完整藏文原文 · 德格版页 当前仅加载第 96 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
དགུ་བཟླས། །སློབ་མ་རྣམས་ནི་བློས་བསམས་ནས། །མཉམ་པར་གཞག་སྟེ་མདུད་པ་བོར། །དེ་ནས་སློབ་མས་ཡོངས་བཟུང་ནས། །ལས་ལ་བགེགས་ནི་མེད་པར་འགྱུར། །སང་ནི་དཀྱིལ་འཁོར་བྲི་བའི་ཚེ། །དོ་ནུབ་ལྟ་བུ་སྟ་གོན་གནས། །ཐོག་མ་ཉི་མ་ཤར་བའི་ཚེ། །
D806.096.0144b01.01ས་ཕྱོགས་ཀྱི་ནི་ཆད་ག་བརྟག །དེ་ནས་དཀྱིལ་འཁོར་དགོད་པ་དག །ཡིད་ཀྱིས་ལེགས་པར་ཡོངས་སུ་བརྟག །སྔགས་རྒྱུད་དག་ལས་འབྱུང་བའི་ཟས། །བཟང་ལ་གཙང་ཞིང་སྣུམ་བག་ཅན། །རྗེས་སུ་མཐུན་ཞིང་ཡིད་འོང་བ། །སློབ་མར་བཅས་པས་རན་པར་བཟའ། །དེ་ནས་ནུབ་ཀར་
D806.096.0144b02.01ཁྲུས་བྱས་ཤིང་། །གཙང་ལ་གོས་ནི་དཀར་པོ་བགོས། །བླ་མ་སློབ་མ་དང་བཅས་པར། །དཀྱིལ་འཁོར་དྲུང་དུ་དོང་བར་བྱ། །དཀྱིལ་འཁོར་བྲི་བའི་ས་གཞི་ནི། །བྱི་དོར་ལེགས་བྱས་ལེགས་བྱུགས་ལ། །ཁྲོ་བོ་ཆེན་པོ་བཟླས་པ་ཡི། །སྤོས་ཆུས་བསང་གཏོར་བྱས་པ་ལ། །དབུས་
D806.096.0144b03.01སུ་སྟ་གོན་གནས་པ་དག །རིགས་རྣམས་ཀྱི་ནི་སྙིང་པོ་བཟླས། །དཀྱིལ་འཁོར་བ་དག་པོའི་གསང་སྔགས་ཀྱིས། །ལས་རྣམས་ཐམས་ཅད་བྱ་བ་བཤད། །ས་གཞི་སྟེང་དུ་བྱུག་སྤོས་ཀྱིས། །དཀྱིལ་འཁོར་སོར་གྲངས་བཅུ་གཉིས་བྱ། །དཀྱིལ་འཁོར་གྱི་ནི་རིག་སྔགས་ཀྱིས། །ལག་
D806.096.0144b04.01པས་བྲམ་ཞིང་ལན་བདུན་བཟླས། །དེ་ནས་གཙོ་བོ་ལྷ་རྣམས་ནི། །མིང་གིས་ཡིད་ལ་བསམས་ནས་སུ། །བྱུག་སྤོས་མེ་ཏོག་ལ་སོགས་པས། །སྙིང་པོས་ཅི་རིགས་མཆོད་པར་བྱ། །ལྷ་བཤོས་དག་ཀྱང་དབུལ་བར་བྱ། །བདུག་སྤོས་མངོན་པར་བསྔགས་པའང་དབུལ། །དེ་ནས་ཙནྡན་
D806.096.0144b05.01སྦྱར་བ་ཡི། །ཆུ་ལ་མངོན་པར་བསྔགས་བྱ་ཞིང་། །དེ་ལ་མེ་ཏོག་གིས་གཏོར་ནས། །ཆོ་ག་བཞིན་དུ་བདུག་པས་བདུག །སོ་ཤིང་ཨུ་དུམ་བ་ར་འམ། །ཨ་ཤྭཏྠ་ནི་རྨ་མེད་པ། །ཧ་ཅང་མི་སྦོམ་མི་ཕྲ་བའི། །སོར་གྲངས་བཅུ་གཉིས་ཚད་དུ་བྱ། །སྤོས་ཀྱི་ཆུས་ནི་ལེགས་པར་བཀྲུས། །
D806.096.0144b06.01སྐུད་པ་དག་གིས་རྣམ་པར་དཀྲིས། །སྤོས་ཀྱིས་བྱུགས་ཤིང་བདུག་པས་བདུག །ལག་པས་བྲམ་ཞིང་རིགས་ཀྱི་ནི། །སྙིང་པོ་ལན་གྲངས་མང་པོའམ། །ཡང་ན་ལན་བདུན་བཟླས་བརྗོད་བྱ། །སློབ་མ་རྣམས་ཀྱི་གྲངས་ལས་ནི། །སོ་ཤིང་ལ་སོགས་གསོག་པར་བྱ། །སོ་ཤིང་མགོ་ཞབས་
D806.096.0144b07.01