན། །རྒྱས་པའི་ལས་ནི་ཀུ་ཤའི་ཁྲེས། །དྲག་ཤུལ་སྤྱོད་ལ་སྟན་མེད་པར། །རྐང་པ་རྐང་པས་མནན་ཏེ་བྱ། །ལས་གསུམ་
D806.096.0162a05.01དག་ལ་ཞི་བ་དང་། །དགའ་དང་དེ་བཞིན་ཁྲོ་བྱ་སྟེ། །མཁས་པས་མདོ་ལས་ཇི་སྐད་དུ། །འབྱུང་བའི་ཆོ་ག་དེ་བཞིན་བྱ། །ཞི་ལ་ཡམ་ཤིང་རྩེ་མོ་སྟེ། །དབུས་ཀྱི་ལས་ནི་རྒྱས་པ་ལ། །དྲག་ཤུལ་ཀུན་ལ་རྩ་བ་སྟེ། །ཡམ་ཤིང་རྣམ་པ་གསུམ་དུ་བཤད། །ཞི་བའི་
D806.096.0162a06.01ལས་ནི་ཀུ་ཤ་དང་། །ལོ་མ་ལ་སོགས་གྱོན་ནས་བྱ། །རྒྱས་པ་དུ་གུ་ལ་ལ་སོགས། །རས་ཕྲན་སེར་པོར་ཡོངས་སུ་གྲགས། །མངོན་སྤྱོད་གོས་ནི་ནག་པོ་ལ། །ཁྲག་གིས་བཏབ་པས་བྱ་བ་ཡིན། །ཡང་ན་གོས་རྙིང་དྲི་མ་ཅན། །བགོ་བའམ་གཅེར་བུར་བརྩམ་པར་བྱ། །
D806.096.0162a07.01