完整藏文原文 · 德格版页 当前仅加载第 96 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་གྱི་ནི་བདག་པོ་ལ། །གང་གི་མེ་ཏོག་བབ་གྱུར་ན། །དེས་ནི་དེ་ཡི་ལས་རྣམས་ཀུན། །མྱུར་དུ་འགྲུབ་ཅིང་མཆོག་ཏུ་འགྱུར། །སངས་རྒྱས་བཅོམ་ལྡན་འདས་ལ་ནི། །གང་གི་མེ་ཏོག་བབ་གྱུར་པ། །དེ་ལ་རིགས་གསུམ་གསང་སྔགས་ཀུན། །གདོན་མི་ཟ་བར་
D806.096.0161b01.01འགྲུབ་པར་འགྱུར། །པདྨ་འཛིན་ལ་རིགས་གཉིས་འགྲུབ། །རྡོ་རྗེ་འཛིན་ལ་རང་རིགས་འགྲུབ། །ཡང་ན་ལྷ་ནི་བསྙེན་པ་བཞིན། །གསང་སྔགས་འགྲུབ་པར་ཤེས་པར་བྱ། །གང་གིས་གཉིས་དང་གསུམ་པ་ལས། །འདས་ཏེ་སོང་བར་གྱུར་ན་ནི། །དཀྱིལ་འཁོར་
D806.096.0161b02.01དེ་ནས་དབྱུང་བར་བྱ། །ཡང་ན་དཀྱིལ་འཁོར་གཞན་དུ་གཞུག །དེ་ལ་སོགས་པའི་རྣམ་པ་ཡིས། །མེ་ཏོག་རྣམས་ནི་བོར་བ་ལས། །བདག་གི་མདུན་དུ་གང་ལྷུང་བ། །དེ་ལ་ཞི་བ་བརྩམ་པར་བྱ། །སྦྱིན་སྲེག་གིས་ནི་ཞི་བྱས་ནས། །དེ་ནི་སླར་ཡང་འདོར་དུ་
D806.096.0161b03.01གཞུག །ལན་གསུམ་སྤོགས་ཏེ་མ་བབ་ན། །རེ་ཐག་བཅད་དེ་སླར་གཏང་ངོ་། །བློ་དང་ལྡན་པས་ཆོ་ག་འདིས། །སློབ་མ་ཐམས་ཅད་གཟུང་བར་བྱ། །བཙུད་ནས་མེ་ཏོག་དྲི་ལ་སོགས། །དཀྱིལ་འཁོར་དུ་ནི་དབུལ་བར་བྱ། །སློབ་མ་གཅིག་ནས་བཀུག་ནས་ནི། །ཆོ་
D806.096.0161b04.01ག་བཞིན་དུ་ཡོན་ཕུལ་ཏེ། །ཆོ་ག་ཤེས་པས་བསང་གཏོར་བྱ། །གཡོན་གྱི་ཕྱོགས་སུ་བཞག་ནས་ནི། །དེ་ཡི་ལག་གཡས་མཐེ་བོང་ནས། །ལག་པ་གཡོན་གྱིས་བཟུང་ནས་ནི། །དཀྱིལ་འཁོར་བདག་པོའི་གསང་སྔགས་ཀྱིས། །མཁས་པས་སྲེག་བླུགས་བདུན་བདུན་བྱ། །
D806.096.0161b05.01དེ་ནས་ཞི་བའི་གསང་སྔགས་ཀྱིས། །མར་གྱི་སྲེག་བླུགས་ལན་བདུན་བྱ། །དེ་ནས་སློབ་མ་བླུགས་གཟར་གྱིས། །བསྐོར་ཞིང་ལན་བདུན་སྲེག་བླུགས་བྱ། །དེ་ནས་སྲད་བུས་བཅིངས་ནས་ནི། །བསང་གཏོར་སྔ་མ་བཞིན་བྱས་ནས། །སྙིང་གར་བྲམ་ཞིང་སྔགས་བཏབ་ལ། །ཇི་ལྟར་འདོད་པ་
D806.096.0161b06.01སླར་གཏང་ངོ་། །སློབ་མ་རྣམས་ནི་ཐམས་ཅད་ལ། །ཆོ་ག་འདི་ནི་བཤད་པ་ཡིན། །སྦྱིན་སྲེག་ལས་ནི་བ་མར་གྱིས། །བླུགས་གཟར་ཉིད་ཀྱིས་དེ་བཞིན་དུ། །ཀུ་ཤའི་ཆུ་དང་ཀུ་ཤའི་སྟན། །དེ་བཞིན་ཀུ་ཤའི་བསང་བྱེད་དང་། །ཀུ་ཤའི་དགྲམ་པ་དག་ཀྱང་ནི། །སྦྱིན་སྲེག་ལས་ལ་རབ་ཏུ་བྱ། །
D806.096.0161b07.01