完整藏文原文 · 德格版页 当前仅加载第 96 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པས་གཏོར་མའི་ལས་ལ་ནི། །གུས་པ་དག་ཏུ་དབུལ་བར་བྱ། །ན་རི་ཀེ་ར་བིལ་བའི་འབྲས། །ཏ་ལ་དང་ནི་སེའུ་འབྲུ་དང་། །དེ་ལ་སོགས་པའི་གེལ་པ་ཡི། །འབྲས་བུ་དག་ནི་རྣམ་པར་སྤང་། །རྡོ་བའི་རྡོ་གུ་དག་དང་ནི། །བི་ཏ་རལ་སོགས་པ་ཡི། །
D806.096.0158b01.01ལྡུམ་བུ་བཤུས་པ་བཟང་པོ་དག །ཐམས་ཅད་དུ་ནི་དབུལ་བར་བྱ། །སུ་རན་ཡི་རྩ་བ་དང་། །ཀརྱ་དུ་ཏན་ཏ་ཉིད་དང་། །དེ་ལ་སོགས་པའི་རྡོ་གུ་ནི། །མི་ཤེས་པ་དག་རྣམ་པར་སྤང་། །འབྲས་བུའི་མཆོག་ནི་བལ་པོའི་སེའུ། །རྡོ་གུའི་མཆོག་ནི་བི་དི་རི། །
D806.096.0158b02.01དེ་དག་བློ་དང་ལྡན་པ་ཡིས། །བསྒྲིམས་ཏེ་དཀྱིལ་འཁོར་དག་ཏུ་དབུལ། །སྲན་ཆན་རྣམ་པ་སྣ་ཚོགས་དང་། །ཏིལ་ནི་ཁ་ཚོས་དང་བསྲེས་པ། །དེ་དག་དཀྱིལ་འཁོར་ཕྱི་རོལ་གྱི། །ལྷ་ལ་{གོ་རིམས་,གོ་རིམ་}བཞིན་དུ་དབུལ། །དེ་ནས་མེ་ཏོག་དཀར་པོ་དང་། །ཏིལ་
D806.096.0158b03.01དང་འབྲས་ཡོས་དཀྱིལ་འཁོར་དགྲམ། །མ་ཐར་ཕྱོགས་ཀྱི་གཏོར་མ་ནི། །རྒྱ་ཆེན་ཕྱོགས་རྣམས་ཀུན་དུ་སྦྱིན། །འབྲས་ཡོས་དང་ནི་ཏིལ་དུ་བཅས། །འབྲས་ཆན་མེ་ཏོག་ཆུ་དང་བཅས། །སྲན་ཆན་བཅས་ཤིང་མང་དུ་བྱ། །མར་དང་ཚག་ཚིག་བཅས་པ་ཡི། །
D806.096.0158b04.01གཏོར་མ་འདི་འདྲ་སློབ་དཔོན་གྱི། །ལག་ཏུ་བླངས་ཏེ་བཀའ་བཞིན་དུ། །ཕྱོགས་མཚམས་ཀུན་དུ་གསུམ་གསུམ་དབུལ། །མཆོད་ཡོན་དང་ནི་བདུག་པའང་སྦྱིན། །སྲིན་པོ་རྣམས་དང་ཤ་ཟ་དང་། །འབྱུང་པོ་རྣམས་དང་ཤ་རྗེན་ཟ། །སེམས་ཅན་རྣམ་པ་སྣ་ཚོགས་ལ། །
D806.096.0158b05.01མཁས་པས་གཏོར་མ་ཕྱོགས་སུ་གཏོར། །སེམས་ལ་གང་དང་གང་དྲན་པ། །དེ་དག་ཀུན་ལ་གཏོར་མ་སྦྱིན། །ས་ཕྱོགས་དེ་ཡི་སེམས་ཅན་ནི། །ལྗོན་ཤིང་གེལ་པར་གནས་རྣམས་ལ། །སྦྱིན་བྱ་གལ་ཏེ་འཐོར་བའི་ཚེ། །བློ་བུར་ཅེ་སྤྱང་སྒྲ་གྲག་ན། །དེར་ནི་
D806.096.0158b06.01མཉམ་གཞག་མ་འཁྲུལ་བར། །གཏོར་མ་ཡང་དང་ཡང་དུ་སྦྱིན། །ཅེ་སྤྱང་སྒྲ་དང་སྒྲ་ཆེན་དང་། །འབྱུང་པོ་དག་ནི་སྣང་བ་དང་། །ལྗོན་ཤིང་ཡལ་ག་ཆག་སོགས་དང་། །འབྲུག་གི་སྒྲ་ནི་གྲག་པ་དང་། །དེ་ལ་སོགས་པ་ཡ་མཚན་ལྟས། །གལ་ཏེ་དེར་ནི་འབྱུང་གྱུར་
D806.096.0158b07.01