完整藏文原文 · 德格版页 当前仅加载第 96 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིས། །གསུམ་པོ་འདི་ཡི་ཆོ་ག་ནི། །རེ་རེའམ་གཉིས་སམ་གསུམ་ཆར་རམ། །བསྲེས་ནས་དཀྱིལ་འཁོར་ལེགས་པར་བྲི། །རིགས་ཀྱི་བདག་པོ་གསུམ་རྣམས་ཀྱི། །གསང་སྔགས་ཐོག་མར་བཀོད་ནས་སུ། །དཀྱིལ་འཁོར་ནང་དུ་མཁས་པ་ཡིས། །ལྷག་མ་རྣམས་ཀྱི་
D806.096.0151b01.01ཕྱག་རྒྱ་བྲི། །ཕྱི་རོལ་དུ་ནི་སྟན་རྣམས་བྲི། །འདི་ནི་སྤྱི་ཡི་ཆོ་ག་སྟེ། །དཀྱིལ་འཁོར་དག་ལ་ཁྱད་པར་དུ། །བར་མ་རབ་ཏུ་བསྔགས་པ་ཡིན། །གཟུགས་རྣམས་ལེགས་པར་མ་རྫོགས་ན། །ཉེས་པ་སྔར་ནི་བཤད་པ་བཞིན། །གནས་རྣམས་སྟོང་པར་འགྱུར་བས་ན། །ཆོ་ག་ཐ་མ་མི་ཤེས་
D806.096.0151b02.01སོ། །ཕྱག་རྒྱ་རྣམ་གསུམ་གང་བཀོད་པ། །བར་མ་རབ་ཏུ་བསྒྲགས་པ་ཡིན། །ཁྱད་པར་དུ་ནི་དེ་བསྔགས་ཏེ། །དེ་ལ་བྱིན་གྱིས་རློབ་པར་འགྱུར། །ཕྱག་རྒྱ་བྲི་ན་བདེ་བ་སྟེ། །ཕྱག་རྒྱ་གང་ཡིན་དེ་ཉིད་ལྷ། །དེ་བས་མཁས་པས་ནན་ཏན་དུ། །དཀྱིལ་འཁོར་དག་གི་ཕྱག་རྒྱ་བྲི། །
D806.096.0151b03.01དཀྱིལ་འཁོར་མ་ལུས་པ་རྣམས་སུ། །མ་བཤད་ཀྱང་ནི་དོགས་མེད་པས། །སངས་རྒྱས་བཅོམ་ལྡན་འོག་ལོགས་སུ། །གཞན་གྱིས་མི་ཐུབ་ལྷ་མོ་བྲི། །དབུས་ཀྱི་སྟོང་པ་གང་ཡིན་པ། །དེར་ཡང་བུམ་པའི་སྟེང་དུ་ནི། །ཤེས་རབ་ཕ་རོལ་ཕྱིན་པ་གཞག །དེར་ཡང་མཆོད་ཅིང་
D806.096.0151b04.01བཀླག་པར་བྱ། །ལ་ལ་དག་ཏུ་མ་གསུངས་ཀྱང་། །འཕགས་པ་སྤྱན་རས་གཟིགས་དབང་གི། །དྲུང་དུ་བློ་དང་ལྡན་པ་ཡིས། །གོས་དཀར་ཅན་ནི་རྟག་ཏུ་བྲི། །ཕྱག་ན་རྡོ་རྗེའི་དྲུང་དུ་ནི། །བདུད་རྩི་ཐབ་སྦྱོར་ཀུན་དུ་བྲི། །བརྩོན་འགྲུས་ཆེན་མོ་མཱ་མ་ཀཱི། །ཕྱག་རྒྱ་ཆེན་མོ་
D806.096.0151b05.01བྲི་བར་བྱ། །ཆོ་ག་ཤེས་པས་སྒོ་དྲུང་དུ། །དགའ་བོ་དེ་དང་བསྙེན་དགའ་བྲི། །མཁས་པས་ཇི་སྐད་བཤད་པ་ཡིས། །འཕྲོག་མ་དེ་བཞིན་མདུན་དུ་བྲི། །སྒོ་རྣམས་ཀུན་དུ་རྡོ་རྗེ་བྲི། །ཕྱོགས་སྐྱོང་ཕྱག་རྒྱའང་ལུགས་བཞིན་དུ། །སོ་སོ་སོ་སོར་དྲག་པོའི་གཟུགས། །
D806.096.0151b06.01སོ་སོའི་ཕྱོགས་ཀྱི་གནས་སུ་བྲི། །གནོད་སྦྱིན་ནོར་བུ་བཟང་ལ་སོགས། །བསྟན་པ་ལ་ནི་གང་དགའ་བ། །སྒོ་ཡི་བྱང་གི་ཕྱི་རོལ་གྱི། །ཕྱི་རོལ་དུ་ཡང་དེ་དགོད་དོ། །གང་དག་ཏུ་ཡང་མ་བཤད་ཀྱང་། །ཤར་དུ་སངས་རྒྱས་ཐམས་ཅད་དང་། །དེ་བཞིན་ཆོས་དང་དགེ་འདུན་ལ། །གུས་
D806.096.0151b07.01