完整藏文原文 · 德格版页 当前仅加载第 96 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟ། །དེ་ནས་གཡས་ཕྱོགས་བསྐོར་ནས་ནི། །བདག་ཉིད་ནུབ་ཕྱོགས་ཁ་བལྟས་ཏེ། །དེ་ནས་སྲད་བུ་ནུབ་ཕྱོགས་སུ། །བདག་ཉིད་ཀྱིས་ནི་བྲེ་བར་བྱ། །དེ་ཡི་འོག་ཏུ་བྱང་ཕྱོགས་སུ། །མཁས་པས་སྲད་བུ་བྲེ་བར་བྱ། །དང་པོར་བདག་ཉིད་མེ་ཕྱོགས་སུ། །
D806.096.0148a01.01འདུག་ནས་ཕྱོགས་གཉིས་བརྟག་པར་བྱ། །དེ་ཡི་འོག་ཏུ་རླུང་ཕྱོགས་སུ། །ཕྱོགས་གཉིས་ནས་ནི་སྲད་བུ་བྲེ། །བདེན་བྲལ་དབང་ལྡན་གྲ་གཉིས་ནས། །སྲད་བུ་འཛིན་པ་བལྟ་བར་བྱ། །གྲུ་བཞི་ལྷ་མ་པར་བསྙམས་ནས་སུ། །རྒྱ་གྲམ་དུ་ནི་སྲད་བུ་བྲེ། །རྒྱ་གྲམ་ཐམས་ཅད་
D806.096.0148a02.01མཉམ་པར་བསྙམས། །དེ་ལྟར་སྲད་བུས་གཏན་ལ་དབབ། །བསྙམས་ནས་དེ་ཡི་དཀྱིལ་དུ་ནི། །ཕུར་བུ་གཅིག་ཀྱང་གདབ་པར་བྱ། །དེ་ནས་དེ་ཡི་འོག་ཏུ་ཡང་། །གྲྭ་བཞིར་ཕུར་བུ་བཞི་གདབ་བོ། །དེ་བཞིན་དཀྱིལ་འཁོར་གཉིས་པ་དང་། །གསུམ་པ་ལེགས་པར་གྲྭ་དག་
D806.096.0148a03.01ནས། །ཆེ་ཆུང་དག་ཀྱང་རིམ་པ་བཞིན། །ཡོངས་སུ་བརྩམ་པར་བྱ་བར་བཤད། །རིམ་གྱིས་ཕྱེད་ཕྱེད་ད་བྲི་བར་བར་བྱ། །དེ་ལས་གཞན་པའི་འཁོར་གྱི་ནི། །དཀྱིལ་འཁོར་བཤད་པ་གང་ཡིན་པ། །དེ་ཀུན་ཕྱེ་མ་དཀར་པོ་ཡིས། །ཆིག་རྐྱང་དུ་ནི་བྲི་བར་བ་ཤད། །དཀྱིལ་འཁོར་ཉིས་
D806.096.0148a04.01རིམ་སུམ་རིམ་མམ། །བཞི་འམ་མང་པོར་བྱ་བ་ལ། །ཕྱི་རིམ་གང་ཡིན་དེ་ལ་ནི། །སྒོ་གཅིག་པ་དང་རྒྱ་ཆེར་བྱ། །གཞན་ནི་ཕྱོགས་ཀྱི་ཆ་བཞིན་དུ། །སྒོ་བཞི་སྒོ་ཁྱུད་བཅས་པར་བྱ། །ཡང་ན་ཐམས་ཅད་དོགས་མེད་པར། །སྒོ་རེ་རེ་བཞི་བྱ་བ་ཡིན། །སྙིང་པོ་དཀྱིལ་འཁོར་ངེས་པར་
D806.096.0148a05.01ནི། །རབ་ཏུ་བཟང་པོ་སྒོ་བཞིར་བྱ། །ནུབ་ཕྱོགས་སྒོ་འམ་ཡང་ན་ནི། །གང་ལས་ཇི་སྐད་བཤད་པར་དབྱེ། །ལྷག་མ་རྣམས་ནི་དཀར་པོ་ཡི། །ཕྱེ་མས་གཅད་པར་བྱ་བ་ཡིན། །དཀྱིལ་འཁོར་རྣམ་གསུམ་དགོད་པ་ཡིས། །དཀྱིལ་འཁོར་རབ་ཏུ་མང་བཤད་ཀྱང་། །དེ་ནི་དཀྱིལ་
D806.096.0148a06.01འཁོར་མང་པོ་དག །རྣམ་པར་དགོད་པ་བཤད་པ་གང་། །དེ་དག་རྣམས་ནི་ཐམས་ཅད་ཀྱི། །རྣམ་པར་དབྱེ་བ་ཡིན་པར་གྲགས། །ལྷ་ཡི་གཙོ་བོར་གྱུར་པ་རྣམས། །རྟག་ཏུ་དཀྱིལ་དུ་དགོད་པར་བྱ། །དེ་ཡི་ལྷག་མའི་དཀྱིལ་འཁོར་ནི། །གཉིས་པ་དག་ཏུ་དགོད་པར་བྱ། །
D806.096.0148a07.01