完整藏文原文 · 德格版页 当前仅加载第 96 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བ་གང་། །སྟ་གོན་གནས་ཚེ་མེད་ན་ནི། །དེ་ཡི་གཟུགས་བརྙན་བྱས་ནས་སུ། །ཇི་སྐད་བཤད་པའི་ལས་རྣམས་བྱ། །སློབ་མ་ཡོངས་སུ་གཟུང་བ་གང་། །གལ་ཏེ་རྐྱེན་འགའ་ཞིག་གིས་ནི། །དེར་ནི་འོངས་པར་མ་གྱུར་ན། །གཞན་དག་དེ་ཡི་སྐྱིན་པར་གཞུག །
D806.096.0165b01.01སྟ་གོན་གནས་པར་བྱས་པ་ལས། །གལ་ཏེ་རྐྱེན་གྱིས་མ་འོངས་ན། །བླ་མ་བློ་ལྡན་མཁས་པ་ཡིས། །དེར་ནི་སློབ་མ་གཞན་མི་གཟུང་། །སྟ་གོན་གནས་པར་བྱས་པ་ལས། །བླ་མ་གལ་ཏེ་དཀྱིལ་འཁོར་དུ། །གང་ཞིག་འོངས་པར་མ་གྱུར་ན། །ནད་ཀྱིས་བཏབ་ནས་ངེས་པར་
D806.096.0165b02.01འཆི། །རྐྱེན་འགའ་ཞིག་གིས་བསྐལ་ནས་སུ། །གལ་ཏེ་ཉིན་གཅིག་བར་ཆད་ན། །དེ་ཡི་ཉིན་པར་ཞི་བྱས་ནས། །སླར་ཡང་སྟ་གོན་གནས་པར་བྱ། །ཡོ་བྱད་གཅེས་པ་མ་འབྱོར་ཡང་། །བཤོལ་བ་དག་ནི་ཡོང་མི་བྱ། །གལ་ཏེ་བཤོལ་ན་བླ་མ་ལ། །གནོད་པ་
D806.096.0165b03.01མང་པོ་འབྱུང་བར་འགྱུར། །དཀྱིལ་འཁོར་འདྲི་བའི་ཚེ་ན་ནི། །གནོད་པ་འགའ་ཞིག་འབྱུང་འགྱུར་ན། །བཤད་པའི་སྔགས་ཀྱི་སྟོབས་ཀྱིས་སུ། །དེ་ནི་སླར་ཡང་བཟློག་པར་བྱ། །དེས་ཀྱང་བཟློག་པར་མ་ནུས་ན། །མཆོད་པའི་ཡོ་བྱད་ཐམས་ཅད་ནི། །བསང་གཏོར་བྱས་ཏེ་
D806.096.0165b04.01ཕུལ་ནས་སུ། །མཆོད་ཡོན་ཕུལ་ཏེ་སླར་གཤེགས་གསོལ། །བློ་དང་ལྡན་པས་ཕྱི་དེ་ཉིན། །དཀྱིལ་འཁོར་སྔ་མ་བཞིན་དུ་བྲི། །ཡང་ན་མཁས་པས་སྦྱིན་སྲེག་གི། །ལས་ཀྱིས་ཞི་བར་རབ་ཏུ་བྱ། །མ་བདུན་གྱི་ནི་དཀྱིལ་འཁོར་དང་། །གནོད་སྦྱིན་དཀྱིལ་འཁོར་བཤད་པ་
D806.096.0165b05.01གང་། །དེ་ལ་སོགས་པ་དགོད་པ་ནི། །ཉེས་པ་རིམ་བཞིན་བརྟག་མི་དགོས། །དེ་དག་ཏུ་ནི་དེ་བཞིན་དུ། །དཀྱིལ་འཁོར་དགོད་པ་རྒྱས་པར་བྱ། །ཆོ་གར་བྱས་པ་གཞན་དག་ལས། །ཆོ་ག་འདི་ནི་ཅི་རིགས་སྦྱར། །མདོར་བསྡུས་བཤད་པ་གང་ཡིན་དང་། །རྒྱས་
D806.096.0165b06.01པར་བཤད་པ་གང་ཡིན་དང་། །ཟུར་གྱིས་བསྟན་དང་མདོ་ལས་ནི། །སྤྱིར་བསྟན་པ་ནི་གང་ཡིན་པ། །དེ་རྣམས་བྱ་བའི་ཆོ་ག་ལ། །རྒྱུད་འདིར་རྒྱས་པར་བཤད་པ་ཡིན། །མཁས་པས་ཆོ་ག་འདི་ཡིས་ནི། །དཀྱིལ་འཁོར་ཐམས་ཅད་བྲི་བར་བྱ། །དཀྱིལ་འཁོར་ཆེན་
D806.096.0165b07.01