完整藏文原文 · 德格版页 当前仅加载第 96 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
ཡམ་ཤིང་མེ་ལ་སྦར། །ཐོག་མ་དང་ནི་ཐ་མར་ཡང་། །མར་གྱི་སྲེག་བླུགས་དགང་བླུགས་ཀྱིས། །སོ་སོ་དག་ཏུ་དབུལ་བར་བྱ། །གང་དུ་བཟླས་བརྗོད་ཇི་སྐད་བཤད། །སྦྱིན་སྲེག་དག་ཀྱང་དེ་བཞིན་བསྒྲགས། །ཡང་ན་རེ་རེའི་ཆེད་དུ་ཡང་། །
D806.096.0160a01.01ཞི་བའི་སྔགས་ཀྱིས་སོ་སོར་བྱ། །གསང་སྔགས་ཐམས་ཅད་རིམ་བཞིན་དུ། །རེ་རེ་ནས་ཀྱང་དྲན་བྱས་ལ། །སྲེག་བླུགས་བདུན་བདུན་བསྲེག་བྱ་ཞིང་། །ཡང་ནས་ཡང་དུ་བསང་གཏོར་བྱ། །དེ་ནས་མཇུག་ཏུ་མེ་བསངས་ནས། །ཞི་བ་ཡི་ནི་གསང་སྔགས་ཀྱིས། །སྲེག་
D806.096.0160a02.01བླུགས་བརྒྱ་རྩ་བརྒྱད་ཕུལ་ནས། །ལྷ་རྣམས་ཀུན་ལ་བཟོད་པར་གསོལ། །སེམས་ནི་རབ་ཏུ་དད་བྱས་ལ། །དཀྱིལ་འཁོར་དུ་ནི་བདུག་སྤོས་དབུལ། །དེ་ནས་རིགས་ཀྱི་བདག་པོ་ལ། །བསྟོད་པ་དག་ནི་ལེགས་པར་བྱ། །སྡིག་པ་རྣམས་ཀྱང་གུས་པར་བཤགས། །
D806.096.0160a03.01བསོད་ནམས་རྗེས་སུ་ཡི་རང་བྱ། །དེ་ལྟར་བསླབས་ཤིང་ཅི་འདོད་པ། །སྨོན་ལམ་དག་ཏུ་བཏབ་ནས་སུ། །དཀོན་མཆོག་གསུམ་ལ་སྐྱབས་འགྲོ་བ། །ཡང་དང་ཡང་དུ་གུས་པར་བྱ། །ཕྱིར་མི་ལྡོག་པའི་དགེ་འདུན་དང་། །རིག་སྔགས་གསང་སྔགས་ཚོགས་ལ་
D806.096.0160a04.01ཡང་། །ཡིད་ལ་བསམས་ཏེ་ཡང་དང་ཡང་། །བྱང་ཆུབ་ཏུ་ནི་སེམས་ཀྱང་བསྐྱེད། །དེ་ལྟར་བྱས་ནས་དེ་འོག་ཏུ། །གླེགས་བམ་ཅུང་ཟད་བཀླག་པར་བྱ། །དཀྱིལ་འཁོར་དག་ཏུ་སྤྱན་དྲང་བའི། །ཆོ་ག་ལེགས་པར་བྱས་ནས་ནི། །བདུག་སྤོས་རྒྱུན་མི་འཆད་པར་
D806.096.0160a05.01དབུལ། །ཡང་དང་ཡང་དུ་མཆོད་ཡོན་གསོལ། །དེ་ལྟར་ཆོ་ག་འདི་བྱས་ནས། །ལྷ་རྣམས་ལ་ཡང་ཕྱག་བྱས་ཏེ། །བློ་དང་ལྡན་པས་ཆོ་ག་འདིས། །སློབ་མ་རྣམས་ནི་ལེགས་པར་གཟུང་། །སློབ་མ་རེ་རེ་ནས་དགུག་སྟེ། །བསང་གཏོར་སྔ་མ་བཞིན་བྱས་ནས། །བྱུག་
D806.096.0160a06.01སྤོས་ལ་སོགས་བྱིན་ནས་སུ། །སྙིང་པོས་མངོན་པར་བསྔགས་ནས་ནི། །ལས་ཀུན་བྱེད་པའི་གསང་སྔགས་ཀྱིས། །བཏབ་པའི་གོས་ཀྱིས་གདོང་གཡོགས་ཏེ། །སྔར་བསྟན་པ་ཡི་ཕྱག་རྒྱ་ལ། །མེ་ཏོག་དག་ནི་བཞག་ནས་སུ། །དེ་ནས་དཀྱིལ་འཁོར་བདག་པོའི་སྔགས། །ཕྱག་རྒྱར་
D806.096.0160a07.01